¹ Wanawitu, nudu walemwa kumawi, umwemwe mwine mulinukisilo mutakiwa kukusuvya kumoyo ulekam.Ukumukiwalola umwemwe mtayozyiwe. ² Twiave injenjele, nakulilo ngulinganya amasunde ya Kilisitu ³ Ni kulundu yine amakwiona umwene afaile nuku atakola nanjimu wakwilongopa unkala. ⁴ Chilandu aupime undimo wakwe. Ngani akuwa ni njidu chakwe ukala ichakwitoolela, bila kukwilinga nishaukala nundu yoyosi. ⁵ Mladi chilandu asenda uumzigo wakwe unkala. ⁶ Undu wine walinganizye imbola ulondomeshezye undanganizyi. ⁷ Mwutilongope u Mulungu atachiniliwaya. chine asimeke undu chine alikuze ichonginacho. ⁸ Chilamwene wasimika imbeyu kumbi zyakwe akuza uluwazi. ngani wine wazyala kumoya, akuza kupuma uwa iisikuu zyosi kufuma kumoyo. ⁹ Tutakatale kulonga amanonu , kwani ng'enii tutakatala. ¹⁰ Kuvivyo, isambo dyene tukuwa ninafasi, tulonge amananu kwa chilandu, tulonge amananu ichisini kuwala wene walinkasi yizumilo. ¹¹ Roli ukulu wabarua inemmbandikile kkono wane nene. ¹² Wala wine wafuma kulonga amanonu kuono wambili wine wamsulutisha mtailiwe. wachika ulo ilimutichwi ile mmagayo umsalaba wa Kilisitu. ¹³ Chavino cho wine watailiwe awene watakwiva amasundi ibadala yakwe wavamba umwemwe mutairiwe ng'ani wawezye kukwibadila imimbili yinu. ¹⁴ Chila fumile nakwi bada ngani kumsaraba wakali witu uu Yesu Kilisitu nakulumwene kuwelelo wagazya kukwane nani kuwelelo. ¹⁵ Vine itapangamaliwa kutailiwa kutwa kutailiwa kasi ichindu nani ulo ululelo ulupwa umhimu. ¹⁶ Kuosi wene wakwikala kumasunde ezya wawe nizumilo ni izumilo liwe palulu yao hosi na palulu yaizilaeli ya Mulungu. ¹⁷ Kufuma isaizi undu yoyosi atangazye vinonasenda iyalama zya Yesu mimbili wane. ¹⁸ Izumilo dya ukali witu u Yesu Kilisitu ziwe niimioyo inu wanawetu. Amina