Isura 7

1 Omwaka gwa kana gwo obhukama bhwa Dario, Olusiku lwa kana olwo okwasi kwa Kisileu ( kunu okutogwa okwesi kwa mwenda), Omusango gwa Yahwe gwejile kwa Zakaria nichaika. 2 Abhanu bha Betheli bhamutuma Shereza, Regemu Meleki amwi na abhanu bhwebhwe okusabhwa imbele ya ameso ga Yahwe. 3 Nibhaika na abhagabhisi abha munyumba ya Yahwe owe ebhise na abhalagi ni bhaika ati, "mbe niganile mukwesi kwa katani kwo kwibhoya okulya lwa kutyo nakolele kwe emyaka myafu jinu? 4 Mbe niwo Omusango gwa Yahwe owme ebhise nigungingako nigwaika ati, " 5 Nuwaike na abhanu abhe echalo na abhagabhisi ubhabhwile ati, " mwejile mukebhoya okulya no kuganila mukwesi kwa katanu nokwa musanju mu myaka jinu makumi masanju, ni chimali mwebhoyelo okulya ingulu yani? 6 Kao mwaliga ni munywa no kulya, mwaliga mutakunywa no kulya ingulu yemwe abhene? 7 Ejo jitali misango ja Yahwe okulabha kuminwa ja abhalagi bha kala, ao mwaliga mwikaye Yerusalemu ne ebhikale bya kumbalama ebya amabhando, ne emisi jinu jaliga jili Negebu, no olubhala lwe ebhugwa emwalo ye ebhima? 8 Omusango gwa Yahwe nigumukingalo Zakari ati, 9 "Yahwe owe ebhise kaika ati, ' Mulamulega kwo obhulengesi kwe echimali cha lilagano, ne echigongo; Bhuli munu akolega kutyo kuwejabho. 10 Mukolega kutyo kubagasi abhasigwa na bhakasigwa, kubhegenyi, na kubhataka- Mutabhajimya, atabhano agati yemwe unu keganilisha amabhibhi gona gona ingulu yo oundi mumyoyo jemwe. 11 Nawe bhafunyishe amabhega nibhalema. Nibhasibha amatwi gebwe koleleki bhasiga kungwa. 12 Nibhakomesha emyoyo jebwe kuti basige okungwa echilagilo amo aomubango gwa Yahwe owe ebhise. Asilile gwaye, kwa amalaka ga abhalagi. Nawe abhanu bhatonguwe, kulwejo Yahwe owe ebhise nabhanyigalila muno. 13 Kulwo kubha bhatonguwe ao nabhabhilekiye, nitabhasubhaga ao bhaliga nibhasabha. 14 Nabhakukumbile lwo Omusoke nibhagenda eyo okwikala munsi ja abhandi. Echo chekisi chinu chasigaye chenyele obhutekalamo munu wona wona"