¹ Vine u Kilisitu watupile ifwasi ngani tuwe ni fwasi. Epa imileli ivinonu mtalemwe kalinji kululeyo dwa uhuzya. ² Ndoli, unene na Paulo, nawapozya kukuti nge mutahiliwa Kilisitu awafwaya kuzila yoyosi ila. ³ Epa, nashuhuda kila wachilume mwene atahiliwe yalazimika kufwala amasunde yosi. ⁴ Mwikile kutani nu Kilisitu umwemwe wosi wine "muwazyiwa ihaki" ⁵ Ngani kuzila iya loho, kutulongo tuwetekela uivu iwa haki. ⁶ Kwa Yesu u Kilisitu kutahiliwa au kutokutahiliwa kutakula amana yoyos. Ulutogo iwine lulonga imilimo kupila utogwi umanizya ichindu. ⁷ Iiza muchimbila ulowilo ivinonu, unanu wawapinga mtaizumile unonu? ⁸ Kusongwa ikwa vivyo kutafumaya kukwakwe mwine wawito umwemwe. ⁹ Usase chilufi uluangaya ndonje imbumba. ¹⁰ Mbapangamile umwemwe kwa Nkali mtelenganye izila iya mwao yoyosi.Yoyosi yula wine awambuzya akwinula ihukumu yakwe unkala, yoyosi yula. ¹¹ Wamitu, nakwendelea kulamba imbila kutorati, kuchiyi nchili nagazwa? kumbola chila chine ichingo cha msalaba chinga inwagiwa. ¹² Ulutogo iwane kwa wine wakongoza iviwi wakwihasi akala. ¹³ U Mulungu wamwita umwemwe, wanawitu ku huru, nani mtize mtumile uhuru winu ngati ulwaziwa mbili. ¹⁴ Vino amasunde yatimila isunde limwi.nape untogwe iwa lumbanda lwako changati uwewe wankala. ¹⁵ Epa ngi mwiluma na kukwiidya mwilole mutiluwange umwemwe kumwemwe. ¹⁶ Natela, mwende ku moyo, na mtakatimizya isula zya mbili. ¹⁷ Vino umbili uli ni sula ingulu kumoyo, nu moyo uninisula ingulu kumbili, izizikudwa chichimwi ni chamiao uoneko wakwe mutalonga ivindu vine mtogwile kwilonga. ¹⁸ Ngi umoyo uwalongozya umwemwe, mtali pasi na amasunde. ¹⁹ Epa amatendo ya mmbili yaonekanape yene. ²⁰ Iibada izya sanamu, ulozi, utino, iwo, umashuda kukuwa naamanyeso udwani amagagawanyo aya mazehebu. ²¹ Ulinga, kukodwa, upafu na aminji cha ngapi heya. Nawa funda umwemwe. Changati vine nawafunda imbele kukuti wine walonga imbola changati hizi wataliupyane umwene wa u Mulungu. ²² Ikomi dya moyo utogwi, uzanga uivu, usasufu, utogwi. ²³ Utekamu iwa kiasi, kutakola isunde kupita heyo. ²⁴ Wala wine wale waka Kilisitu u Yesu waugazya umbili papamwi na kukumbukila isula zyao imbi. ²⁵ Nge tukwikala ku moyo, na kukwenda ku moyo. ²⁶ Tulize tukwibada, tutipatikaye chilandu nuu wamiao, tulize twa kwionela ulinga.