Isura 10

1 Mumusabhwe Ratabhugenyi ingubha mu katungu kachimejo- Ratabhugenyi unu akolele ingubha ya igwe ku bhuli umwi na chimejo muntanga. 2 Okubha ebhisussano bhya abha jinyumba abhaika , lurimi, abhafuma abhasimula lurimi; abhaika ebhiroto ebyo bhujigi ka abhasosya okusirisya ela, kwijo bhabhula lwa jinyabharega ka abhanyoka kwo kubha ataliwo mulefi. 3 Risungu ryani eryaka ku bhalefi; ni makoroye-abhatangasya abho enilamula. Ratabhugenyi we bhise alilifurubhendera one liijo lya jinyabhwega jaye, inyumba ya Yuda, ka kabhakola lwa jisikiri jaye ejo kulwanila. 4 Okusoka kwebhwe lilisoka ribhui likuru elya kumbali, okusoka kwebhwe chilisokako echitimbo echa inglambi; okusoka kwebwe bhulisokamo obhukoma obhwa liremo; okusoka kwebwe bhalija abhatangasya bhone kwa aamwi. 5 Bhalibha lwa bha libhasi bhanu abhabhaja abhasoko bhwebhwe mu matoto ga mumbara ja mubhurwani; kulwo kubha Ratabhugenyi ali amwi nabho, nibho bhalibhaswa sya abhalinyi abha jinsikiri abho kulwana. 6 Niliiyana amanaga inyumba ya Yuda ka eniikisya inyumba ya Yusufu; okubha enibhaleta ka enibhasasila Bhalibha uti nariga nitabhososisyeo, okubha anye nanye Ratabhugenyi Nyamuanga webhwe, Kanye nilibhetabhirwa. 7 Niwo Efraimu alijakubha lwa omuyari, ka emyoyo jebhwe ejikondelwa uti lwo muvinyo; abhana bhwebhwe bhalilora ka nibhakondelwa. Emyoyo jebwe jirinkondelerwa!. 8 Nilibhaweweta ka nimbakumanya, okubha enibhakisya nibho bhalibha bhakuru lwa kutyo bhaliga bhali kubhwambilo! 9 Nabhayambile agati ya abhanu, nawe bhalinyijuka munsi ya kura, kwijo abhenene na abhana bhwebhwe bhalikara kusubha. 10 Kusonga nilibhasubya okusoka munsi ya Misiri ka enibha kamaaya okusoka Asheru. Enibhaleta munsi ya Gileadi na Lebanoni okukingila gulibha gutariwo omwanya rindi ku rwebhwe. 11 Enilabha munyanja ya jinyako jebwe, enigabhuma amakonjo aga inyanja eyo ka enibyumya ebhitega ebya Naili. Rikusyo lya Ashuru lilitusibwa ansi, ka insimbo ya Misiri iligenda kura okusoka kubha Misiri. 12 Nilibhatulamo amnaga kwanye omwenene, nibho bhalilibhatila mwisina lyani- kaika Ratabhugenyi.