¹ Isaizi kwisambo idya mda wanawitu asi chilachindu chandikwe kuminu. ² Kukuwa umwemwe mmanite ivinonu kunonu kukuti isiku zya Nkali, alize usiku changati umwivi vine akwizaya. ³ Pine wakuti "kuliteko nupuma" pine amawi ya kwizaya kuchindisha changati uwavi yene ukumwi ulaya, umai yene aliminda, watalipuluke kuzila yesi ila. ⁴ Lakini umwemwe mtali inchisi, angu lusiku lula luwizila changati umwivi. ⁵ Vino umwemwe mwesi mwawana wa kuwelu na wana wasanakulu. Usywesywe asitwawana wa usiku ni chisi. ⁶ Angaulo tukonae changati awanji yene wakona, tucheulae natuwe twachenjevu. ⁷ Vine yene wakona, wakonaya usiku na yene wakolwa, wakolwaya usiku. ⁸ Vine usywesywe twasana kulu tuwe twachenjevu. Tuvwale ichingo idya uzumilo nulutogo, ni ngofila iya chuma yene ya mwene iya upulushi yene uliize. ⁹ Vine u Mulungu atatuchagwile kuwandilo kuchisilani ili kupokela upulushi kuzila iya Nkali iya Yesu u Kilisitu. ¹⁰ Umwene yene watufwilile, ngani ngi tulangizye au tona, tuliwe uwikalo papamwi nu mwene. ¹¹ Ulo, mwakwisamalizya na kukwikangusha umwemwe kulumwemwe, changati vine mlonga. ¹² Wanawitu tuwalenga muwamane wala yene, wala wene walonga imilimo kulu mwemwe na wala yene akandyinu kwa Nkali wala yene ayanguzi. ¹³ Tuwalenga na muwamane na kuwatimika, kulutogo kumilimoyao, muwe ni teko umwemwe mwakala. ¹⁴ Tuwangula wanawitu namuwasunde yene watakwenda ivinonu mtawavune umoyo waleke, muwavye, yene anyonge,muwe mwaivu kuosi. ¹⁵ Lolai, kutawe undu yesi yula yene walipa amawi kumawi, kwandu yosi yula badala yakwe longai yene amanonu kwa chilandu uwinu na kwa chilandu wesi. ¹⁶ Sekelai isiku zyesi. ¹⁷ Lengai mtakatale. ¹⁸ Msalifye u Mulungu kuchila chindu kwasababu eyo yene u Mulungu avwambaya kuminu kwa Yesu u Kilisitu. ¹⁹ Mtantalazye u Roho. ²⁰ Mtambyede mbwilagu. ²¹ Yozyai ivindu zyosi, mlileme lina unonu. ²² Mlekengane nuoneko wa mawi. ²³ U Mulungu uwiteko nu timilivu, awalinganye kusokofu, u Roho, inafsi nu mbili. ²⁴ Umwene yene wawitile unsokofu, numwemwe yene walonga. ²⁵ Wanawitu tulengelai. ²⁶ Mlamke awandu wesi kwikubusu usokofu. ²⁷ Nawayangula kwa Nkali kukuti ibalua iisomwe kwana witu wesi. ²⁸ Ichitimbano cha Nkali witu u Yesu Kilisitu awe papamwi nu mwemwe.