1 Mutune obhohanshe ukwighobha obhoghaini kurwa kokoro, mnyore obhoroti. 2 Umwene koghabhare na abhanto bha Waryobha taho ono akomanyere amagha ghano ngaibhisiree mokoro. 3 Kobhora umwene wakurunsa obhoroti araghabha na abhanto noko bhahana ekoro yokobha kongosha. 4 Umwene koghabare amaghana nghokohaghasha umwene ono akurunsa obhoroti kohaghashare rikanisa. 5 Bhono ndashomerwa bhenyu bhonswigho omoghabhe ekeghabho koghayo ghonswigho ndatuna murunsi obhoroti, nawe akurusya obhoroti na we omonene kuwora akoghabha ekehabho nyore narebhahana ukwinsoora li kanisaa unyore kohaghashwa. 6 Bhono, mura weito na mohara weito, hano ndisha ko bhenyu koghabha ebheghambo, ekendebhanto oryaa ntendentora hee. Kobhoraa koghabhande na bhenyu koshera iyo mweghwereywe kosa era ya yobhomanyi hamwe obhoroti, hamwe koshera yukweghaa. 7 Hano okomaha ebhento bheno bhenta koheshera kama filimbi au kinubi hano bhekirirunsa imikuryo nghendigho ghhere manyeribhwa bhentoke bhekohoywa. 8 Okomaha orothera kurusya rore umukuro ghono ghotambanyeribhwi yake omonto aramanyeri ukwisema rihee. 9 Bhuyo bhuyo hata bhenyu. Mukurunsya konghendeme amang'hana leno lentareghe mahene, yake omonto aramanyeri keno mokoghabha? Morayinga moraghabha na temokomanyeribwa he. 10 Tikwitengeraa bheghabho bhende bhonswigho kokebhara, na tereho he hata limwe leno lentana omoremo he. 11 Nokanyora temanyire he ekeghabho nendebha omogheni waye ono akoghabha na ono akoghabha narebha omogeni wane. 12 Kubhuyo na bhenyu mokohansha komaha obhohene bhwa ekoro mutune bhokog'u kwihaghashera rikanisa. 13 Uyo umwene akoghabha komag'hana asabhe ahanwe ko ghansorya. 14 Kobhora kosabha kokebhabho, kenkoro yane kosabha, ehakeri yane tiyena hagho hee. 15 Yake ndakore nsabhe kokoro yane ila nendasabhe kose hakeli sane nendarenti kokoro yane na nendarenti koshehakeli shane shonswe. 16 Bhono bhonswe orakumi Waryobha konkoro, ono arenge omogheni yake alikeri ebhegho hano "ukumiri" hano atamanyire ghano akoghamba? 17 Kobhora uwe kukumwa oryo bhuya uwonduyo takwikerya hee. 18 Ndakumya Waryobha komang'ana nebheghabho bhenyu bhonswe. 19 Likanisa bhuya ghabhe amang'ana atano kokomanyekanyerya kwane manye kobhegha abhande komnya koghabha amang'ana ebhekwe ikomi bhamang'ana. 20 Mura weito na mohara weito temokabha nabhana kukuteghera kwenyu mobhe bhanto bhakoro. 21 Gwandekirwe umughiro, "kobhanto konseghabha sende muminywa gha bhageni nendeghabha na bhanto bhano nemanyire tebharinyighwa hee," araghamba Omonene. 22 23 Hayo hayo, ororeme neketobhani, abhano bhaikerei sio kobhara bhaikereyi hee. Nkurusya abharoti mughiro kobhano bhatakwikerkya, kobhara bhakwikerya. Hano, oranyore likanisa likomaini hamwe nabhose bharagha bha amang'hana abhagheni na bhaara bhatakwikerera bhande he tebhaghabhe mona ikishuro? 24 Hano oranyore bhosigho morarusya obhoroti ono atakwikerya hamwe omogeni akasoha, narahoyerwe na ghara araighwe narabhohwe naghara akoghamba. 25 Ikibisire kekoro yaye gheka honyoywe nakanghoye kibhumaye nukukumya Waryobha. Nakaikereyi Waryobha ghate yeto ale. 26 Eke kekoghendera mura weito na mohara weito hano mukusikana hamwe kila omwe nana Zaburi amengho ghano yeghoreywe koghabha bhira kubhisa mokore kela kento mohaghashe likanisa. 27 Kobhora umwene akoghabha amang'hana bhabeho bhabhere au bhatato kela omwe korobhara lwaye no monto nigha amanyire keno keghabhirwe. 28 Nyore abho monto wakomanyera igha kera monto yikare kiri mokanisa nakelamonto aghabhe umwene ko Waryobha. 29 Abharoti bhabhere angha bhatato bharaghamba nabhande abhaitegheri nokotanghana keno ke ghabhirwe. 30 Ono yikaye hano yeghorwa ling'hana aghabhe amare akile. 31 Kobhora kela omwe wenyu aratora kurusya obhoroti omwe nuwonde kele monto yeghe nabhose bhahanwe obhoghomerya. 32 Enkoro yabharoti nerenge kobhorendi abharoti. 33 Kobhora Waryobha tarenghe Waryobha wabhanyaku ila nuwukukumya kyabhora elenghe momakanisa ghonswe bhano bhakwikerya. 34 Nerenghe abhakari bhaikare kiri mwikanisa tebhakwikereribhwa hee kushumasha bharatunwa bhaisoke kobhora umughiro ghokoghamba. 35 Nyore kona ekento keno bhakutuna bheghe bhabhori bhaghaka bhabho yeka kobhora nensoni omokari okoghamba mokanisa. 36 Ling'ana la Waryobha ndarure kobhenyuu? Ndahekera bhenyu abhenee. 37 Hano omonto arimaha kobha moroti wakokoro aratakerwa aghamanye amang'hana ghanao kobhandekera amaraghero gho Monene. 38 Hano atamanyiri mumutighe takamanyiribhwa hee. 39 Bhuyo mura weito mohara weito mutune bhokong'u kurusya obhoroti, temokamokana hee omonto wonsigha ko ghabha eng'hana. 40 Amang'ana ghonsigho ghakoreke bhuya nobhohabhu.