¹ Bai batoza ushuru boti na benge bene sambi baichile kwa Yesu na kumpekania. ² Mafarisayo na baandishi batinung'unika kababaya, ''Mundu yoo hubakaribisha bene sambi na lya nabo." ³ Yesu kabaya mfano wono kwabe, kabaya, ⁴ "Nyai kwinu, kati abi na ngondolo mia jimo na mei teo anobite yumo kati yabo, apala kuwaleka balo tisini na tisa mupongote, na ayende kumpala yolo ywanobite mpaka kumbona? ⁵ Na ywewmbe maite mpatike umbeka mulipamba lyake na pulaika. ⁶ Paika kunyumba, ubakema mbwiga kwa yango na jirani yake nakuwabakiya mupurahi pamope na nee, kwa kuwa nimpatike ngondolo ywango ywaobite.' ⁷ Nindakuwabakia nyonyonyo kupabaa na puraha kumaunde kwaajili ya mwene sambi yumo yatubu, zaidi ya bene haki tisini na tisa babile ntopo hoha ya tubu. ⁸ Au kuna nnwawa gani ywabile na sarafu komi za mbanje, payaobite na sarafu jimo, hapa washa taa na pyaya nyumba na kuipala kwa bidii hadi kuipata? ⁹ Na paibona hubakema mbwiga kwaa yake majirani bake kuwabakia mpurahi pamope na nee, kwa kuwa niipatike sarafu yango yaniobite. ¹⁰ Hata nyoo nindakuwabakiya ibile puraha nnonge ya malaika wa Nnongo kwaajili ya mwene sambi yumo tubu." ¹¹ Na Yesu atibaya, "Mundu yumo abile na bana abele ¹² Yolo nchunu atikum'bakiya tate bake, tate unipei sehemu ya mali yango yoti kuirithi. Nga atibagana mali yake kati yabo. ¹³ Machoba ganambone kwaa yolo nchunu atokusanya vyoti anavyomiliki naboka kilambo cha mbale, na kwoo atitapanya mbanje yake, kwa pema ilebe yaipalite kwaa, na tapanya mbanje yake kwa anasa, ¹⁴ Naye pabweni ayomwile tumiya yoti njala kolo itiyingya pakilambo chelo nayembe atumbwile panga abi na uhitaji. ¹⁵ Atiyenda na kuajiri mwene kwa yumo wa raia wa kilambo chelo, ni yembe atikumpeleka kumng'unda wake lisha magobe. ¹⁶ Na atitamani kuishibisha kwa maakapi yabalile kwa sababu ntopo mundu ywampei kilebe chochoti cha lya. ¹⁷ Ila yolo mwana nchunu patambwile mwoyoni mwake, abaite na atumishi alenga wa tate bango bana chakulya chanambone cha tosha na nenga nibile pano, na waa na njala! ¹⁸ Nipala boka na yenda kwa tate bango, na umbakiya, "Tate nikosite kunani ya maunde na nnongi ya minyo gako. ¹⁹ Nistahilli kwaa kemelwa mwana wako kae, unipange kati yumo wa atumwa bako." ²⁰ Ndipo atiboka na yenda kwa tate bake, pabile angaliu palipite napatate bake amweni akiya ayei lubela na kumkumbatiya ni kumnoniya. Yolo mwana atikum'bakiya, ²¹ "Tate nikosite kunani ya maunde na nnonge ya minyo gako nistaili kwaa kemelwa mwana wako.' ²² Yolo tate atikuwabakiya atumishi bake,'mulileti upesi nganju ya ibile bora, mukamuwalike mujei na pete mu'ingonji na ilatu mumagolo. ²³ Boka po munileti ndama yolo yanonite nakumchinja uliye na kupurai. ²⁴ Kwa kuwa mwana wango atiwaa naywembe abi hai. Ati oba nakwe atibonekana batumbwile shangilia. ²⁵ Bai yolo mwana wake mpendo abile kumngunda. Pabayowine na karibia kunyumba ayowine malobe ya nyambo na ng'anda. ²⁶ Amkemite mtumishi yumo nakumlokiya makowe gano maana yake namani" ²⁷ Mtumishi akam'bakiya mnunako haichile na tate bako atikumchinjia ndama yanenipe kwasababu atibuya salama,' ²⁸ Mwana mpendo atikasirika akani jingiya nkati na tate bake apitike panja kumpembeya. ²⁹ Ila atikuyangwa tate bake baya, "lola nenga nitikutumikiya miaka yanambone, wala nikosite kwaa amri yako, lakini unipei kwaa mwana mbui lenga niweche sherekea na rafiki zango. ³⁰ Lakini paichile yono mwana wako watapakinye mali yako yoti pamope na makahaba atikunchinjia ndama yanenipe. ³¹ Tate akabakiya, 'Mwana wango, wenga u pamope na nenga kila machoba goti na vyoti yanibile vyo vyako wenga. ³² Ila yapangite vyema kwitu kumpangiya sherehe na purai, yono mbwiga wako atiwaa, nanambeambe abi nkoti, na atioba na ywembe apatikine."