1 Izwi lyahaposhiye unkowa uhabakuki. 2 Ngolobhe hu muda wele gwimbala hulililenunavwe, na sangaunza hunvwe? Ililiye awe hungovu, 'Hwiwo' lakini sangaunza hunokole. 3 Shonu uhumbekha hugalole amawibhi naahwenye amambo amabhibhi. Unajisu niwo zilihwita ngalila lyane; huliuwinte uhwinuha. 4 Isheria newo ihaki sagaikheye uwakati wonti. Uwiwi uiziongoleye ihaki; lakini ihaki yilenkha ihwepa. ''Ungolobhe ahunjimbu mhabakuki 5 ''Anya awamunsi na wajenzya; sagaimbala shwije na shwije! Sababu indi ni hakikaahantu hawombe isiku zyakho sagaunza bhenu rwelekho luzahwevwe. 6 Enya isonyeye huwazuvye! Awakaldayo - insi ihali na mwamu- bhajenda ashilile ubabawinsi avamile, nyumba zyasanga zyao. 7 Bhalinilionga na wogope; inongwa yao na uwiza afume hwao uhwendelela. 8 Ifalasi zyao washembela sana kuliko ingoya, wapoposu sana kuliko embwa wa mwipoli yamuyewela. Ifalasi zyao zi senti, bhafuma uhutali bhabhahwangalila ifalasi zyao bhazubha nazi ipanga yilabhiye alye. 9 Wonti bhahwenzeni iwo; amakundi gao gabhala nazi inkungo ya mwikhombe, na wawunganya bhabhakhatwilwe na urusanga. 10 Bhahubhayazya abhamwene na abhalongozi kwa ajili nongwa awoyao. Bhahiiseha kila khaya maana bharudekha ainankondi nantele bhahugefya. 11 Inkhongo iwalashile; inza huendelele ashide - abhantu bhabhali ni nongwa ewo uwezo wao uli hwa Ngolobhe.'' Uhabakuki ahumuzya Ungolobhe ishwali ili amwao. 12 ''Awe sanga wafume isiku zi mande, wa Ngolobhe Mlongo wane, ulifijile? Antesagata haifya. Ungolobhe ahabhabuguye kwa ajili yinongwa namwe, Umwala, ugombile kwa ya asahihisye. 13 Amaso genyu gali safi ahwenye imbiwi, lakini sagamuwajiye ahwenye imbombo imbiwi hurugano; shunu muhwenye nupendeleo esho bhabhalimanya? shonu mpuma kati imbiwi imila sa awihaki zaidi yao? 14 Uhuwawomba awantu nazi iswe mwidimi igosi nazi ivintu vivijenda bila ulongonzi huyuu yao. 15 Awene bhahubhaleta wonti hundoni; bhahubhavuta awantu afume mnyelo izi eswe na huwawunganye myelo zyao. Ndiyo maana washa na khome ishongo nu changamfu sana. 16 Lakini bhafumia isadaka zyao myelo zyao zya huelele mhosha uhani mnyelo inyama yinonile shalye shao. 17 Kwa sababu yeyo bhanza malezye inyelo zyao zya huelele, na ahuendelele awole awamunsi bila sajile?''