1 Bhono manya leno: Kusisiko syokohowa enkagha nenkong'u. 2 Kokobhake abhanto bharihansha abhene, bhono bharahansha nshehera, bhano bharikumya , bhano bhatakwikumia na bharasarya. 3 Bhatano bhohanshani ubhwa obhomwe tebhakutuna obhohoru babhonswe, bharaitemainia bharahameria, bhano bhatakotora koghomeria abhatindi bhano bhatakutuna obhohoru. 4 Bhara bha amawaki, bhara bha abhatindi bhano bhaihanshire abhene na bhahanshire amaigha tebhatunire kohansha Waryobha. 5 Kebhara hana etemo yokohansha Waryobha okobha baryanga shinguru syaye. Tighana na abhanto bhayo. 6 Kokobha abhande bhabha abhashasha bharasoha kumighi gya abhanto no kobhagereria abhakori abhakangi bhayo na bhakari bhano bhaishoye ebhebhe na oronamba rwa kera kento. 7 Abhakari bhano bharegha siko syonswe okobha kamwe tebha hikere komanya obhohene. 8 Kyabhora hano Yane na Yambre baimereye bareka na Musa konshera eno abhegya bhobhorongo bharaimera boreka na obhohene na abhanto bhano bhasarekeywe amaiteghero ghabho, bhano bhatakwikeria kosanga obhohoru. 9 Okobha tebha ghemderi hare. Kokobha ubhurishema bhwabho mbora torwe kebhara kobhanto bhonswe kama bhono bhare abhanto bhara. 10 Okobha osaraini ameghyo ghane etaro yane keno ukutana kukumia kwene abhaghomeria bhwane abhohanshi bhwane okong'anyera kwane. 11 Inyanko na manyahareko ghano ghanyore era Antokia, Ikonio na Listra na ghomeria inyanko monene yantori koghayo ghonswe. 12 Bhonswe bhano bhakutuna komanya koma menyo kwikerya Waryobha kohetera Kiristo baranyakibhwa. 13 Abhanto abhanyaku na abharongo barabhe bhanyaku bokong'hu barang'aina abharu abhene bang'ainwa. 14 Bhono uwe menya okobha amang'ana ghano wegha oghakumi hene kokobha nomanyire nawe ya kwegya. 15 Oramanya kurwa bhwona bhwaho wamanyire amang'ore amahene ghayo gharakora kwisoka kokohetera obhohoru konshera ya obhohoru ubhwa Kiristo. 16 Kera eng'hana retorwa umwika na Waryobha ryaikeribhwa komandeko ghe horohoro kokohoyera ukurusiyaho obhosarya na ukweghiya kobhohene. 17 Okobha omonto wa Waryobha abhe omohene ahanwe ebhento ibhiya kokra emeremo imiya.