Sura ya 3

1 Mupolekhenche elimenyu elya Yahwe elealenchovile khulyomwe, mwe vanu va Israeli, khu khevwumbukho khyoni ekhenakhekhominche khu khelunga khya Misri, 2 "Nevakhalile umwe mwe vene ukhuhuma mufivwumbukho fyoni efya nkelunga. Pwu yanikhuvavunga khu inongwa nchenyo nchoni." 3 Avanu vavele viwesya ukhugendania pwu paninie viva vedekhinie? 4 Engalamu yikhuluma munsitu vwu khesipali ekhya khuswema? Ekhyana khya ngalamu khikuluma mu-manga vwu sakhibite khenu? 5 Ekhedege khigwela pa ntego baho sapavekhiwe ekhekhilya? Ontego gwipagavu khesipali ekhepaginche? 6 Olokelema lungatoviwe avanu vasiteukhutetema? Olonande lukhumila pa khelunga, vwuseganile u-Yahwe? 7 Vwa yelweli Untwa Yahwe sakhavombe khenu khetavavola avavombi va mwene avanyamalago. 8 Engalamu yekhulwime; veni uvesidwada? Untwa Yahwe anchovile; veni sakhalagule? 9 Mupangage ele mu mbunchenge khu Ashdodi, na mu mbunchenge uvwa khelunga ekhya Misri; okha, "Okhanchove mulondamane khu fyambe ifya Samaria mulolage uvwuvivi uvwulotelile, vwuwa vwuleukhwa. 10 Ulwakhuva savalumanyile umwa khovombela - elweli vwu inchova u-Yahwe avilolela amakha nu uvunangi mu-mbunchenge vwa vene." 11 Pwu vwu inchova uYahwe, "U-mbivi alakhanchongola ekhelunga. Alagisya pasi amakha gakho uvwunchenga vwulibatiwa." 12 Vwu inchova Yahwe," Ndo untekhenchi vwu ikhogapokha amalunde gavele khu ndomo ugwa ngalamu, ama embolokhoto, vwu yiva avana va Israeli vwuyakhewa vipokhiwa na vavo vitama khu Samaria, paninie nu uluvafu ulwa khogonela, ama uluvafu lwa khetanda." 13 Mpokelaghe mukhalole mu mbunchange uvwa Yakobo -vwu inchova uYahwe, Nguluve uva khepuga, 14 "Ulwakhuva khu manchuva gago nevungile inongwa incha Israeli, vwu yanikhonchivunga inekhelo incha Betheli. Isuga incha nekhelo yanchigetiwanu khugwa pasi. 15 Yanikhonchinangania uvwunchenge uvwa uwunchichimu paninie nu vwunchenge uvwa mepo. Uvwunchenge uvwa suga vwula nangekhe nu vwunchenge uvwuvakha nchila yaga, -vwu inchova uYahwe."