1 Linu na lyaiko lyo musango gwa Ratabhugenyi kubha Israeli Omukama kaika ati, unu karambulura orwire ka naturao omusingi gwe chalo, unu kamoga omwoyo gwo munu munda yae. 2 Role, eniikola Yerusalemu kubha chikombe chinu echibhasurubasya abhanu bhanu bhamwiindileko. Eibha kutyo kutyo ku Yuda one omwanya gwa okusingilwa kwa Yerusalemu. 3 Kurusiku orwo, nilikonja Yerusalermu ibhe ebhiesito ku bhanu abho bhukobhe bhwone. Bhuri unu aliregeja okulinamusha ribhui elyo aliutasya muno, ka amayanga gone age chalo galikumanya bhutasikane no musi ogwo. 4 Kurusiku orwo kaika Ratabhugenyi niliibhuma bhuli nsikiri kwe chirugusyo ka bhuri unu kalinya insikiri kwo rusalo. Nilirola inyumba ya Yuda kwo kuikingilayo ka nanye nilijibhuma chiofu jinsikira eja bhise. 5 Niwo abhatunge abha Yuda bhaliyaikila mu myoyo jebwe, Bhanu bhekaye Yerusalemu nibho amanaga geswe kulwa injuno ya Ratabhugenyi we bhise, Nyamuanga webwe. 6 Kurusiku orwo nilibhakonja abhatunge abha Yuda okubha lwa jinsua jo muliro ku mati ka lwa jinsase jo mulilo agati yo bhulo bhunu bhwimereguyu, okubha gulisingarisya abhanu bhone bhanu bhali ayei orubhara rwebhwe orwe bhuryo nebhumosi.Yerusalemu alinyanja orubhala rwaye rindi. 7 Ratabhugenyi alijikisya jinajambi ja Yuda okwamba, Korereki ati, rikusyo rya inyumba ya Daudi na rikusyo rya bhalia bhekaye Yerusalemu bhusigekukila olubhalarunu uwasigayeyo orwa Yuda. 8 Kurusiku orwo Ratabhugenyi alibha wa bhalia bhekaye Yerusalemu, ka orusiu orwo bhanu bhatelegere mubhene abho bhalibha rwa Daudi, omwanyagwo inyumba ya Daudi bhalibha lwa Nyamuanga lwa bhamalaika bha Ratabhugenyi imbele yebwe." 9 Ilibha kutya kurusiku orwo nilyamba okuganyamula amayanga gone ganu agaja gatasikene na Yerusalemu. 10 Nawe nilisukula omwoyo gwe chiseka eniisabhila inyumba ya Daudi na bhanu bhekaye Yerusalemu, ktyo bhalindola na bhanu bhekaye Yerusalemu, kutyo bhalindola anye , bhanu bhamusomele kwa lichumu. Bhalinkungila, lwa unu kakungile omwana umwi ela; bhalimukungila kwo bhusungu muno lwa unu kakungila orufu lwa omwibhula wo kwamba. 11 Kurusiku orwo obhukungi Yerusalemu eyo bhulibha rwo bhukungi bhwa Hadadi Rimoni mu nselela ja Megido. 12 Insi ilikungila, bhuli bhukobhe mwebhwe obhukobhe abhwa inyumba ya Daudi bhulibha bhuli rwebhwe ka abhagosi bhebhwe bhalibha bhali mwebhwe alela na abharume. Obhukobhe bhwa inyumba ya Nathani bhulibha bhuli rwebhwe ka abhagasi bhebhwe bhalibha bhali rwebhwe alela na abharume. 13 Obhukobha bhwa inyumba ya Lawi bhulibha bhuli rwebhwe ka abhagasi bhebhwe bhalibha bhali rwebhwe alela na abharume. Obhukobhe bhwa Bhashimei bhulibha bhuli rwebhwe ka abhagasi bhebhwe bhalibha bhali rwebhwe alela na abharume. Obhukobhe bhwa Bhashimei bhuliba bhuli rwebhwe ka alshagasi bhebhwe bhalibha bhali rwebwe alela na abharume bhebhwe. 14 Bhuli bhukobhe bhunu bhwasigae - bhuli umwi bhulibha bhuli bhwenyele ka abhagazi bhaliba- bhali bhenyele alela na abharume.