1 Hano oranyoore enkoro yubhu Kiristo. Hano oranyoore bhoho ubhuya kukurwa kobhoghonshe byaye. Hano ranyoore bhoho obhomwe bhwa mokama. Hano oranyoore ikyabhero namabhe. 2 Momarisi amashomerwa ghane kobhomwe morenge nabhoghonshe obhomwe, morenge abhamwe komokama, nokobha nekento ekemwe. 3 Motakakora kukwiyahora nukwiihema, mokore kukwikeerya nomaha abhande mbaiya kokera bhenyu. 4 Kera omwe wenyu atakamaheera amatomero aghaye umwene, na-kuigho atori nabhande 5 Mobhe kyabhono Kiristo Yeesu yarenga. Kokobha umwene arenge. 6 Kokobha umwene narenge kya Waryobha, tiyiroshe riyo ryokobha kya Waryobha kobha nkento kya kwighoteeryahe. 7 Na kuigho yishire umwene nakaghegha omobhere, akayiyorokya kobha nomonto, akamahekana kobha nomonto. 8 Umwene yikereeyi nakabhasooka mpaka akakwa, ukukwa komote ghobhohoru 9 Kuigho Waryobha yamwikereeyi bhokong'u. Akamohana irina reno rekokera amarina ghonse. 10 Yarusiri umughiro ghuyo kobhakera riru rihiinye. Amaru ghabhano bharenge kighoro yahanse, na hanse yamarobha. 11 Yakore igho ebhe- kera ororeme rwikeeri kobha Yeesu Kiristo nomonene, nakobhong'ore bhwa Waryobha taata. 12 Kuigho, abhaghonshe bhane kyabhono mukwikeerya nsiko syonse, teerenge kobhono nehone, nkobheere hata hano ntaho, mwokore kukoobhoha nakukurighita. 13 Kobhora Waryobha newe akokora emeremo monse yeto, kokototoorya kokora amang'ana ghano ghakumushomera. 14 Mokore amang'ana ghonse bira kwing'e-heerya nokhohakaana. 15 Mokore igho motakasha koraramekerwa, na mobhe abhana bha Waryobha abhanene bhano bhatakwing'eheerya, mokore igho. Mobhe nobhorabhu bhwi kyaro kukyebhoro keno ketakwikeerya na keno kekokora amang'ana amaghogho. 16 Moghote bhokong'u ring'ana ryo bhohoru nishe koghesibhwa urusiko rwa Kirisito, Kuigho nishe komanyigha tinakenyire bhosahe na tinanyankire bhosahe 17 Kobhora nkohomeererwande ekemwensyo kukwikeerya nde kwirusya kukukumya kwenyu, nkushomerwa nde na-nkushomerwande hamwe nabhenyu. 18 Bhuyobhuyo nabhenyu nkushomerwa-more na murashomerwa hamwe naoni. 19 Nkoghanyande omonene Yeesu komotoma Timoteo kobhenyu bhongo hano, kubhuyo hanwe enkoro hano ndemanya amang'ana ghenyu. 20 Kobhora teneena wonde ono-akohansha kyawe he, ono yana obhohene kobhenyu. 21 Abhande bhonse bhano nkatomiire kobhenyu bharatuna amag'ana ghabho abhene, natamang'ana gha-Yeesu Kiristo he. 22 Kobhora momanyire ubhuya bhwaye na kobhono omona akotoorya suwabho, nigho yatomekire hamwe naoni kuring'ana rya amandeko. 23 Kuigho nkutunande komotoma bhongo, kohano ndemanya nkekerebha kuoni. 24 Okobha nena obhohene bhomonene kobha oni umwene mbongo ndisha. 25 Kubhuyo nkokanyande mbuya kumukyoorya kobhenyu Epafradito. Umwene muhiiri wane namokori we meremo murikyane na riyo ndishomba ririkyane, nomotomeki wemeremo ghyane. 26 Kobhono mwobhe yare nayatunanga kobha hamwe na bhenyu, nakobhono mwighure igha moroye yare. 27 Kobhohene moroye yare bhokong'u hang'i nukukwa, kuigho Waryobha yamwabheye nubhuya bhuyo tubhwa bhaye kighoro yaye umwene he, mbwabhaye nakuoni kighoro, ntakareera bhokong'u. 28 Kuigho ndamukyoorya kobhenyu bhongobhongo, ebhe hano moremomaha mushomerwe naoni nshomerwe. 29 Momosereni Epafradito komonene kukushomerwa nsiko syonse mosooke abhanto kyawe. 30 Kobhono yalenga nkomeremo ghya Kiristo kobha yahikire hang'i kukwa. Yarusiri obhohoru bhwaye ansyori oni, na-akakora keno motakoore kokontoorya kobhono mware hare naoni.