¹ Naleta kukuti upyani umwana, atakola kupishana na kutumwa, angeulo undanganizyi wa sao yosi. ² Changati ulo alipasi iya alolekeshi na adhamini wine wawikwa nuu Tayi wakwe. ³ Vine naswine , alinge twawana, twalemeliwe nukatumwa wamasunde iya uwandilo wiwelelo. ⁴ Pine isambo dyafikile, uu Mulungu watumile umwana undeliwa nuu uachima,andeliwa pase iya masunde. ⁵ Wawikile ulikuwapulusha wala wine walipasi iya masunde, ngani tupokele utekanamu kukuwa changati awana. ⁶ Changati ulo umwemwe mwa awana uu Mulungu watumile iloho iya kamwanakwe inkasi iya imioyo yitu. Iloho witile "Nkali." ⁷ Changati ulo uwewe kasi watumwa ngani wamwana. Ngani wamwana, kalinjii uwewe wampyani kupitila lii Mulungu. ⁸ Angaulo pine inge mutamana uu Mulungu mwawile mwakatumwa kwawawala wine walinikumbo kasi amiungu. ⁹ Changati uli kukuti mumanile uu Mulungu, ngani kukuti mumanikwe kwa Mulungu, kuchii musuwa kalinjii na masunde iya kumwanzo zina zitakola ulondo ovu ko muuywamba kukuwa mwakatu mwa kalinji? ¹⁰ Mulema kuupanamalo isiku ingulu imwandamo iyamiezi, amajira ni imiaka. ¹¹ Natina kulumwemwe. Natina changati kunamna frani ni gaazya. ¹² Niwafunde, wanawitu , muwe changati, vine ndile, changati vine muli. Ingemutanjika na chinu. ¹³ Vine mumanile kukuti alinge uwinu uwa umbili kukuti nawizile ichiwilo cha ienjili kulusiku undwawandilo. ¹⁴ Changati iyali yane iyambili yawikiwe kumayozyo. Iza mutambyeda kungana. changati ulo mwambokelile changati umalaika uwa ka Mulungu,vine lo nawile na Kilisitu uu Yesu unkala. ¹⁵ Vino ule kikweni isekelo jinu? vino amashuda kulumwemwe kukuti iwezekine, kukumbula amiso inu nakupita unene. ¹⁶ Vivonye nawa nandwani winu vine nawapozya ukwel? ¹⁷ Wawavwamba kuchisini. kasi kumanonu wavwamba kuwalekenganya umwemwe na nyinye ngani mwakonge. ¹⁸ Ivinonu kukuwa ichinisi kusababu zinesi inonu, na vino nguwa papamwi namwi. ¹⁹ Wanane atiti, mbinile uwavi kulumwemwe kalinji nuu Kilisitu aumbikwe inkasi inu. ²⁰ Nginatogwa kukuwa pala papamwi namwi nakugeluzya ilingu dyane. Vine ulo ndakola uaminifu namwinge. ²¹ Mbozyi, umwemwe wine mulumwakukuwa pasi iyamasunde, mutakwi vywa amasunde vine yatela? ²² Changati vine iandikwe kukuti uu Ibrahimu alinge alinawana achilume wawili. adyumu kwa yula uwaichima ukatumwa nuu winjii kwachichima uhuru. ²³ Angi ule yula ukafumwa waleliwe kumbilitu, ngati yula uwakachichima uhuru waleliwe kulufingo. ²⁴ Imbola hii yene inalondoliwa kupitila umfano, kkuwa aichima ewa wifwine naamafingo wawili adyum kufuma kuchitunda ichakusinai. hulela awana wine akatuma uuyu uwa hajiri. ²⁵ Isaizi Hajiri ichitunda icha Sinai kwine kuarabuni. Kufaninganya nuu Yerusalemu iya saizi, kukuwa ukatumwa papamwi na wana wakwe. ²⁶ Ngali uu Yerusalemu wine ali kululu nuu huru, nuu uyu wine umai itu. ²⁷ Kukuwa iandikwe "Isekelo, uwewe wachichima wine wamumba, uwewe wine utalela. Funya ilingu ulambe ichongo kwiswekelo, uwewe wine utakola kuwelezyana kulela. Kuvinyo awinji awana wamumba, kupita wala na yula wine atakola uwachilume." ²⁸ Isaizi mwanitu, changati Isaka, umwemwe mwa awana wa ahadi. ²⁹ Kwisambo lila dyene undu yene waleliwe kuumbili waanangazyizye yula yene waleliwe kuloho.Kwisambo ili vivila. ³⁰ Amandiko yatela uni? mimbusha uwachichima uzya papamwi numwanawakwe uwachilume. Vino umwanana wa wachichima uzya tanga apyane papamwi nuu mwauwa wachichima unsimbe. ³¹ Vine vivyo wanawitu usweswe kasi twawana wawachichima unzya, ngani twa wana wa wachichima yune atakola amawi.