Ekheseku 6

1 Nke toraaghambe bhono? Toghendeeri mobhebhe orabhu bhwaaru he? 2 Aa-a bheeto bhanotwakuure ko ebhebhe iyeketorakoore kwiiki komeenya mo? 3 Temomanyire igha bhaara bhabhaatisibhwi ko-Kiristo mbahatisibhwi mu uruku rwaaye? 4 Ntwareenga twebhooywe hamwe koheteera obhobhaatisyo mu-uruuku iyo yakoorwe kya bhoora Kiristo yangoorwe ukumrwa mu-uruuku koheeteera obhohoreeru bhwa taata bheeto bhoonswe kutotoore kogheenda mo-obhohya bho obhohoru. 5 Kobhoora twatoorwehaamwe nawe ukutubhana no- uruuku rwaaye, kwiiki toretoorwahamwe ko ukuryoka kwaaye 6 Bheeto tomanyiire igha obhohooru bheeto bhwa kare mbwa nyahaarwe hamwe nawe, omobheere ghwe ekeebhe ghosaribhwi. Eno yaabhaye twangekoghendeerya kobha abhaghoorwa bhe ebheebhe. 7 We ono yakuure yakoorwa omoheene korenga'aanya ubheebhe 8 Ku- bhuyo nyoore twakuure hamwe na Kiristo, nkwikeerya toore igha nturikara haamwe nawe ghwiki. 9 Ntomanyiire igha Kiristo yaaryookibhwa kukuurwa mobhaku, ghwiiki tareenge muukuhe. Uruuku terokomoobhaaha he 10 Ko-kobhoora amanga'ana gha uruuku roonoyaakure ko ebheebhe, yakweereeye abhaanto bhoonswe kamwe igho, kya igho obhohooru bhoono akomenya nabho nku Waryobha bhukuurwa. 11 Ko enshera iyoiyo bheenyu bhoonswe mwibhaare kobha abhaaku ko ebheebhe. Mobhe bhahooru ko Waryobha na Yeesu Kiristo 12 Ku- bhuuyo otakaahateerya ebheebhe bhebhaahe omobheere ghwaho, koore osooje oronaamba rwaaye. 13 Tokaaruusa ahase ho mobheere ghwaaho ko ebhebhe, ke ebheento bhenobhetaa obhoheene ko- Waryobha kya bhaano moreenge bhahooru kukurwa muruuku. Na mwiruusi ahase he emebheere ghyeenyu kye ebheento bhyo obhoheene ku Waryobha. 14 Motakahaateerya ebhebhe bhebhaahe. Kobhoora temoreenge haanse kumughiro, kobhora haanse yu omoreembe. 15 Nke bhoono? tokoore ebheebhe ko bhoora tootorenge haanse yu umughiiro. Hanse iya enonkwe? Aa-a. 16 Temomanyire igha ko woora ono mukwiruusya abheene kya akori bhe emereema we oono bheenyo mbakoori bha meremo bhaaye moore. Ono bheenyu mukutuunwa momoosooke bhono mboheene. Nyoore bheenyu mbghoorwa moore ko ebheebhe bheno bhekoreeta uruku. Kasi abhaghoorwa bho okosooka keno kukuya mobhoheene 17 Kose Waryoobha akumiibhwi ko-bhoora mwaare abhaghoorwa bhe ebheebhe. Kose mwamosooka kukuurwa monkooro eteemo iya ameeghyo ghano mwahaanwa. 18 Mwiyaghaara kukuurwa ko ebheebhe, mwakoorwa abhaghoorwa bho obhoheene. 19 Ndashumasha kyo omonto, ku ubhuunhooheeru bhwe emebheere ghyeenyu, Kya bhoora mwaarusiri ero mbaaini bhye emobheere ghyeenyu mokabha abhaghoorwa ku ubhunyaanku, obhoghogho, kwubhuuyobhuyo bhoono muruusi ebherombaaini ibhya emebheere ghyeenyu moobhe abhaaghoorwa abha ohooheene ko okooghibhwa. 20 Ko bhora hamomwaare abhagoorwa bhe ebheebhe, mwaare bhwiyaaghaaro haare no obhooheene. 21 Ko enkagha eno mwareengana haghoke komang'ana ghano mokomaahera ghendoni bhoono? nu umuhiiko ghwa amang'aana ghaayo nu uruuku. 22 Kose ko bhoora bhoono mwaakoooorwa bhwiyaaghaaro haare ne ebheebhe mwakoorwa mokaabha abhaghoorwa ko Waryobha moona ehaghagho iyo okooghibhwa. Umuiiko no obhohooru bhwa amakoora. 23 Ko bhoora ehoroohooro ye ebhebhe nu- uruuku. Kose abharasiisi ya bhoosa ya Waryobha no obhohooru bhwa amaakoora ku Kiristo Yeesu omonene weito.