1 Utane ukhuhukumu, nave usije ukhahukhumiwa. Khwa hukhumu yewihukhumu, nave yawihukhumiwa. 2 Na khwa khipimo shewipimila nu veve yawipimila khisho isho. 3 Na shekhini wilola ikhipande sha libihi shekhivele mulikho lya mulongovo, lakhini siumanyili ikhipande sha likoko ambalyo livele mu likho lyakho? 4 Wiwesa vuli ukhuchova khwa mulongo vakho, ngoja ndikhuhecheche ikhipande sha likoko khivele mukati mu likho lyakho, khuno lyakho? 5 Mnafiki uveve; khwanja uheche ilikoko lyelivele mu likho lyakho, na ndyo peyawiwesa ukhulola vunofi nu khukhihecha ikhipande sha libhi shekhivele mu likho lya mlongo vakho. 6 Utane ukhupela amabwa shekhivele khivalache, na utane ukhukatochekhecha amakwehe ihulu mbele chakhe. Finginefyo achavakhafiyananga nukhudadikhila khwa makulu, na khangi yavakhakhukevukhila uveve nu khukhulalula fipandifipandi. 7 Nyilikhake, nave yawipewa. Londake, nave yawipata. 8 Tovake ihodi, nu veve yawifunguliwa. Khwa yeyoha yeinyilikha, iyanukhila. Na khwa yeyoha yeilonda, ipata. Nu khwa munu ambaye itova ihodi achaifunguliwa. 9 Au khuna munu mumiongoni mwenyo ambaye, yingava umwana va mwene akhamunyilikha ikhipande sha mukhate yaakhampela ilikanga? 10 Au yingava achaakhamunyilikha isombe nu mwene yeakhampela iliyokha? 11 Khwa hiyo, yingava unyenye yemuvele vaviivi mumanyile ukhuvapela avana venyo isawadi inofi, Je! Khiasi khwa Baba yeavele khushanya yaakhavapela ifinu ifinofu vala yevakha munyilikha umwene? 12 Khwa sababu iyo, yawilonda ukhufanyiwa sheshoha na vanu avangi, nave yikhakhubidi ukhufanyila ewe deni na vene. Khwa khuva iyo ndyo sheliya na vavilisi. 13 Muyingilake khwa khulutila iligeli ilyembamba. Khwa khuva iligeti ilipana ni njila ipana yeyilongosa mu vuhalibifu, na khuna vanu volofi yevilutila injila iyo. 14 Geti lyembamba, Ndyo njila yeyilongolsa mu vuumi na vadebe yeviwesa ukhuyivona. 15 Mwisalilake na vavilisi va vudesi, yeviyicha vafwalile inguvo ya ng'oolo, lakhini salwesi kavele makheve makhali. 17 Khwa matunda kavo yamukhavaelewa. Je avanu viwesa ukhuvambula amatunda mumifya, au umtini mu mbeyu ya mubaluti? 16 Khwa jinsi iyo, khila libihi ili noti libaba amatunda amabaya. 18 Ilibihi ilinofu siliwesa ukhubaaba amatunda amabaya wala ilibihi ilibaya siliwesa ukhubaaba amatunda amanofi. 19 Khila libihi lyesilibaba amatunda amanofi yaling'enywa nu khutochwa mu mwoto. 20 Ewe basi, yaukhavamanya ukhulutila amatunda kavo. 21 Siyo khila munu yeakhandichovela unene, 'Mutwa, Mutwa,' yaiyingila mu vutwa wa khushanya bali yula mwene yeitenda amakhelwa ka Baba vangu yeavele khushanya. 22 Vanu vangi yavakhandichovela ikhikono isho, 'Mutwa, Mutwa, sitwahechichi uvuvilisi khwa litawa lyakho sitwahechichi amabepo khwa litawa lyakho, na khwa litawa lyakho lwafanyile amatendo molofi amavaha?' 23 Apo yandikhavachovela wasi, 'sindavamanyili unyenye muheke khwangu unyenye yemwitenda amavivi!' 24 Khwa hiyo, khila monga yeipulikha amacho kangu nu khutii yaiwanana nu munu umunya hekima yeachengile myumba ya mwene pa mwamba pashanya. 25 Ndonya yikhatonya amafuliko kakhicha ni mepe yikhicha nukhuyitova inyumba iyo, lakhini siyawesichi ukhubina pasi, khwa khuva yavele yichengilwe pa mwamba pashanya. 26 Lakhini khila munu yeipulikha ilicho lyangu na atane ukhutii yaiwananichwa nu munu umupumbafu yeachengile inyumba ya mwene pashanya pa muhanga. 27 Ndonya yikhicha, amafuliko kakhicha, ni mepo yikhicha nu khutova inyumba iyo. Na yikhabina nu vuhalibifu wakhe vukhakamilikha." 28 Kwafikkhe umusikha ambako uYeesu peeamalile ukhulongela amacho aka, amakhutano vashangasichwe na mavulicho ka mwene, 29 khwa khuva aavulichiche ngita munu umunya mamlaka, na siyo ngita vaandishi vavo.