1 Rola! orusiku lwa Ratabhugenyi oluja omwanya abhagwatwa bhemwe bhaligabhanyisibwa agatiagati yemwe. 2 Kunsonga niligakumanya amayanga gone bhitasikene na Yerusalemu ku bhuremo ka omusi guligegwa. Jinyumba jiligegwa ka abhagasi bhalibhagwalila managa Libhal lyo musi lilisilwa mubhugegwa , nawe obhwiganilisya bwa abhanu bhutalisoka munsi. 3 Nawe Ratabhugenyi alisokao ka nakala obhuremo kulwa omaanga lwa kutyo kabhuma obhuremo kurusiku rwo bhuremo. 4 Orusiku orwo amagulu gae galimelegulu inguru ya libhanga lya Mijeituni, linu lili kungego ya Yerusalemu orubhala lwe bhuturuka. Libhanga lya Mijeituni liligabhika agati ebhuturuka na bhugwa esubha kwe korongo enene muno ka omubhala lwa libhanga lulisubha inyuma okulubha mubhuwanga ka olubhala okulubha mumalimbe. 5 Niwo mulibhilima mwi korongo agati ya Mabhanga aga Ratabhugenyi, kwo kubha likorongo agati ya amabhonga ago lilikinga nolwo Azali. Mulibhilima lwo rusiku lunu mwabhilima linyamutikima lya insi jjinsiku ja Uzia, Omukama wa Yuda. Niwo Ratabhugenyi Nyamuanga wani alija ka na bhatele bhae bhone. 6 Bhutalibhayo bhweru Kurusiku orwo, nawe itakiyo mbeyo nolwo barafu. 7 Orusiku orwo, ni rusiku lunu olumenywa Ratabhugenyi enyele ela, italisubha rindi mumwisi nolwo ngeta, Okubha kegoro ilibha mwanya gwa bhweru. 8 Orusiku orwo amanji ganu gali maanga galigala okusoka Yerusalemu Libhara lyago galigela okugenda mu nyanja ye bhuturuka ka libhara munyanja ye bhugwa, omwanya gwa manji no mwanya gwo musana. 9 Ratabhugenyi alibha mukama inguru ya insi yone kurusiku orwo alibhayo Ratabhugenyi , Nyamuwanga umwi, na usina lyae enyele. 10 Insi yone ilibha lwa Araba, okwambila Geba okukinga Rimoni mumalimbe aga Yerusalemu. Ka Yerusalemu iligendelela okubha inguru. Alikala ewaye omwenene, okusoka mwilango lya Benjamini okukinga anu lyaliga lili lilango lyo kwamba munala ogwo Hananeli nolwo kubhusinyilisha bhwo mukama. 11 Abhanu bhalinyanja Yerusalemu ka kutalibhao kusimagisya kunu kwiile rindi okusoka ku Nyamuwanga kulwa abhene, Yerusalemu ilibha manga. 12 Inu ilibha ndagalila inu Yahwe alibhumila imbaga yona eya abhanu bhanu abhalwana Yerusalemu, emibhili jebhwe jilibholaga nolwo bhemeleguyu na amaguru gebhwe. ameso gebhwe galibholaga mubhitega bhyago na jindimi jebhwe jilibhola jili muminwa jebhwe. 13 Olunaku olwo obhubha okusoka ku Yahwe ilibha agati yebhwe. Bhuli munu aligwatana no okubhoko kwo wejabho, no okubhoko kwo oundi kulimusibhwa kutasikene nokwowejabho. 14 Mbe Yuga ona alilwana na Yerusalemu. Bhalikumanya obhunibhi bhwa amaanga gona ganu gabhasingiye: jijaabhu, jimpilya no obhwafu bhwa jingubho jekisi. 15 Mbe indagalila iligwa ingulu ya jinsikili na jimpwisi, jingamila na jjinsikili jilubhatula mijigo, na bhuli ntyanyi mubhwikalo obhwo alibhona imbuma eyo. 16 Mbe niwo bhanu bhalisigala okusoka mubhanya maanga ganu gatasikine na Yerusalemu bhalibhaga nibhagenda omwaka kwo omwaka okulamya omukama Yahwe na abhalwani, no kugwatilila olusiku olukulu olwe ebhiuna. 17 Na jilibha kutya, alibha omunu wona wona okusoka Mumaanga gona aga kunsi atalija Yerusalemu okulamya Omukama Yahwe owe ebhise, mbe niwo Yahwe aligwisha ing'ubha ingulu yebhwe. 18 Na echalo cha Misiri bhalibha bhatakugenda, bhalibhulwa ing'ubha. Indagalila okusoka ku Yahwe ililwana amaanga gona ganu gatakugenda okusumbilila olunaku lukulu lwe ebhiuna, 19 Inu ilibha mbuma ku Misri, na ilibha mbuma kwa bhuli eanga linu litakusumbilila olunaku lukulu lwe ebhiuna. 20 Nwe olunaku olwo jikengele ja jinsikili jilyaika ati, "Mwisolole kulwa Yahwe." na amakalai mu nyumba ya Yahwe galibha lwa amabhakuli imbele ya Kulutare. 21 Kulwo kubha bhuli nyungu mu Yerusalemu na Yuda ilisololwa kulwa Yahwe owe ebhise na bhulu munu unu alileta isadaka alilya okusoka munyungu eyo no okubhisisha. Olunaku olwo bhatalibhao abhasuluja mu nyumba ya Yahwe owe ebhise olu