¹ Pene iza tutiwezya kuimba ichisini, twelenginye kukuti ivononu kushala ku Athene tudyumu. ² Twantomile u Timateo umwanitu nu ukatumwa wa Mulungu ku ienjili ya Kilisitu kuwawika ivinonu na nakuwakumbatia kulingana nu lutogo lwinu. ³ Twalongilile eya ngani ataoneke yoyosi na kuyegela kufuma kumagayo heya vine umwemwe numanile kukuti twateuliwa kulili. ⁴ Kweli, pene iza tulipapamwi namwi, twakolile kuwawila kukuti izatuli papipi kupata amagazyo, Neyo yafumilile changati vino muyamanile. ⁵ Kuvivyo, pene alingendiwezya kuimba kalinji, natumwidwe ngani mmane ulutogo lwinu. Pamu unjozyi alinge wawa yozya, ne imilimo inu yawa iya moni. ⁶ U Timateo wizile kumitu kufuma kuminu ngani watuletea imbola inonu izya izumilo nu iutogo iwinu watupozyizye kukuti alinutwizuko ulunonu kumetu amalumwa kutulola changati naswilwalumwa walola umwemwe. ⁷ Nanga vivyo, mwanitu twasekelile ichisini namwi kulutogwi lwinu, kumachulo na amagayo yitu yosi. ⁸ Kusaizi tukwikala, nge mwimila ivinamu kwa Tayi. ⁹ Kuusalifyichi tmpe u Mulungu kulumweme, kuluseko losi lwine tulinalyo kungolelo ya Mulunu kululu yinu? ¹⁰ Tulenga ichisini usiku nuunsana kulu ngani kuziona imboneko zinu na kuonjezezya chine chipunguka kulutogo lwinu. ¹¹ U Mulungu witu nu Tayi unkala, nu u Nkali iyetu u Yesu atukolelele kuzila tufike kuminu. ¹² Nu Unkali amuweke mongezyeke na kupitilila kuutogwe, kukwitogwa na kuwatogwa awandu wosi, changati nino tuwalongela. ¹³ Ulonge ulo kuisimba imioyo yinu itawa ulumaniko kusokofu wa Mulungu wetu Utayi tu, kuwizilo wa Nkali u Yesu papamwi na asokofu wakwe wosi.