Ekheseku 15

1 Bhono ndabhahitokya, abhamura na bhahara, igha era na tansherei mkagheghota nukwimera hare bho. 2 Gukurwa kong'ana eno mwatoribwa, hano moraghote eng'ana no nabhathebheri bhenyu, mwikeriyi bhosa. 3 Kyabhono naghiturung'aini ihiku, mboo na gheretire kobhenyu. Igha kurwa komang'ore Kiristo yakure kukughira ebheno byeto. 4 Kyabhono amang'ore ghakoghamba yabekirwe, nurusiko rwaghatata. 5 akaryoka yaibhokeye Kefa nikomi na bhabhere bhara. 6 Gwiki yabhaibhokeye konkagha emwe abhamura na abhahara kohethera amaghana atano. Kobhayo yibhokeenye abharu bhabha maiso bhare na bhande mbarahe setero. 7 Gwiki yaibhokenye Yakobo, gwiki nyibhokeye thomwa bhonswe. 8 Koghayo ghonswe yanyibhokeye oni mwene kyomona onoyebhorwa enkagha eno etaghutunwa. 9 Kobhora oni nare omoke kobhatomwa tining'arei kobherekerwa omothomwa hee. Gwiki nanyankeri risengero rya Waryobha 10 Kose komorambe ghwa Ryobha honde kyabhonde no morembe gwaye haroni tigware gwa bhosahe. Nakore singuru kuriko bhonswe ghose bhono toni nare he. Nomorembe gwa Waryobha ghono ghorenge monse yane. 11 Norenoni hande bhoo toraghamba igho nughukumya igho 12 Hano aranyore Kiristo yanthasheribwi igha yaryokire kurwa kobhaku, yake kerabhe yake ekobha abhande mraghamba igha tebhoho ubhuryokya wabhaku tebhohohe. 13 Gwiki haro oranyore ubhuryokya bwabhaku tebhohohe, Kiristo wonswe tiyaryokirehe. 14 Hano ranyore Kiristo tiyarokirehe, amatanseryo gheto ni bhukumya bweto mbosa. 15 Twabhaye abhaimereri abharongo bheng'ana ya Waryobha. 16 Kobhora twabhaye hoo kumerera eghana ya Waryobha koghamba igha yaryokari Kiristo. 17 Hano oranyore Kiristo tiyarykibwi hee. Ubhukumya bhwenyu mbosa ne bhekeno monabhyo. 18 Na bhara bhonswe bhakure kukiristo mbasikire. 19 Hano oranyore kumenya leno ilene ntona obhokare konkagha eno ighusha monse ya Kiristo abhanto bhonswe bhetho na bhukwabherwa bhokong'u ya bhonswe. 20 Ghose bhono Kiristo aryokire kurwa kobhaku, shehagho sha mbere ishabhara bhakwa. 21 Kobhora uruku rwaishere kohethera komonto, gwiki okohetera komonto nu bhuryoka bwabhaku. 22 Kobhora koheta Adamu bhonswe mbarakwe, kokohetera Kiristo bhonswe mbarakorwe abha hori. 23 Gwiki kosemya ya Kiristo, itehaghosha mbere na gwiki mbarakorwe abhahori enkagha yughusha kweye. 24 Guyo ngo umhiko hano Kiristo areghotya obhokama bwa Waryobha tata. Hayo hoo alimerya obhonge bhonswe bwa shinguru. 25 Naratonge kushinguru okohekera hano arethora hanse abhabhisa bhaye momagoro gha matasho gaye. 26 Umubhisa wa nyuma okosaribwa no ruku. 27 Kobhora "atore kera ghento hanse ya mathasho ghaye." Hose hano akoghamba "athore kiraghento," gwiki terenge ighaa mbara bhatore hanse ya maghoro ghaye umwene. 28 Nkagha ebhento bhethore hanse yaye Gwiki omona waye umwene naratorwe hase yaye, ono yathore ebhento bhyonswe hanse yaye. Eno nerabhe igha tata Waryobha abhe ghonswe koghonswe. 29 Yakebhara kore bhara bhabhatisibwe komanshe kukughira ya bhaku? Hano oranyore bhat kuryokibwa ngwake bhakobhatisibwa kughira bhoo? 30 Ngwake thorenge kukibisa nkagha nshonswe? 31 Abha mura na bhahara bhane, ghokohetera kugwikumya kwane kobhenyu eno nenayo kukiristo Yeesu Omonene weito, ndaghamba igha ndakwa ko kera losiko. 