¹ Vino umwemwe mwakala mmanile, wanawitu, kuwizilo witu witu kuminu iza kasi uwa moni. ² Mmanile kukuti pawandiko twagaile na watulongile kwi yazi kula kufilipi, changati vino mmanile. Alinge tuli nu yivu kwa Mulungu kutela iinjili ya Mulungu nanga kumagayo aminji. ³ Vino amafunde yitu yatafumila na mawi, nanga ku kwelengufu, nanga kuuwi. ⁴ Changati vine twivwika nu Mulungu nu sokofu wa injili, vine tutelaya. Tutela , kasi kuwasekelezya awandu , ngani kukunsekelezya u Mulungu. Umwene adyumwi yene uwalola imyoyo yitu. ⁵ Vine alinge tutalongela inogwa izya kwikolezya isambo dyosi dyosi, changati vine mumanile, alinge utalonga inongwa changati icha longopezya kusula, u Mulungu umashuda witu. ⁶ Alinge tutavwamba utimu wa wandu, nanga kufuma kuminu nanga kwa wanji. ngi twawezya kulenga kutogweshwa changati ahemba wa u Kilisitu. ⁷ Nanga ulo alinge twa tekamu changati umayi yene wawapa u moyo awana wakwe yene alezile. ⁸ Kuzila iyi alinge tuli nu lutogo kuminu.Alinge tuvwamba kumpozyakasi tu iinjili ya Mulungu ngani kuwikalo witu twakala. Vine mwawa mwa wanavitu. ⁹ Vino mwanatu, umakwizuka imilimo na magayo yitu. Usiku nu sanakulu alinge tulonga imilimo ngani tutize tumvune yoyosi. Isambo idyo, twawapangilile injili iyaka Mulungu. ¹⁰ Umwemwe mwanamashuda, nu Mulungu papamwi, kusokofu uwa wuni, utimu na kasi akanene vine twawalana twakala pamiso aya wene wazumila. ¹¹ Vine vivyo, mmanile kwa chilandu kukuti Utayi vine ali kuwana wakwe nina twawapozizye na kuwa ¹² umoyo.Alinge twamashuda kukuti muvwambiwa kufwtingana changati vine uli uwitilo wine kwa Mulungu, yuna wamwita kuwu mweene nu timu wakwe. ¹³ Kulio tu tukunsalifya u Mulungu kwi sambo dyosi. Vine kwi sambo dyene mwatangine kufuma kumitu imbola ya Mulungu yene mwaivwile mwatangine kasi changati inogwa iya wandu. Nanga ulo, mwatangine changati mmwene yene ili changati inongwa ya Mulungu. Yene inongwa iyi yene yalonga imilimo kulu mwemwe yene muzumila. ¹⁴ Umwemwe wana witu, muwe awandu awandu awa yeyezya amatekelo aya Mulungu yene yaliku yaudi ku Kilisitu u Yesu. Cha vine umwemwe mwangaile ku yala ya wandu winu, changati vine alinge ili kwa yaudi. ¹⁵ Alinge Ayaudi wene wankominge Utayi u Yesu papamwi na awilagu. wene Ayaudi wene watuchimbizye tufume kuzi- watakunonezya u Mulungu wene adwani wa wandu wosi. ¹⁶ Watukanile tutatele ni isingani wapulushwe. Chine cha fumamilile kukuti wazile ni imbi zyao. Kusililo ulunyeso lwiza palulu yao. ¹⁷ Usweswe wanawitu alinge twalekengana nu mwemwe kwisambo ilipi, ku mbili kasi ku roho. Twalongile ku mani witu na kusula ingulu na kulola pamiso yinu. ¹⁸ Vine alinge tuvwamba kukwiza kuminu, unene na Paulo ku lulumwi na kudwinji, nanga ulo ushetani watukanile. ¹⁹ Vine kuyimba kwinu yene chiyi kwisambo dyene lizile ama iekelo, amaindupo iya kwilingila pa Tayi witu u Yesu kwisambo dyene ayizile? Umwemwe kasi mwakali changati vine wali awanji? ²⁰ Vine umwemwe mwa sokofu ni seko yitu.