Ekheseku 2

1 Kyabhuyo mona wane ohanwe shinguru noobhohoru bwa Kiristo Yeesu. 2 Amang'ana gano mwigurre kurwa kooni na ghare ya abhairereri abhaaru moghahiki koobhanto bhano bharenge abhaheene mbaratore kweeghya abhande. 3 Tobhe hmwe kuunyanko eno, kya omorrendi wa Kiristo Yeesu. 4 Enkaagha iyoiyo taaho omorendi ono aghokora emoremo ghyaye kuriimenya reno okori ategheri ononene waye he. 5 Na gwiki hano omonto arahambane ki-Warikenya, tahanwe ituhohe kobhora ahambaini bhono etarekutwiwa 6 Okoreno niigha omoremi omokaraaru abhe uwaambere ukunyoora ikitweno kiibyakorya byaye. 7 Twishunshe ukwiteeghera kenonkebhateebya koobhora omonene naratohane okomanya amang'ana gano. 8 Muhiite Yeesu Kiristo, kukurwa urwee bhoro rwa Daudi ono yaaryokibwi kukurwa mo bhaku eno nokoreng'aana na mang'ana ghaane amaiya. 9 Ku kughira ya iyo ndanyankibwa no kobhohwa iminyooro kya omosarya kasi eng'ana ya Waryobha tekobhohwa na minyororo he. 10 Ku-bhuyo ndaghomeerya amang'ana ghonswe kukughira ya bhaara Waryobha yaisa kobhaahora na bhonswe bhaise kotooribwa kokohetera ko Yeesu Kiristo hamwe na obhokama bwa amakora. 11 Obhoghambi bhono nobhoheene hano toraakwe hamwe nawe, ntoraamenye nawe hamwe. 12 Hano toraaghomeeri, ntoratonge hamwe nawe hano taramwange wonswe naratwaange. 13 Hano torange kobha abhaheene we naratame khobha omoheene taatore kwiyaanga umweene he. 14 Ogheenderi kobhhilokya ighoro ya mang'ana ghano. Obhakani koombere ya Waryobha koombere ya Waryobha bhatighe kohangana koomang'ana , kobhora eng;ana eno teno bhuya he. Ko koghera ya eng'ana iyo obhosarya hobhore kobhaara bhakwitegheera. 15 Okore shinguru kwiyorokya igha waikeeribwa na Waryobha kyaa omokori wa emeremo ono atakutuna masoro koora eng'ana ya obhoronge kobhoohe. 16 Tighana na mang'ana gha muuikyaro aghagwishunsha ghano ghakotangata bokong'u obhoghogho. 17 Ukwishunsha kwabho amang'ana ngaranyaraghane kya ekeseese keno kotakuhwena. Ghate yabho areenge Himenayo BHNA Fileto. 18 Bhano nabhanto bhano bhatare na bhoheene. Bhraghambe igha uburyookya bwaaisa kurwa bhara syoorya obhooheene bhwaabhato 19 Ko hayo shinguru shindito sha Waryobha nshimeereye kobhara bha kwandeka, " Omonene naamanyire bhano bhareenge abhaye, ko monto woonswe ono aghotona irina rya tata naraiyahore kukurwa moobhoghogho". 20 Munyumba ya ubwaame, tiigha mbeeto bhya sahabhu na keghera bhyeene bheemo he. Mobhere ebheento ibhyeemete na amatoto. Ebhento bheno ibhyende nkoo meremo ighya esooko ibhyende tebheereenge bhya sooko he. 21 Hano omonto araisabhore umwene ukurwa obhanto bheesoko we naarabhe ekento kya eesooko. Naegho yaahoorwa kobha omonto wa ubweera na omonene weito yaseemibwa ko meremo miya 22 Ong'ose oroonamba rwa ubhumuura. Utune omorembe, obhohanshi, ukukumya hamwe na bhaara bhakoberekera tata konkoro nshiya. 23 Kasi wange obhokangi na okobhorya sheng'ana shikisheema omenyeigha ghayo gharaibora iriihe. 24 Omotomwa wa omonene taing'areyi kwitanahe, naing'areye kebha omoohaabhu ko bhanto bhonswe, aratora kweengheya na okooghemeerya. 25 Abheeghi kwa nguru kobhohabhu bhano bhakumwa nga. Ku iyo Waryobha narabhahe obhohoru bwa obhoheene. 26 Bhatore komanya gwiki kutuuma ibhiitimbi bhya risambwa, koobhoora wanyoore bhaghotirwe na kusyooribwa kukugira ya okohansha kwaye.