1 Ninsubha okulola chinu kutya. Akatunga kanu nalolele amagari gana nigasokelela agati ye ebhima bhya amoma. 2 Ligari lyo kwamba lyaliga nilikululwa na jinsikili jimutuku, elya kabhili nilikululwa na jimwilafuru, 3 Elya kasatu nilikululwa na jimwela, na elya kana nilikululwa na jinyefu. 4 Niwo nimu bhusha ma laika ati, ' Lata bhugenyi amagari ganu gali na nsonga ki?" 5 Nansubhya ati, " Ago ni miyaga ena; jasokelela imbele yo Omukama we echalo chona." 6 Ligari linu lya kululagwa na jinsi kili jimwalafulu lyagendaga mubhuanga okukinga Bhabhilonia elya jimwela lyagendaga muchalo cha mumalimbe. 7 Mbe jejile jinsikili jinyefu jasokayo, jaliga jitakwilolelela okuja ona ona numsi okukengengela malaika naika ati, " Nugende ojo kukengela echolo!" na nibhakola kutyo. 8 Niwo malika namala nambila obhulaka bhulela naika ati," Jinsikili jinu jagendele mubhuanga okukinga bhabhilonia jajibhisishe lisungu lyio Omukama Nyamuanga." 9 Mbe Omukama Nyamuanga nanana omusango gunu. 10 Naika ati " Nugege ebhiyanwa bhinu bhyaletelwe na abhalobhesi, Heledai, Tobhia, na Yedaya, na ugende bhwangu mumusi gwa Yosia omwende Zefania. Abhana bhona bhamasubha okusoka bhabhulonia mwiwaga. 11 Nukonje Likosho okusoka muyela na mujaabhu jinu bhaletele, na ulitule kumutwe gwo omugabhisi mukulu, Yoshua Omwende Yehozadaki. 12 Umubhwile ati, Omukama Nyamuanga kaika ati, ' Omunu unu kabhilikilwa Litabhi alibhonekelwa ao ali na alyombaka lisomelo lyo Omukama. 13 Niwe alilyumbaka nalamila echibhalo eche echikama, na alikama abhanu bhaye. Omugabhisi alimelegulu ayeyi no obhukama bhwaye, na bhalikolela amwi emilimu kwo omulembe na obhuchulele. 14 Likusho lya kumutwe lilibha chimenyegesho mwisomelo lyo Omukama kulwe echibhalo cha Heledai, Tobhia, Yedaya na Yosia." 15 Abhanu bhanu bhekaye kula bhalija no kusakila obhumbaki bhwa lisomelo lyo Omukama. Na likamala okumbakwa, niwo mulimenya okwo Omukama Nyamuanga antumile kwemwe. ganu gona galikumila labha mulungwa ebhilagilo bhyo Omukama Nyamuanga.