1 Gose temomanyire he, mweito (kobhola nkushumasha na abhanto bhano bhamanyire umughiro), igha umughiro ghoratangata omonto kobhohoru. 2 Kobhora omokari ono atetilwe alabhohwa na umughiro hano moghaka waye aho ghasi omoghaka hano akule, noranyore ahateywe kurwa kumughiro ughwa bhotetwa. 3 Kohayo mbe, nkhaga moghaka waye akelenge mohoru, hano olonyorwe na umushasha wonde, alabherekerwa omosolale. Ghosembe hano moghaka waye alakwe, uyo nnalahatelwe numughilo, kohayo tabherekerwe omosalale he, Nokanyora ano moshasha owonde. 4 Khohayo bhamura bheito, bhenyu bhonswe mwakorwe abhaku kumughiro konshela ya omobhere Kiristo.Yabhaye igho okori motolwe hamwe na uwonde, halewe ola yaryokibwi kurwa kobhaku, okori totolekwebhora Waryobha shehagho. 5 Kobhora hano twale kotemo iyomobhere imighombo ighya bhebhe nghaimeribwi komiaho ghyenyu konshera iya umughiro na kwimerra uluku koshehagho. 6 Ghose ghono, twaeghoghorwa kurwa kondaghano. Twakwela kobhora twatemilwe okori bheito tokore amaihya agha enkoro na bheito kotemo yakale eno yandekirwe. 7 Yake thoraghambe? umughiro nekebhe? Aaa! tigho he. Kohayo tenkamanyile ekebhe he, ghasimbe ko-nshera iya umughiro. Kobhora ntamanyire kwighomba umughiro tenkaghambile " Otakaighomba" 8 Ghose ekebhe nkyanyore umweya koke-hendo nkhaheribwa oni etemo eya amaighombo . Kughila ekebhe nkyanyore umweya koke-hendo keno ketakukwa. 9 Naoni nale nobhoru mbele iya umughiro ghose mbe hano ekehendo kyaishile ekebhe nkyanyore obhoru naoni nakure. 10 Ekehendo kera kyaletile obholu nkyaisiori kekaleta uluko kooni. 11 Kughila ekebhe nkyanyore umweya kokehendo kekhanh'aina. Okohetera ekendendo kela naimeribwi. 12 Kohayo umughiro ngwabhaye omorabhu kohayo ekehendo keela nkyabhaye obhorabhu ubyo bho.hene 13 Kohayo mbee ghaleghale amahene nghale agha uluku haleoni? ketakabha igho kamwee. Ghasi ekebhe okori kemahwe igha nekebhe ko-hetela amaiya, koleta uluku hale oni, Nkyabhaye okori kokohetela eke-hendo kela, ekebhe ketole kobha nobhoghogho bhokong'u. 14 Kobhora tomanyire igha umughiro nkulwa ghole ko-nkoro, ghasi oni no omonto uwomobhele naibhoywe hanse iyabhotomwa obwa ekebhe. 15 Kobhora leno nghokola, tendemanyile bhuyahe. Kohala leno nhanshile ko-kola tenkolekola he, ghasi lela ndeghile ndiyo ngokola. 16 Ghasi hanno ndakore ntahanshire umughiro igha umughilo numuya 17 Ghasi bhono tigha nomobhele ghwane oni ono nghokola liyo he, neekebhe keno kikaye monse yanne. 18 Kobhola mmanyile igha moonse yaane momobhele gwane, tirigwikala ling'ana iliya he. Kobhola ukwighomba ukuya nkolenge monse yane, lakini tenkolekolahe. 19 Kobhola iliya leno hanshere tekolekora he, Ghasi lighogho lela ntahanshire leno nghokora. 20 Bhono hano olanyore ndakora leno ntahanshere, tooni umwene nghokora he nekebhe keela kikaye monse yanne. 21 Ne mmanyire gwiki iyo ne-temo yanne enongutuna kokola iliya, ghasi obhoghogho mborenge kooni 22 Kobhora nkushengela umughiro ghwa Waryobha kobheto bha monse. 23 Kohayo nkomahende etemo eno elenghe bhonde komobhele ghwane. Kakora lihe ko-etemo eheya mohakeli yane. Elankola oni oghotwa ko-temo iyekebhe keno kelenge komobhele ghwane. 24 Oni nomonto uwa amateghero neng'we alentolya nna omobhele ghono guluku. 25 Ghasi ukukumya ukwa Waryobha, ukwa Yeesu Kiristo omonene weito . Ko-hayo oni umwene ne hakeli yanne nendakole umughiro ughwa Waryobha ghose, komobhere nendakore etemo iya ekebhe.