1 Ndakohana eng'ana eno yana ubhurito mbe ya Waryobha na Kiristo Yeesu ono yakabhe hokomo bhano bhalenge no bhohoru gwiki nabhaku ano yakahonyore mu obhokoma bhwaye. 2 Ghamba ling'ana obhe hang'i enkagha yonswe enghogho na enkagha inshiya bhatebhi abhanto amabhebhe ghabo, ko bhoghomereeri bwonse gwika obharangeri. 3 Enkagha elasha eno abhanto bhakange ling'ana lihene bhakatune kobhohorokerya abhande bhano bhakuirerereniyo no bhoraya bhwabo. 4 Bhakatighe kuiteghera amahorokeryo mahene na kusorya amaghano. 5 Uwe obhe omonto wa mahene, ghomerya amakong'u kola emeremo ghubhuinjilisti mara likomo ilyao 6 Oni mare shinguru, enkagha yane yukukwa yabhaye. 7 Niitaini ko mahene oroghendo ngomaree ukukumiya nkolendile. 8 Etaji yo bhonene etolwe eno omokama yakang'ane ulusiko luyo. Ntale oni omwene nabhano bhonswe bhakomoghanya ano yakamahekane 9 Kola kemwe ushe wane. 10 Dema antighire ahanshire ikyaro kya bhono yagheye Thesalonike, Kreseni yagheye Galatia, Tito yagheye Dalmatia. 11 Luka no mwene asaghire na oni omogheghe Mariko ushe nawe hiyo mokomu wane. 12 Ntomire Tikiko Efeso. 13 Inghibho ela natighile Troa wa Karpo ano wakashe usho nayo nebherato ibwa masero. 14 Alekizanda umuhtuli yankoleye amang'ana amaghogho omokama nalamohane ghano ghaleng'aini nawe. 15 Angarra omonto uyo yangire amang'ana gheito. 16 Kobwotoli bwane ubwa mbele taho omonto ono yeemera noni Waryobha atighe kobhahana liligha. 17 Gwiki omokama akemera na oni, akang'are shinguru kohetela wane lingane leghambwe mobhokomo ni abhaikyaro bhaiteghere. 18 Omokama nalantoli na makolo ghonse amaghogho nakontolya mobhohene bhwaye ubwaryobha. 19 Omokyeri Priska, Akila nu mughi ughwa Onesiforo. 20 Elasito yasaghile hiyo Korintho, Trifimi namutighire Mileto no moloye. 21 Kola kwemwe ushe ko nkagha embeho terawanza he. Eubulo arakokerya na ondo Pude, Lino, Claudia na bhahiri bhonswe. 22 Waryobha abhe na uwe gwiki alende enkoro yaho.