32 Nke eghotorya kokomaha kwa bhanto hano naitaini na situenyi shendoro Efeso, nyore abhaku bhatakoryokibwa? " Tigha there no kunywa, kokobha isho tulikwa" 33 Motakaghainwa: "amakomo amaghogho gharasarya ethemo nshiya. 34 "Mobhe nekerengere momenye nobhohene motakaghenderya kikora ebhebhe. Kobhora bharikyonyu bhatana obhong'aini bwa Waryobha. Ndaghamba igha ghosensoni senyu. 35 Gase omonto wonde naraghambe yake abhaku bhakurykibwa? Bhoo mobhere kebharisha naghe? 36 Uwee mkangi ore bhokong'u kera wemeri tighikine hee kyakwa 37 Kera ukwemya themobhere ghono gugukinahe, Iyo ni mbusuro ino ekomera elathora kobha engo hande eghento kende. 38 Gase Waryobha nare hana emebhere bhono aghutuna kira imbusuro nomobhere wako. 39 Emebhere ghyonswe tigitubhaini hee, nokobha gho omobhere ghomwe gho monto. Noghonde ugwasithenyi, oghonde ugwibhinyonyi, oghonde ugho sinswe. 40 Gwiki ngeho emebhere ghya ighoro na emebhere ghya mkyaro ubhya bwe mebhere ghyighoro mbutubhaini nu bhuya bwemebhere ghya mkyaro nobhonde. 41 Mbhoho ubhuya bwiryobha, na mboho ubhuya bhumweri, na mboho ubhuya bhonde bwa shinyota, kobhora inyota yende etatubhaini ni nyota yende ubhuya. 42 Nigho erenge ubhuryokya bwa bhaku. Kikwemibwa kera saleka, kekomera ketasarika. 43 Kemibwa ghokora emeremo ghya kera meribwa kubhuya, kyemibwa kobhoroseru, keremibwa kushinguru. 44 Kyemibwa komobhere gwikina keremibwa komobher gwenkoro hano oranyore ngoho omobhere gwikinina ngayo omobhere gwenkoro. 45 Gwiki yang'orwa ighaa, "Omonto wambere Adamu nyikore enkoro eno ekomenya." Adamu wa nyuma yikore enkoro eno ikurusya obhohoru. 46 Igha uwenkoro tiyaishire mbere he uwikinina yatanghatire hakomara uwenkoro. 47 Omonto wambere nowikyaro, yambirye kuruthu. Omonto wa kabhere ararya ighoro. 48 Kyabhoro ora yabhombirwe kurye muruthu, kyabhono omonto wighoro are, mbobhare ighoro. 49 Kyabhora thogheghire itotubhoyo monto wuruthu ntoragheghe ithubho yo monto wa eghoro. 50 Bhono ndabhathebhya abhamura na abhahara bhetho igha omobhere na manyinga thebherehe umwando ghobhokama bhwa Waryobha hee. Oghosarya umwando nu kwanga ghosarya he. 51 Mtamaha ndabhathebhya bhenyu ikibisire kyobhohene. Titukwe bhonswe he ghose bhono nthorasyoribwi. 52 Ntorasyoribwi ghonkagha yukuhundirya nu kumisokya, kwiriso, kokerombeta kyanuma ekerombetha nkirikura. Nabhaku mbariryorywa nokwanga ghosareka no kohonshorwa, thorehonshwa he. 53 Koghono ghoghosareka niga ghufuare ghono ghothaghosareka, Na ghono ghughukwa ngubhohe ghono ghothaghukwa. 54 Ighaa enkagha eno ghora ghoghosareka hano ghorabhisi ghothaghosareka na ghono ghothakaghosareka, hokokerashe ekeghambo kera kyang'ora uruku rwa murwa moghokerwa. 55 "Uruku, oghokera kwaho hokore?" Uruku, obhoro bwaho hobhorenge?" 56 Obhoro bhuruku nekebhe, shinguru shekebhe nomghiro. 57 Kohayo ughukumya hare Waryobha, ono akothoha oghokera kohethera Omonene weito Yeesu Kiristo. 58 Kohayo abhahanshe bhane bhamura bheto na abhahara bheito, mobhe na shinguru mothagatetera. Sinsiko shonswe mokore emeremo ghyo monene kughira momanyirigha emeremo ghyenyu tegherenge bhosa hee.