¹ Nawe Yona ejile akalola kutyo nabhiililwa. ² Mbe Yona nasabhwa Omukama naika ati, " Mukama ganu ntigo naikile nichali kusoka munsi yani ati nimwo omwo ulikolela? Kunsonga nikwo nalegejishe bwangu Okubhilimila Tarashishi , kwo okubha na menyele ati awe uli Nyamuanga we echigongo, uli mufula, utali mwangu we ebhinyiga, Owisigililwa, na umamishayo amagambo. ³ Kulwejo, enikusabhwa Mukama, Olyanu unsakule obholame bhani, kulwo kubha ni akili nafwa kukila okulama." ⁴ Omukama nasubya ati, " Oukola jakisi okubhiililwa?'' ⁵ Niwo Yona nasoka muchukale naja okwiyanja ebhutulukaye echikale. Nekolela obhwikalo nayanja mumbeo nalolaga echikale abhone echo chilabhayo. ⁶ Omukama Nyamuanga nasema liti nalikusha nilibha ingulu ya Yona Koleleki limuteleyo imbeo yo kusoshayo inyako yae. Yona nakondelelwa muno kulwa imbeo ya liyi elyo. ⁷ Nawe olunaku kwa kabhili katonda, Nyamuanga naleta liuka. Liuka nililya liti ly imbeo niliotoka. ⁸ Mbe lisubha okusomoka katondo, Nyamuanga nategeka omuyaga gwa inkomaji, Yona nalebhelela okukabha kwa imbita ya lisubha linu lyamwakilaga kumutwe gwaye. Mbe Yona nanambaalila olufu. Nelomela ati, " Akili nafwa nibhusige obhulame bhunu.'' ⁹ Nyamuanga namala nabwila Yona ati, " Nijakisi kwawe okubhiilililwa liti?" Yona nasubhya ati, " Yee, nijakisi kubha nabhiiliwe Okukingila Okufwa." ¹⁰ Omukama naika ati, " Ousasila liti linu utakoleye mulimu nolwo okulikusha, limelele ingeta imwi no kufwa ingeta imwi. ¹¹ Kulwejo anye, jitanyiile okusasila Ninawi, echikale echikulu, linu lilimo abhanu kukila bhanu bhiumbi egana limwi na makumi gabhili bhanu bhatakumenya aga. Mukubhoko okulyo no okumosi, bhilimo ne ebhitunganwa bhafu.?"