1 Ingula emilyango jao, ee Lebononi, Koleleki omuliro gusingarisye ameleji gao! 2 Nukunge, emwe amati aga masonobari, okubha amerji gaguye! chinu chaliga chili cha rikusyo chamasingarisibhwa, mukungega, emwe mialoni aga Bhashani, okubha risaka rya amanaga lyalurwa. 3 Abharefi abhabhuma inyogere, kwo kubha rikusyo ryebhwe lyanyamulwa! Obhuraka bhwa emirundumo eja abhana bha jinture, Kwo kubha echisirimu echa omugela gwa Yorodani chanyamuwe! 4 Kutya nikwo kaika Ratabhugenyi Nyamuwanga wani, "Mulimereguluru liijo lya jinyabharega linu lyeire okubhagwa! 5 Bhanu abhajigula nibhajibhoga ka bhatakubhafubha, nabho abhajigusya abhaika ati, Akusibhwe Ratabhugenyi! Nanibhele! kunsonga abharefi bhanu abhakolao emirimu kubha jinyabharega bhatakujisasila. 6 Kunsonga eyo nitalibhasasila rinsi abhekasi bha insi! kutya nikwo kaika Ratabhugenyi. Rola! Anye omwene niliwo nimaririye okumwelesya bhuli munu mu kubhoko kwo mwikisyanya waye ka na mukubhoko kwo mukama mwaye, nibho bhaliinyamula insi ka atariwo nolwo umwi wbwe unu nilikisya okusoka mukubhoko kwebwe." 7 Kutyo nabheye merefi wa jinyabharega jinu jaramuwe okubhagwa, ku bhanu abhajikolela jinyabharega. Nagegela jinsimbo ebhili; insimbo eimwi naitogele "Chigongo" Ka eindi naitogele "Obhumwi." ku njila inu najilebhele jinyabharega. 8 Munda yo kwesi kumwi nabhasingarisya bharefi bhasatu, kunsonga nitabhegumirisisye rindi, abhene wone bhambiiririwe. 9 Niwo nabhabhwiliye bhanu bhabhenyanyile, " Nitakukola mirimu rwo murefi wemwe rindi. Jinyabharega jinu jire- ka jifwe; jinyabharega jinu ejisingarisibhwa ka jisingarisibwe. Ka jinyabharega jinu ejisigala bhuli umwi alye inyama eyo mwikasyanya wae." 10 Kutyo ningega insimbo yani " Chigongo" Ka niniibhutula bhutula lilagano linu naliga nikolele na jinganda jani jone. 11 Kulusiku orwo lilagano lyabhutwe, Ka bhalia abhakolelako na jinyabhorega na bhanu bhaliga nibhandolela bhamenyela ati Ratabhugenyi aika. 12 Nimbabhwila ati," Yakabhee jakabheile, nimundie omuyero gwani, ka arabha tikwo kutyo, mwasiga kutyo" kwijo nibhalenga omuyero gwani makumi gasatu ebya jiera. 13 Niwo Ratabhugenyi ambwirie ati," Nuture jiera mwibhikiro, bhugusi bhwakisi bhwafu bhunu bhakuyanile!" kwibyo ningega ebhibhutu makumi gasatu ebya jiera ka ninjatuka mwibhikilo munda ya inyumba ya Ratabhugenyi. 14 Niwo nimbutula insimbo yani eya kabhili," Obhumwi" agati ya Yuda na Israeli. 15 Ratabhugenyi nambwila ati,"Subha ugege echinu echo murefi omumumu kulwa inguru yawe omwenene. 16 Kunsonga nurole, niliwo nimarirye okumutula kulubhara omurefi muchale. Atakuja kulolela jinyabharega jinu ijinsimagila. Ataliiga jinyabharega jinu ejibhula, nolwo kujikisya jinyajabharega jinu ejitigila. Ataliyana bhilyo jinyabharega jinu jitalwaye, tali alilya inyama eya jinyabharega jinu jiwolele niwe alyata amasisinyo gayo. 17 Jiribhabhona abharefi bhanu bhatanganiliye bhanu bhasigile liijo elya jinyabharega! Lipanga Ka lije kwo kubhoko kwaye ne liso lyae lye bhulyo! Okubhoko kwaye ka ukumagana ke liso lyaye elyo bhuryo eliwofula!.