¹ Chavine mwanutu twawawika umoyo uwawafunda kwa Yesu Kilisitu. Chavino mwapokelile amalinganizyo kufuma kumitu yavambiwa kuwala nakukunozya u Mulungu kuzila hii muwale na kulonga amanunu. ² Chavine mumanile kuti amaling'anivyochii yinu tuwapile kwankali u Yesu. ³ Chavine ulu ulutogo dwa Mulungu, uwelu winu mulekengane nukwi. ⁴ Chilandu yine amanile kukuzumila uchima unkala kusokofu wakwe kwishima. ⁵ Utawe nuchichima kufonofu wambili changati amataifa wene watamana u Mulungu. ⁶ Ata oneke undu yeyosi mwene alambuka imipaka nakukupatika umwanao kwisambo hili chavine u Nkali yine. ⁷ Yine amalipa imbola zyosi hizi chungati vine yakolile kuwankana ushuuda. ⁸ Chavine Unkali atatwita kumawi ilakuma sokofu. ⁹ Kutogi wamwaninu, kutakola unonu wandu yoyosi kukukwandikila, chavine mwalinganizwe nu Mulungu mwitoge umwe kwamwemwe. ¹⁰ Izya mwene, mwalongile eya yosi kwanawinu ine wali kumekodonia yosi, epa tumfunda , wana witu mlonge nangi ichisini. ¹¹ Tuwafunde mlumwe kukwikala uwikalo utekam, kupangamala imilimo yinu nakulonga imilimo kumikono hinu, chungati vino twawawila. ¹² Longa eya ngani wale vinonu nakutim kwala wine wali kuuzi nulutogo, iliutapungukiwe nachine umanjivamba chochosi. ¹³ Tutatogwa umwemwe munane vino kasiivinonu, mwee wanawitu, kululu yeo wine onile, mutize msukupale chungati awanji wine watakola uwakika kunogwa zine zizile. ¹⁴ Vine izya mwene kukuti u Yesu wafile nakuzyuka nkalinji ulonyulo u Mulungu amleta pam nu Yesu nawiine onile kufile wakwe. ¹⁵ Kusabu yalilo tuwapozya umwemwe kunogwa ya Nkali, kutu usweswe wine ntwaa puma, kwakwe u Nkali izya mwene tutakawakolelela wala wine onile kuufwile ¹⁶ Chavine u Nkali ankika kufuma kwikumbi. alize ni lingo ikulu, papamwi nilingo dya malaika akulu, papamwi na amapapinga ya Mulungu, nawine wafile kwa Kilisitu wale zyuke tamu. ¹⁷ Ngani usweswe twapuma, wine tushazile, tulikomengane kumakumbi papamwi nao kukunkula u Nkali kululu kuzilaii tukuwa nu Nkali isiku zyosi. ¹⁸ Hepa isamalizyi umwemwe kwamwe kunong'wa izyo.