Ekheseku 4

1 Thora gamba kee gwiki igha Abrahamu, tata weito ko nshela iya omobhere athokire? 2 Kobhora okobha yabhareywe obhohene ko amakoro, akabhaye okoghera ukwithonia ghasee te mbele ya Waryobha. 3 Kose amandeko yake ghakoghamba? Abrahamu yakumiri Waryobha, na ekabharwa harewe kobha obhohene. 4 Bhano ko monto ono akokora omoremo, amareho aghaye teghakobharwa igha no morembe he ghase ni isire. 5 Okobha ko omonto ono atakokora moremo ghase aramukumya wee arabhrwa obhohene ono tarenge omosabhi. umukumo ughwaye omonto uyo arabharwa kobha obhohene. 6 Daudi onsule Rghamba okong'ana ighoro ya Waryobha abharewe obhohene hatere amakoro. 7 Yaghambire, "Bhang'orwa bhara amaghogho aghabho ghabheye na bhano amasaryo aghbho ghathobhiribwi." 8 Yang'orwa omonto ora ono omonene atako mobhara obhosarya. 9 Mbe! amang'orwa ghann nkobhara bhano bhasarwa abhene, ghose hata nkobhara bhatasarwa? kobhara toraghamba, " Ko Abrahamu umukumiyo ogwaye gho bharwe kobha obhohene." 10 Igho ni yake yabharwe? Hano Abrahamu yare kosaro, ghase hano yare atarasarwa? Tiyare ko okosarwa, okobha ko kwanga kosarwa. 11 Abrahamu yagheghire orobhaso orwa okosarwa. Ghono ghware omobhaso ughweeesaro, ghono ghware orobhaso orwa obhohene ya umukumyo eno yare nayo atarasarwa. Amahonshokyo agha ikiorokeryo igha yakoreye kobha tata owa bhonswe bhano bhakukumya. Hata bharenge igha te abhasarwa he. Eno erorokya ighaa obhohene mborabharwe kobho. 12 Eno yonswe yalokeri igha Abrahamu yabhaye tata owa esarro tekobhara bhakotoka kosa rohe hata bhana bhonswe bha kurwa nyuma iya amakoro agha tata weito Abrahamu. Na ghono ng'o umukumyo ghono yare nagho kobhano bhatasarwa. 13 Kobhora tiyare komughiro he igha omoghanyero ghwatorwe ko Abrahamu na urwibhoro orwaye oroghanyero rono igha mbarerya omwando abha ekebhara keno. No kobha nokohetera ko umukumyo. 14 Kobhara bhara abha umugiro mbho bharebha abhari abha umwando umukumyo ghobhaye bhosa, na omoghanyero ghobhaye obhorongo. 15 Ko kughirya ubhuighiro bhorarenta okorerera, okobha hara hatana imighiro tiyonswe tehana esokohe 16 Ko kughira reno rerasha kuumukumyo, korii ebhe ko omorembe. Amisha aghako obhoghanyeru no obhohene ko orwibhoro ronswe. Kobhora wee newe tata weito bhonswe. 17 Kebhora yandikirwe "Nkokore uwe kobha tata owa ibhyaro ibhyaru." Abrahamu yare ko okabhaho ukwe ora yare kukumya. Ighaa Waryobha ono akohana abhaku obhohoru, na okobherekera amang'ana ghano ghataho ghabhe ho. 18 Hatare ghonswe agha kebhara, Abrahamu ko obhokare ya kumirii Waryobha kushinsiko sheno sikusha. Igho akabha tata wa ibhiaro ibhiaru, kokorengerya na kera kyaghambirwe, " Ngho urwibhoro urwaho rorebha". 19 Wee teyare omoroseru kombhukumya. Abrahamu yaikerei igha omobhere ughwaye umwone ghwa mare kukwa yare na emioyoka hang'ee na ering'ana, honswe yaikereraini na ukukwa ukwa enda iya Sara. 20 Okobha ko ukughirya ukwa omoghanyero ughwa Waryobha. Abrahamu tiyobhohire he ko umukumyo okobha ya haywe ishinguru ko umukumyo na okothonia Waryobha. 21 Yamanyire obhohene igha kura keeno Waryobha yamotebhiri, yare na obhohene ina okothora kokihikia. 22 Ku bhuyo teno ryonswe rya bharwe harewe kobha obhohene. 23 Bhono teyandekirwe to horo ohoro iyaye umwene, igha yabharwe konia. 24 Ya ng'ororibwi ko horohoro iyeitho honse, kobhano bhatoreye okobharwa bheito bhano tokukumia kowe ono ya yaryokiri omonene weito Yeesu kukurw ko bhaku. 25 Onno nora yarusibwi ko masaryo gheito na okoryokibhwa korii tonyore kobharwa obhohene