¹ Yapitike lochoba lya sabato, pabile kayenda kachake kwa yumo ywa kiongozi wa Mafarisayo lya nkate, nabo babile kabachunguza kwa karibu. ² Linga palo nnongi yake pabile mundu ambaye asuliwae na iumbe. ³ Yesu aalokiye ataalamu ba saliya ya Ayahudi na Mafarisayo, "Buli, na alali kumponya lichuba lya sabato au bulii? ⁴ Lakini bembe babi chichi kwa hiyo Yesu atikumkamwa, nikumponya na kumruhusu ayende zake. ⁵ Na ywembe aabakiye, nyai kati yinu ambaye aii na mwana au ngombe atumbukii pa luchii lichuba lya sabato amuuta panja mara yimo?" ⁶ Bembe babi na uwezo kwaa wa pia jibu kewa mambo ago. ⁷ Yesu pakwipilwe kwamba bachawii itii ya heshima, abakiye mfano, Ngabakiya, ⁸ Wakati pankokelwa na mundu kundoa kana utume katika nafasi ya heshima kwasababu iwezekana akokilwe mundu ambaye mwene heshima muno kuliko wenga. ⁹ Wakati mundu ywa mkokite mwenga mwaabele paaicha akubakia wenga, "upiyee mundu yo nafasi yako" na kwa oni watumbwa tola nafasi ya kumwisho. ¹⁰ Lakini wenga mana ukokilwe, uyende ukatame nafasi ya mwisho, linga wakati yulo ywa kukokite manaaichile awecha kukubakiya wenga, "Mbwiga, uyende nnongi, zaidi," apo wabaa utieshimika nnongi ya boti bautaminabo pameza. ¹¹ kwa maana kila ywa ikwiya bapakumuuluya na nywaa iuluya bapa kunkwiya.' ¹² Yesu kae aabakiye mundu ywankokite, papia chakulya cha mutwe kati au cha kitamwiyo, kana uakoke mabwigalyo au alongo au anunabo au majirani bako matajiri, linga kwamba bembe kana kukoke wenga kwa pata malipo. ¹³ Badala yake, paunga sheree wakoke masikini, ilema, iwete na ipofu. ¹⁴ Na wenga wabarikiwa, kwa sababu bawecha kwaa kukulipaa. Kwa maana walipilwa katika ufufuo wa bene haki." ¹⁵ Wakati umo wa balo babatami mezani pamope na yolo ywa lyaa nkate katika ufalme wa Nnongo!" ¹⁶ Lakini Yesu aamakiye mundu yumo aandayite sheree ngolo akokite bandu baingi. ¹⁷ Wakati sheree paibile tayari, amtumite mmanda wake kuabakia balo babakokilwe, muiche, kwa sababu ile yoti ibekilwe tayari ¹⁸ Boti batumbwi luba radhi, ywa kwanza aamakiye mpanga kachi, mbinike nng'unda, lazima niyende nikalibone tafadhali unisamee,' ¹⁹ Ni ywenge abayite mbimike jozi tano ya ngombe na nenga niyenda kuwapaya. Tafadhali uniwie radhi.' ²⁰ Na mundu ywenge kabaya, "nikobike nnwawa, kwa nyoo ngwecha kwaa icha.' ²¹ Mmanda kabuya na kummakiya ngwana wake makowe ago, ngwana mwene nyumba atikasirika atikummakiya mmanda wake, Yenda uoesi mumitaa uichochoro ya mji ukabatole kwango maskini, ilema, ipofu na babalemile." ²² Mmanda ngabaya, nwana hago gaulagya gapangilwe na hata nambiambi balo kui na nafasi. ²³ Ngwana ngamakiya mmanda, yenda katika ndela ngalu na muichocholo bandu na ubalazimishe bandu bajingii, linga nyumba yango itwetii. ²⁴ Kwa maana nenda kuwa bakiya, katika balo babakokilwe ba kwanza ntopo ywapaya sheree yango.' ²⁵ Nambeambe bandu banyansima babile kabayenda nakwe pamope agalambwike ni aabakiye, ²⁶ Mana mundu kaicha kwango na amchukya kwaa tate bake, mao bake, nnyumbo we, bana bake, anunabe, alalome na alwawa ndio, na hata maisha gake awecha kwaa panga mwanapunzi bango. ²⁷ Mundu ywaapotwa kwaa msalaba wake na icha ichungu yango hawecha kwaa panga mwanapunzi bango. ²⁸ Maana nyai nkati yinu, ambaye atamaniya chenga nnara hatamaa kwa akadilii galamaa kwa mahesabu kati ai na chilo chakipala linga alikamilishe lyo? ²⁹ Vinginevyo baada ya bika nsingi na chindwa yomolya, boti bababweni batumbwa kum'dhihaki. ³⁰ Kabaya, mundu yu alumbwi chenga wakati ntopo ngupu ya yomolya. ³¹ Au mfalme ywako mana kaapala yenda, kumbwana na mfalme ywenge katika vita ambae hatama kwaa pae kwanza na tola ushauli usu mana awecha, pamope na bandu elfu komii kumbwana na mfalme ywenge kaicha usu ywembe na bandu elfu ishirini? ³² Na mana nyoo kwaa, wakati jeshi lya bengi balo li kutalu utuma mjumbe pala masharti ga amani. ³³ Kwa nyoo basi yoyoti kati yinu ambaye haaleka kwaa yoti yabile nayo, hawecha kwaa, panga mwanapunzi bango. ³⁴ Mwinyo na nzuri, lakini iobiye ladha yake, panga kitiwe panga kai mwinyo kae? ³⁵ Ntopo matumizi kwa bui au hata kwa mbolea undataikwa kutalu. Ywabile na makutu, na ayowe."