Isura 3

1 Imputo zya Habakuki ukuwe: 2 Yahwe, inevwezye inongwa zyaho, nane ihogopa. Yahwe, zyosya imbombo yaho pakasi yisala; pakasi yisala ene womba eyo imanyishe; kumboha abhe ni rehema hunkuni yaho. 3 Ungolobhe aha henzela afume hu Temani, nola Ufinjile afume hu Parani. Ipagwi. Ututumu wakwe uzivwehanyenye iwanya, nense yali imemile utuhutu wakwe. 4 amyale gabhele ginyobhe zyakwe zyamelemeraga hansi umwanga, gwali uwezo wakwe wobhele. 5 Impongo ya goje yutanguliye whilongolela lyakwe, na mayemba gafwatile mumanama gakwe. 6 Uwene ahemeleye na huyipime ense; ahenyizye na hugayinzye amataifa. Hata amagambo giwila gananganywenywe kabisa nivisogolo viwila vyagwiye pansi. Idala iyakwe liwila. 7 Nalolile ivyegu vya kushi humayemba, nivitambala vivyega hu Midiani viyingana. 8 Yahwe ali ninkuni pala pisoho? Inkuni yaho yali yimasoho, au inkuni yaho yidimi igosi, lwaubha pamwanya yi farasi zimikokoteni na bhashinde bhaho? 9 Uletile ulukwe lwaho bila shifuniho; ubheha amishale mulukwe lwaho! Sela. Wayigabhanyenye ense na masoho. 10 Amagamba galolile awe na geushehuzugumanu. Amenze gahitilwe pansi gashilile pamwanya yawo; ishina shidimi igosi shazuvizye isauti. Amawimbi gakwe gazubha pamwanya. 11 Isenya nu mwezi vyahemeleye shinza pamwanya napantu pakwe pazelu na amishale gakwe gawoshele, pala puuzilu wiuzelu wimpalala zyaho. 12 Ujendile pamwanya yense hukhali. Hukhali uwuluye amataifa. 13 Wabhalile hunze kwa ajili yiwaule wabhantu bhaho, kwa ajili yiwaule yabhasalulwe bhaho. Awe bondabonda itwe linumba yamibhi abheshe mwazi umsingi gwinsingo. Sela. 14 Ushilasile itwe lyabhalwe bhakwe humushale gwakwe mwene husabu bhahenzele hansi inkongu atanzalanye ate, ukelo wawo wali hansi umntu wali wamalezya upena pamali pohobhe. 15 Oshulele pamwanya yidimi igosi hu farasi yaho, na hugashile amenze amagosi. 16 Nevwezye, na mukasi yane injinjile! Ilomu lyane lyayinzizye isauti. Uwozu wuwhenza mumafupa gane, na pansi yane nene nayinjila hansi lwegolela whisiku yazugumiswe ifishele pamwanya yabhantu bhabhatishambuliye ate. 17 Ingabha itini sagalidugula na sagalipapa afumane ni zabibu; na ingabha apape ishikwi limuzaituni sagahulizisya na magonda sagagafumya ishalye; na ingabha ompoga yihanu iyepile nemo ing'ombe mwigoma, eshi shesho shimba wombe. 18 Bando, imbasongwe wha Yahwe. Imbabhe nulusongo husabu ya Nguluve wiwaule wane. 19 Ugosi Yahwe ngovo yane na ahugowomba amanama gane hansi gi nkulungu. Ahumbomba ane imbale whilongolela pamahali pane pamwanya - afwete indajizyo zi ingoma, huvyelelo vyane vyinkusa.