¹ Omusango gwo Omukama Nyamuanga ngusubha okuja ku Yona lwakabhili, nigwaika ati, " ² Imuka ugende Ninawi, muchikale echikulu ulashe Omusango gunu ndakulagilila." ³ Mbe Yona nogwa Omukama nagenda Ninawi. Echikale cha Ninawi chaliga chili chinene muno okuchilabhamo chendaga nsiku esatu. ⁴ Yona namba okwingila muchikale Olunaku lwo kwamba lwejile lwawa, nalagilisha kwo obhulaka naika ati, " Jikalabhao nsiku makumi gana, Ninawi usingalisibhwa." ⁵ Mbe abhanu bha Ninawi nibhekilisha Omusango gwa Nyamwanga na nibhaikana Okusibha. Bhona nibhafwala emyenda ja amagunila, kwambila omunu mukulu no mulela. ⁶ Mbe amagambo ganu nigamukingila Omukama wa Ninawi. Nemelegulu okusoka kuchitebhe chae echa ingoma, nafuu Omwenda gwaye gwechikama, nafwala amagunila neyenja mwifu. ⁷ Omukama nasosha inyaika inu., '' Kulwe echilagilo cho Omukama na abhasakisi bhye, Muchikale cha Ninawi Omunu, amo ebhitunganwa, jinga nolwo jinyabalega jasiga kulya chini chonachona no kunywa amanji. ⁸ Abhanu bhona ne ebhitungwana bhifwale emyenda ja amagunila. Bhuli munu asabhe Nyamuanga kwa amangaga no kusiga chimwi ebhibhibhi no obhunyamuke bhwaye. ⁹ Niga unu kamenya? Nyamuanga katula okusiga naindula obhwiganilisha bhwaye, nasiga lisungu lyaye koleleki chasiga kusingalika." ¹⁰ Nyamuanga nalola ganu bakolele, nibhasiga njinjila jebwe jimbibhi. Kulwejo Nyamuaga naindula obhwiganilisha bhwaye ingulu ya indamu inu aliga abhabhiliye, nasiga.