Isura 8

1 Omusango gwa Ratabhugenyi we bhise nigunyijila okwaika ati, 2 Ratabhugenyi we bhise kaika kutya: Nili no bhusurumbae kulwa inguru ya Sayuni kwa libhubha ekulu ka nili no bhunyoke kwo kubhiirwa kwafu! 3 Ratabhugenyi we bhise kaika kutya: Eniisubhila sayuni na anye eniyanja agati ya Yerusalemu kwo kubha Yerusalemu ilibhilikilwa musi gwe chimari na libhanga lya Ratabhugenyi elibhilikilwa ebhanga lyo Bwana. 4 Ratabhugenyi we bhise kaika kutya: kwe sinja lindi wone bhalibhao na abhakaruka mu mbara ja Yerusalemu, ka bhuli munu aryenda insimbo mukubhoko kwaye kulwa kutyo abheye mkaruka. 5 No kubha jumbara jo musi jilijusibhwa na abhasambaya bhe chisigaji ana bhayara nibhabhinaga. 6 Ratabhugenyi we bhise kaika kutya; labha omusango ogubhonekana gutakutulikana mu meso gaabhanu bhanu bhasigae bhanu mu siku ejo,? litakutulikana wone mumeso gani? kaika Ratabhugenyi. 7 Ratabhugenyi we bhise kaika kutya; Role, niri mwoyo okubhachungura abhanu bhani okusoka kulwambiro bhwa insi na kubhugwilo bhwa risubha! 8 Kusonga nilibhasubhya rindi, one bhalikala Munda ya Yerusalemu, kwijo bhalibha bhanu bhani rindi, na anye niribha Nyamuanga webhwe mu chimari na mubhwana!. 9 Ratabhugenyi we bhise kaika kutya. Emwe bhana omugendelela okungwa amagambo galiagalia ganu gasokere muminwa ja abharagi omusingi gwa inyumba yani anu gwatewe- inyumba yani inu, Ratabhugenyi we bhise: Muyane amanaga amabhoko gemwe koleleki liyekaku lyumbakwe. 10 Nolwo aliga jichari jinsiku ejo bhitariwo bhilimwa bhinu byakumanyibhwe na wonewone mu waye, litabheyeo ebhona atati ku munu nolwo ntanyi, ka gutabheyeo amwi kuja. Namukolele bhuri munu abhe bhututasikane no wejabho. 11 Nawe wori itakubha lwa kubhwambiro, enibha amwi na abhanu bhanu bhasigae kaika Ratabhugenyi we bhise. 12 Okubha jimbibho jo murembe jiliyambwa; lyabhibhi linu elikula lisosya amatwasyo galyo ka insi ilisosya ebhilimwa bhyayo, orwire lulisosya echinu, kunsonga nilibhayana abhanu bhanu bhasigae okubha inguru ya ganu gone. 13 Wabhee chijejekanyo we chigano ku maanga agendi, emwe inyumba ya Yuda na inyumba ya Israel. Kutyo enibhakisya nemwe mulibha mabhando. Mwasiga kubhaya, mbe amabhoko gemwe gabha na amanaga. 14 Kunsonga Ratabhugenyi wa bhise kaika kutya. lwa kutyo nendaga okubhakolela amabhibhi bha jaji bhemwe bhejire bhasokomya lifururuko ryani-kaika Ratabhagenyi we bhise- ka nolwo nitajujubhae. 15 nikwo niliganirisya okuikolela rindi agakisi Yerusalemu na inyumba ya Yuda mu siku jinu! musigekubhya! 16 Ganu nigo amagambo ganu mwiire mukole: Nimwaike echimari, bhuri munu no mwikasyanya waye. Mulamulega ku chimari, kubhwigani no murembe mu misi jemwe. 17 Ka asige kubhao agati yemwe unu keganirisya obhunyamuke mumutima gwaye kulwo mwikasyanya waye, nolwo kukweswa ne bhigano bhyo ulimi; Okubha ganu gone nigo amagambo ganu enibhililwa - Kaika Ratabhugenyi. 18 Niwo omusango gwa Ratabhugenyi we bhise lyanyijie okwaika ati, 19 Ratabhugenyi we bhise kaika kutya: Emisibho ja okwesi kwa kana, okwesi kwa katamu, okwesi kwa musanju no kwesi kwa kumi jilibha myanya ja likondelwa lya bhuri nya,i, ku nyumba ya Yuda! ku lwejo nimwende echimari no murembe. 20 Ratabhugenyi we bhise kaika kutya: Abhanu bhalija rindi, nolwo bhanu bhekaye mumisi ejindi. 21 Abhanu bha mumisi gumwi bhaligenda mumisi ogundi ka nibhaika ati," Mbe chigende bhwangu imbele ya Ratabhugenyi chije okusabwa no kumuiga Ratabhugenyi we bhise! Eswe abhene echigenda one. 22 Abhanu bhafu na amaanga aga amanaga ghalija okuniga Ratabhugenyi we bhise kaika kutya mu siku ejo bhanu ekumi okusoka bhuri lulimi na liyanga bhali gwata likubho lya jinkanju jemwe ka nibhaika ati, " Mbe eswe one echigenda aamwi newe, Okubha chongwa ati Nyamuanga ali aamwi nemwe!" 23 Ratabhugenyi we bhise kaika kutya mu siku ejo bhanu ekumi okusoka bhuri lulimi na liyanga bhaligwata likubho lya jinkanju jemwe ka nibhaika ati,"Mbe eswe one echigenda aamwi newe, okubha chongwa ati Nyamuanga ali aamwi nemwe!"