¹ Yesu atibabakiya kae benepunzi bake, "Pabile na mundu yumo tajiri abile na meneja, na apeilwe habari ya kwamba meneja yono atapanya mali yake. ² Nga nyoo tajiri atikumkema, nikum'bakiya, "Nga namani yeni yaniipekania kunani yako? Upiye hesabu ya umeneja wako, kwa kuwa uwecha kwaa panga wameneja kae." ³ Yolo meneja atibaya kumoyo wake, nipala panga namani, mana ngwana wango anikonyie kazi yango ya umeneja? Ntopo ngupu ywa lema, na loba loba nibona oni. ⁴ Nilitangite lanipala panga lenga panipoyelwa kukazi yango ya uwakili bandu banikaribishe kunyumba yabe. ⁵ Nga nyoo wakili atikubakema adeni wa ngwana wake kila yumo akam'bakiye wa kwanza,'udaiwa kiasi gani ni ngwana wango?' ⁶ Atibaya ipimo mia jimo ya mauta akambakiya 'utole upesi hati yako utame upesi uyandike hamsini.' ⁷ Boka po atim'bakiya ywenge na wenga udaiwa kiasi gani? 'atibaya 'ipimo mia jimo vya bwembe wa ngano, 'Akam'bakiya, 'utole hati yako uyandike themanini.' ⁸ Yolo ngwana atikumsifu meneja dhalimu cha pangite kwa weleu, kwa kuwa bana ba'kilambo wono na werevu wanambone nashughulika kwa ung'anga na bandu baupande wabe kuliko bababile bona banuru. ⁹ Na nenga nindakuwabakiya muipange ambwiga kwa mali ya udhalimu lenga baikosike babakaribishe katika makao ga milele. ¹⁰ Ywa abiile mwaminifu katika lalibile lichunu muno upanga uaminifu katika likolo, na abile dhalimu katika kichunu muno na katika kikolo pia. ¹¹ Mana mwenga mpangile kwaa uaminifu katika mali ya udhalimu na ywako apalakukuamini katika mali ya kweli? ¹² Na mana mwabile kwaa baaminifu katika tumia mali ya mundu ywenge nyai ywapala kuwapea yaibile ya kwinu bene? ¹³ Ntopo mtumishi ywaweza tumikia ngwana wanaibele, kwa maamna apala kumchukia yumo na kumpenda ywenge, ama apala chikamana ni yolo na kumdharau hayo. Hawesa kwaa kumtumikia Nnongo na mali." ¹⁴ Bai Mafarisayo, bababile apenda mbanje bayowine ago goti na chalawa. ¹⁵ Na atiabakiya, "Mwenga mwamuipunia haki nnonge ya bandu, lakini Nnongo aitangite mioyo yinu, kwa kuwa latitumikite kwa bandu upanga chukizo nnonge ya Nnongo. ¹⁶ Saliya na manabii vyabile mpaka Yohana paichile. Boka wakati wolo, habari njema ya ufalme wa Nnongo utitangazwa, na kila mundu upaya jingya kwa ngupu. ¹⁷ Lakini na rahisi ka kumaunde na pakilambo viboke kuliko hata herufi yimo ya saliyakosekana. ¹⁸ Kila ywanneka nnyumbowe na kobeka nnwawa ywenge azini, nayomkobeka ywembe ywalekwite na nchengowe azini. ¹⁹ Pabile na mundu yumo tajiri awalite ngobo za rangi ya zambarau na kitani safi na abile atipurai kila lichoba utajiri wake nkolo. ²⁰ Na maskini yumo lina lyake Lazaro abekitwe muligeti lyake, na ana ilonda. ²¹ Na ywembe atitamani yukuta kwa makombo yatambwike katika meza ya yolo tajiri hata mapwa waichile na kumlambata ilonda yake. ²² Ikawa yolo maskini awile ni tolekwa na malaika mpaka pakiuba cha Ibrahimu. Yolo tajiri pia awile nachikwa. ²³ Na kolo kumambe abile kumateso aobwile minyo gake na kum'bona Ibrahimu kuutalu na Lazalo pakiuba chake. ²⁴ Atilela na kubaya, Tate Ibrahimu, unihurumie unlei Lazaro achuye ncha ya lukonji lwake mumache, auburudishe ulimi wango, kwa sababu nindateswa katika mwoto wono. ²⁵ Lakini ibrahimu abayite, "Mwana wango ukumbuke ya kwamba katika maisha yako utipokiya makowe yako mema, na Lazaro nyo apatike mabaya. Ila nambeyambe abile pano anafarijiwa na wenga unalumia. ²⁶ Na zaidi ya ago, kubekitwe liembwa likolo na lilacho kati yitu, lengo balo bapala boka kono icha kwoo kana bawechange wala bandu wa kwinu kana baloke icha kwitu." ²⁷ Yolo tajiri abayite,'nindakuloba tate Ibrahimu, kwamba umtume kunyumba ya tate bango. ²⁸ kwa kuwa nibile nabo anunango atano linga abaonye, kwa hofu kwamba nabo baicha mahali pano nateseka.' ²⁹ Lakini Ibrahimu abayite, "Babile Musa na manabii babapekani bao. ³⁰ Yolo tajiri atibaya, "Nyoo kwaa, tate Ibrahimu, lakini mana ayendile mundu boka kono kwa wafu bapala tubu.'' ³¹ Lakini Ibrahimu atikum'bakiya, ''Kana bakani kuwa pekania Musa na manabii bapala shawishika kwaa ni mundu hata mana atiuluka boka mu'kiwo''.