Ekheseku 16

1 Bhono komesoro ighia Bhakiristo, kyabhala natebhi amakanisa gha Bhagalatia, nabhenyu nigha mkore. 2 Kulusiko lwa mbele ulwa iwiki kela omonto alusi ekento nyabholebhe, aketole haghale akerende, kyabhole mghotola, mokole igho okori mtakabha nnemesoro hano ndashe. 3 Hano ndihika, ono wonswe mliahora nendemotoma hamwe na ritashandighi kulusia ikimwenso kyienyu Yerusalemu. 4 Nyole mbuya oni onswe kuya, mbalayi hamwe naoni. 5 Ghasi mbe nindisha halebhenyu, hano ndeheta Makedonia. Kohala ndehetela Makedonia. 6 Hamwe ndetola kogosoria nabhenyu, ghose mmareli enkagha yembheho, okoori montori kontoria oroghendo lwane, halehoonswe nkuya. 7 Kughila kobhono nkwitegera tendebhamaha bhono konkagha enke. Kughila nkwitegherande kwikara na bhenyu enkagha nyabholebhe, kughila omonene nalinyi nalinyikerya. 8 Ghasi nindikala Efeso kuhika Pentekosite. 9 Kughila ekeseku ekenene kieghoywe kooni, na hobhale abhabhisa abhalu bhano bhakunyitanga. 10 Ghasi mbe hano Timotheo alisha, momahe igha nalenghe hamwe na bhenyu motakhamobhoha, nkolale emelemo igha Omonene, kyabhono ngokola onni. 11 Omonto ono wonswe atakamosela momotori konshela yaye iyomolembe okori atole kusha kooni. Kughila ngutunande ashe hamwe na bhaweto. 12 Kohayo hale mweto abholo namokomeriyi abhatare bhenyu hamwe na mweto. Ghasi tiyaishirehe. Ghosembe nalisha hano alinyola umweya. 13 Mobhe maiso, mwimere keteremerei mokale kyabhashasha, mobhe na shinguru. 14 Ghasi ghonswe ghano moghokola moghakole kobhohanshe. 15 Mmomanyire umughi gwa Stephano. Mmomanyili igha mbalenge abhakumia bha mbele ko Akaya, ghosembe mbhaitore abhene komelemo ighya bhakumia. Na bhono ndabhakomeria, bhamula bheto na bhaiseke bheto. 16 Mwihote kobhanto kyabhayo nakomonto ono akotorya abhakori na bhano bhakotorya hamwe na bheto. 17 Nashomerwa hale Stephano, Fotunato, na Akiko. Bhaimera ahase hano bhenyu mwaleigha mwimere. 18 Kobhola bhateria enkoro yane hamwe ni yenyu. Kohayo bhono, motore komanya abhanto kyabhayo. 19 Amasengero agha Asia mbabhakeri bhenyu. Akila hamwe na Priska mbabhakeri kokohera komonene hamwe namasengero ghano ghalenge kumighi gyabho. 20 Bhamura bheto hamwe na abhaiseke bheito bhonswe ndabhakerya mokelani kubwigwere ubhuya. 21 Oni, Paulo, ndang'ola igha ko kobhoko kwane. 22 Ono onswe atahanshire Omonene amaihimo ghabhe kowe. Omonene weto, ushe! 23 Omolembe gwa Omonene weto Yeesu ghobhe kobhenyu. 24 Ubhohanshe bwane kobhenyu hamwe na Kiristo Yeesu.