Isura 13

1 Kurusiku orwo akajibha kaligulwa kulwa inyumba ya Daudi ka abhekasi bha Yerusalemu, kulwa inguye bhikayo no bhukate bhwebhwe. 2 Kurusiku orwo- kaika Ratabhugenyi we bhise- ati alisosyao amasina ge bhisusano kunsi koleleki ati gasige kwijukibwa rindi. Nilisosyao one kunsi abharagi bho rurimi no mwoyo gwebhwe omujabhi. 3 Jakabhee omumu wonewone akagendelela okusosya obhuragi, esemwene waye na nyilamwene waye bhanu bhamwibhuye bhalimubhwila ati, utelikala, kwo kubha waloma orurimi kwi sina lya Ratabhugenyi ! Niwo asemene na nyila bhanu bhamwibhuye bhalimusoma omwanya nasosya obhuragi. 4 Kurusiku orwo bhuli muragi alilolela jinswalo ebhilolo bhyae aokagendelela okusosya obhuragi. Abharagi bhanu bhalifwala rindi ebhifwalo bhya jinga, Koleleki okujiga abhanu. 5 Kusonga bhuli umwi alyaika ati; Anye nitali muragi anye nili mulimi, kunsonga amayaru nigo emilimu jani kwambila bhusigaji bhwani! 6 Nawe onunu oundi alimubhwila atu ; Amakofu ganu agati ya amabhoko gao ni gaki? niwe alimusubya ati, nautesi bhwe na bhanu bhaliga bhaki munyumba ya abhasani bhani." 7 Lipanga! bhatuka omwene kulwa omurefi wani, omunu unu ameleguyu ayei nanye- kutya nikwo kaika Ratabhugenyi we bhise. Nubhume omurefi, ka jinyabharega ejisambara! kunsonga niliindula okubhoko kwani kulwa abhalela. 8 Niwo jilibha ati munsi yone- kutya nikwo kaika Ratabhugenyi- ati selusi ebhili jaye ilisosibhwao! Abhanu abho bhalisimagila; selusi imwi ela niyo ilisigala. 9 Niliilabhya eyo eya kasatu mumulilo ka ninibhesya lwa lyera kutyo abhayesya; nilibharegeja lwa ijaabhu kutyo eiregejibhwa. Bhalilibhulikilela risina lyani kanye enibhasubya ka ninaika ati, Bhano nii bhanu bhani! abhene bhalyaika ati, Ratabhugenyi niwe Nyamuanga wani.