1 Khobono twabalwe buya konshera yu kukumya, tulakumya Waryobha konshera yo omokama weito Yeesu Kiristo. 2 Okohetela halewe bhono ntona umweya konshela ya ukukumya kokumya buyo hano twalishe mose ntwamile yetokaimera. Tholashega ku kolo ino tokohabhwa na Waryobha kusinsi syambele ko bhokale bhono tleba hamwe kong'ana ya Waryobha. 3 Teleno ilene hee, naigho nkushommelwa tole kumyanko yeito tomanyire igha inyanko ikwebolele okoghomerya. 4 Okoghomerya elebhola ukwikelelibwa, ukwikikerelibwa kolebola obhokale ko mang'ana ghambele. 5 Obhokale bhono tbhokoghela wingeri hee, kukughila obhohanshi bwa Waryobha. Bwahomwa mosenkoro syeto kuhetela omokama omohoreru ghono ghwa tule hale bheito 6 Hano twale balosu konkaga iyo Kiristo yakule kobhono abhabhisa bhalelo. 7 Khobhono nelabhe eng'ana enkong'u omwe okukwa abande balone komonto omonene. Nigha okanyola omonto nakakule kotorya omonto omuya. 8 Kobhono Waryobha yatwekererya ko bhohanshi bhwaye hale beito hano twale ne ebhebhe, Kiristo yakule kokoghela beito. 9 Kughayo gonswe bhono hano twa marre kubharwa bhuya komanyigha ghaye tokatoribhwa. Kubhuyo tokahwa kukuing'etya kwa Waryobha. 10 Ko enkagha eno twale abhabhisa twaghambanibwi na Waryobha konshera ya uluku lo mona waye, kohayo honswe, okanyora twahakanibwi toka toribwa kobholu bwaye. 11 Teghayo he kasi ikushomerwa tole ko Waryobha. Okoletera hale Yeesu Kiristo kohetera halewe twikerei obhoghambanibwa bhono. 12 Nyore okohetera omonto omwe ebhebhe bhaishile kokebhara konshela eno uluku ndwa sohile konshela ya ebhebhe. Shinku she kanyalaghana kobanto bhonswe, kobhono bhonswe mbakore ebhebhe. 13 Kobhora imighiro ebhebhe mbyabhaye koke baraa, mbe ebhebhe tebhe kobhalwa, imighiro ghetaho he. 14 Igha uluku ndwaleho kukulwa hale Adamu hale Musa, naigho bhala bhatakore ebhebhe ukwanga kwighwa kwa Adamu, ono yale kolengibhwa kusha kwaye. 15 Kubhuyo imituho gyabushwa teghebhoghogho he. Hano oranyore momwe asarii abhalu mbakwe bokong'u ko omolebhe gwa Waryobha, ne ekeghendo ikya omonto omwe Yeesu Kiristo yaluhile kubwalu. 16 Kobhono imituho tekelenge keno unyore he. Koola ya kale ebhebhe, kolobhale kalonde ekebhohe ni nyanko nkyaishire kobhosarya bho monto omwe. Kolobhala londe obholaka bwa bushwa bhono bhukulwa koko bharwa ubhuya mbwaishile komang'ana ghano amaghogho ghano ghakorwe. 17 Kubhuyo lisaryo lyo monto omwe uluku ndwaluhile kohetela omonto omwe. Bokong'u mbhala bhalanyore omolembe umuya nobholaka, mbalabhe abhakama kohetela obhohoru bhoomwe Yeesu Kiristo. 18 Nyola nigho okoletera lisaryo irya omonto omwe abhanto bhonswe mbaishike komaha ekhebhohe. Koko hetera eng'ana emwe yoghohene kobhalwa etoli obhohoru bwa bhanto bonswe igho. 19 Kobhono tukwangha kwighwa komonto omwe nu wonde ambakolwe bhano bhana ebhebhe, bhano kohetela ukwighwa omwe na bande mbalakolwe na bhaiya. 20 Kasi omoghiro hano gholesaha hamwe na amasaryo ghaghenderi honswe. Kasi ahase hano ebhebhe belebha ibyalu obhohoru mburuha bhokong'u. 21 Leno indyalishokile igha kyahamo obhobhe hano bhwaluhile kuluku nigho obhohoru bholabhe ubhwa kunyora ya obhohoru ubwa Yeesu Kiristo omokama weito.