1 Paulo na Timetheo abhakori be meremo abha Kiristo Yeesu kobhala baholwa kukristo baikaye Filipi na abhangalori bhabho. 2 Obhohoru mobhe nabo na amasabhelo gaiwe ko Waryobha tata weito nomokama weito Yeesu Kiristo. 3 Nda kumya Waryobha wane ko hano nabahita benyu bonswe. 4 Ko hano hoswe nasaba lisabelo lyane benyu bhonswe nkusha ngande kokobasabela. 5 Nda bakumya bhokong'u koleno toko toryania kukulwa ulusiko ulwa mbele na hata lelo. 6 Nkomanya igha ono yatangile emeremo imiya ko bhenyu nalagenderi kugahikirya nahano ulusiko lwa omokama Yeesu Kiristo. 7 Mbuya haloni ukwiyigwa igha benyu bonswe nabatore makono yane kobono mwabaye balikyeto kobholu kokebhore kyane kokobangela nokombaigwela bhokong'u komang'ana amaiya. 8 Waryobha nu umwimereri wane kobhono ndange na amaiga hale benyu bhonswe ko bhohansho bwa Kiristo Yeesu. 9 Nda saba igha? obhhanshi bwenyu buyengeri sisiko na sisiko. 10 Nda saba loleno, mobhe nu bulito bokotashera amang'ana amaronge na amaiya sana.igha ndabasabela mobe buya motakabha na lisaryo hale Kiristo. 11 Mwishoibwi ne-hago yo bhohene leno lekotoka ku Yeesu Kiristo 12 Bhono bawatho ndatuna momanye igha amang'ana agaba haloni gagela esasamo egenderi bokong'u. 13 Kyagera amag'ana gane kukiristo, gamanyekana ko balendi bhoomokoro na abantho bhonswe igho. 14 Bawaito abalukomokama kokogera ko bhohe byane baighombile no kolelaka eng'ana iyo kobokale. 15 Abamwe komolaka bale Kiristo ko bunyanyi na lihe, abande balalaleka ku buya. 16 Bala bale kolaleka Kiristo kolobala mbamanyile igha natolwa hano kokogamba eng'ana iyo. 17 Abande balamolaleka Kiristo kolang'ela no obhoghogho. Ikokanya baleigha noni bakong'etela kuminyororo gyane. 18 Kuwigo tiikwitakyathe, kose enshera ebhe eyulwambe kasi iyo boheene Kiristo nkola lekwale koleno nenda shomelwe kuikinda shomerwe. 19 Kobhono nemanyili igha leno ndelagele negorwe oni. Eng'ana eno nerabhe koma sabio genyu no kotorya kwa Yeesu Kiristo. 20 Koleng'ana na bhono tokomaha obhone nigha temahe sensoni. Kobhokale bonswe kya sinsiko syonswe na boono ne manyile igha Kiristo nalenyukibhwi ko mobele gwane kobohoru kasi kuluku. 21 Haloni umwene okobhaho Kiristo no kukukwa no umshengo 22 Kobhono tolabeho nelabe ehago komelemo gyane. Temanyile lino ndabhenaryo hee. 23 Igha nda hetwa bhokong'u na amaitegero abele gano nalenolomba lukutiga omobele no koba hamwe na Kiristo ekentho keno kelenghe ikiya bokong'u. 24 No konyora kukutigala komobhele ghono eng'ana inshia hale benyu 25 Kokobha nena obhohene kong'ana eno nenda tighale indagelelia na bhenyu bhonswe komagendelyo no mumshengo ukumya kwenyu. 26 Leno ndelalete umshengo gwenyu hale Kiristo Yeesu. kokoghila kwaoni nalengelibwi, kokoghila obaho kwane no okobha na bhenyu. 27 Molatunwa mobe nomolembe umuya koleng'ana no bhogambe bwa Kiristo. Mokole igho ndisha komaha kasi tindisha komahee, nigwe igha mwimeleyi komoyo gomwe nalekohansha igha mwikeri mobhe no moyo ghomwe. 28 Motaka takibwa na gentho kyokyonswe igho keno kekolwa na ababisa benyu. Eno halebho nekemanyeryo kyoko salekelwa hale benyu nekemanyero kyo bhohoru kulwa ko Waryobha. 29 Bhenyu mwahayo kolaleka eng'ana ya Kiristo Tigha nukwikerya ukwene hee nukunyankibwa halewe. 30 Igha mona inyanko elaela kyabhono mwaloshe haloni na molaigwa igha nenabho kobhono igho.