Isura 4

1 Ijaabu yamakerebhela; kwa kutiki ijaabu ya kisi yamainduka ! Amabhui ameru gasambalile ku bhuli njila yo lubhala. 2 Abhana bho bhugusi abha Sayuni bhaliga bhali no bhukugusi bhwo bhusito bhwa ijaabu ya kisi, nawe wori bhatana bhugusi kukilao amajagi aga mayaru, emirimu ja mabhoko yo mumogi! 3 Nolwo jimbwa eja mumbara ejisosya amata gebhwe okunenesya abhana bhebhwe, nawe omuyara wa bhanu bhani amabha mujimya, lwa imbuni ku chibhara. 4 Olulimi lwo mwana omulela unu kanena olukusya inguru yo munwa gwaye kwo bhuliro; abhana abhasabhwa ebhilyo, nawe bhitaliwo kulwa abhene. 5 Abhene bhaliga bhanalile okulya ebhilyo bhyo bhugusi wori abhasibha omweko mumbara; abhene abho bhalelewe kwo kufwala emyenda eja jijambarawe, wori bhamamile mumajalala. 6 Indamu yo muyara wa abhanu bhani ni nene okukila eyo eya Sodoma, Ka yagaramulibwe kwa idakika ka ataliwo oyo emusipye okubhoko okumusakila. 7 Abhatangasya bhaye bhaliga bhelele okukila itheluji, bhelele okukila amata; emibhili jebhwe jaliga jirumatere kukila ribhui, omubhili gwebwe gwaliga guli uti lwa yakuti samawi. 8 Okubhonekana kwebwe kwilafuru lwe chisute; bhatakumenyekana mumitaa . Jinsusu jebwe jumaganiye ku mawa gebwe; jumile lwa jingwi. 9 Abho bhanu bhetilwe kwa lipanga bhaliga bhali no kukondelwa kwafu okukila bhalia abho bhafuwe kwo mweko, abho bhabhulile, nibhabhafumula kwo kubhulwa ebhigeswa mumasambu. 10 Amabhoko ga bhagosi ebhe chise gabhabhisisye abhana bhebhwe; bhabheye bhilyo bhyebhwe amwanyagwo omuyara wa bhana bhani aliga nanyamulwa. 11 Ratabhugenyi olesisye misungu lyae lyone; etiye lifululu ko lyae lilulile. Akongesisye omulilo Sayuni gwasimagisisye emisingi jagwo. 12 Abhatwale bhe chalo bhalekilisye, nolwo abhekasi bhe chalo, ati abhasoko amwi abhasokanya bhatulile okwingila mumalango aga Yerusalemu. 13 Ganu gabhonekene kwo kuletelesibwa na bhibhibhi bhya bharagi no bhukai bhwa bhagabhisi abho bhaliganibhetila amanyinga aga bhe chimari imbele yae. 14 Bhalibhatile, kwo bhofu, mumitaa. Bhaliga bheyae obhunyamuke ku manyinga ago niwo ataliwo unu ekilesibhwe oku okugwata emyenda jebhwe. "Inyanja kura! Awe amunyamuke! " Abhanu bhabha sekanie obhuraka. 15 "Inyanja kura! Inyanja kura! Usige kukusyako. "Kutyo nibhalibhata; abhanu bhaikile mugati ya mayanga," Bhatakutula kwikala anu rindi. 16 Ratabhugenyi omwenene abhagabhanyisye; atakubharola rindi. Bhanu abhekeya abhagabhise, ka bhatakworesya kusorara ku bhakaruka. 17 Ameso geswe getembagie, nigalolela bhusa kwo kusakila; okusoka ku minara jeswe ejo bhulindi chalolele liyanga elyo litakutula okukisya. 18 Bhalubhile jintambi jeswe, chitatulie kulibhata mumitaa jeswe. Obhutero bhweswe bhakhee ayei ka jinsiku jeswe jabhalilwe, abhutero bhweswe bhwakingile. 19 Bhana bhachibhilimisye bhaliga bhangu okukila itai eya kurwire. Bhachibhilimisye ku mabhanga ka nibhachifwima mukibhara. 20 Omwika mu myongo jeswe- unu apakelwe amagula wa Ratabhugenyi- niwe agwatitwe mu lyobho; oyo niwe aikwe, " Emwalo ya imbeo yae chilikala mugali mu mayanga.." 21 Tembatemba ka ukondelwe, omuyara owa Edomu, Awe unu wakae munsi ya Uzi. Tali kwawe one echikombe chililabhibhwa, ulitamila ka nufula emyenda. 22 Omuyara wa Sayuni, indamu yao ilikingila kubhutero, atalyongesya bhugwatwa bhwao nawe omuyara wa Edomu, alimulamula; alisukulula ebhibhibhi bhyao.