1 Vwu inchova uYahwe: "Khu inongwa idatu incha Moabu, ate khu inne, sanekhasige elivungu, ulwakhuva anyanyile amanchege aga untwa ova Edomu gakhara lyela. 2 Nelasukha umwoto khu Moabu, gulanyanyelela imakha incha Keriothi. Moabu alafwa khu mbancha, paninie nu njyego ne limenyu lya tarumbeta. 3 Yanikhonanga pagati pa niwamunchi, pwu yanikhuvabunda avana va untwa paninie nu mwene," inchova u Yahwe. 4 Vwu inchova u Yahwe: "Khu inongwa idatu incha Yuda, ate inne, sanekhassige elivungu, ulwakhuva vabelile ululagelo lwa Yahwe savibite indagelo incha mwene. Uvwudesi vwa vene vwuvayanchihche, vwuwa avadada vavene vavwukongile navope. 5 Yanisukha umwoto khwa Yuda, yagukhoyemila e Yerusalemu." 6 Vwu inchova uYahwe: "Khu inongwa idatu incha Israeli, ate inne, sanekhasige elivungu, ulwakhuva vavagonchicha vavo savatula nongwa khu ndalama nu uganchu khu vilato. 7 Avene vikhovakanya avaganchu khu mitwe ukhuta vikanya pasi palifu; vikuluga nu khusindelela. Omunu yomo nu dadaye vagonilenu ung'encha yomo, pwu valekhudukhela elitawa lyango elivalanche. 8 Avene valekhogona pasi pawipi ne khetehelelo khu mienda ege vavekhile, nu mumbunchenge uvwa Nguluve vavene, balekhunywa ifya mahombo. 9 Nem-budile Mwamori pa mikho ga vene, uvutali vwa mwene vwale nde-mielezi; ale namakha ndo- mialoni. Kisha nikaharibu matunda yake juu na mizizi yake chini. 10 Navatonchiche ukhuhuma ekhelunga ekhya Misri nu khuvalongoncha emiakha arobaini mu ndodasi pwu mukhibate ekhelunga ekhya Wamori. 11 Nevinuile avanyamalago avakhumine na vana venyo vave vakhongi avikhuma nu avademi venyo. Savoyelevo vanu vaIsraeli?-vwu inchova u-Yahwe. 12 Ulwakhuva muvasongile avakhongi ukhunywa nu khuvalagela avanyamalago vasite ukhuhumia indagelo. 13 Mlolage, yanikhuvakanya nde- mutukha eyedegile emiguva eyiwesya akhokanya omunu. 14 Omunu oveinyila sakhakave apakhunyilela; unya makha sakhongelencha amakha ga mwene; ate unyamakha sakhepokhe mwene. 15 Ovitenda olodibulo sakheme; unyambelo sakhenyile; unya farasi sakhapokhe yoywa. 16 Na avanyamakha ga khulwa, valanyila khe vwubwinda pa linchuva elyo - vwu inchova uYahwe."