Isura 2

1 Imbahwinuhile hwisinkwi lyani ilyidimi na huyibhishile ninjini pamwanya pamnara uwa ndimi, imba kwenye ahinza alole uwene adahaje henu huline na bhulibhuli imbagaluhane afume hulawama yani. 2 Ungolobhe ahanjibile ahajile, ''Uyondishe amaono iga, pamwanya pashibao ili nkumuntu yabhazya ashimbilaje. 3 Isababu iya maono iga bado aha bhalilizyo hehahwinza abhayanje bilaagwe. Pope ichelewa igilile, iminye ibhahwinze sibhachelewe. 4 Enya! ulaye ihamu yakwe sili hinza muhati yakwe atuya huuguvu. Lelo uwilyadi abhakhale hu imani. 5 Pipo ihombwa yensaliti wa nsahala uwi shiburinkasahimilile, leloitamaa yakwe ikula ndeshe imbipa na ndeufwe seyingawezya aridhishe. Umwene abhunganya kila taifa na abhunganya kwa ajili yakwe abhantu bhonti. 6 Iga gonti segabha gembe injango izyahunzihaki nu lwimbo ulwidhihaka ulwakwe, 'Ole wakwe ula yahwonjezya vyese vyakwe! Habhalilizyo bhulu abhahwonjezye umwamu uwidhamana yuyejile? 7 Bhala bhebhagulilo huliwe sebhabhahwimilile gafula? Na bhala bhebhahuyinzya adamule? Ubhabhine huuongwa yabho. 8 Pipo ukhite inyala abhantu abhinji amabaki gonti agabhantu, bhanzahukhate inyala awe pipo uyitile idaada lya bhantu abhinji nantele ubhombile imbibhi shinyume shinsi ni khaya, na bhonti bhabhakhala muhati yakwe. 9 Ole wakwe ula yahwanza impiya izyihu bhibhi kwa ajili yi nyumba yakwe, awezizye agombe ishanswi shakwe, pamwanya nkabhale shinza apatalini nyoobhe izyi mbibhi. 10 Ulininsoni hunyumba yaho pipo ubholile abhantu abhinji na ubhihombile imbibhi inyinji haani. 11 Pipo iwe libhafumye izwi afume hulubhwiba, na pao lyimbao libhafumye, 12 ''Ole wakwe yazenga ikhaya kwa ajili ya bhole abhantu azenga ikhaya kwa ajili yi mbibhi. 13 Ili selifuma lwa Ngulubhi uwi majeshi huje abhantu bhabhombe imbombo humwoto na mataifa gonti na ganji gananjiha giini bila hantu? 14 Insi ibhameme injele inzyi tuntumu uwa Ngurubhi ndeshe aminzi shegamema munsumbi. 15 ''Ole lwakwe umuntu alayahumpela ujirani ihombwa yakwe akholwe, awe yuhwonjezya isumu yubhomba aje abhantu bhakhombe nkuyeyaje lebhali shitali, shabho. 16 Ubhatunyile ni nsoni inyinji kuliko ntuntuma. Umwele iyo shishila uyefwe ishitali shaho wenewe. Ishikombe ishivyobhe indilo kwa Ngurubhi abhahwinze hagarushile awe ni nsoni ibhagubishe ni nshinshi yako. 17 Ahanvurungwi hubhombile hwa Lebanoni ibhahugubishe nunanjisu uwavikhawu vi bha huhwo gofye. Pipo ugojile abhantu ubhombile imbibhi munsi ila ikhaya na bhala bhebhakhila mkhaya izyo. 18 Isanamu yibhinzilwe ibhahuhwa vwenshi? Piipo ula yahabhinzile iyo ahaisubu na huyiyeyusye metali, yu mwalimu uwilenga; pipo ahuyamini imbombo ya nkhono wakwe lwagomba angurubhi bhesebha yanga. 19 ''Ole lwakwe ula yahushibhuzya ishibao, damula! Au hwiwe lyesaliyanga, damula!' Ivintu ivi vimanyizyo? Enya, ishi pamwanya shigubishiwilwe hudhahabu ni mpiya, lelo muhati yakwe sashitu ya kabisa. 20 Lelo Ungurubhi aliho mwi kanisa lyakwe izerufye! Insi youti ibhe mye mwilongolelo lyabo.