Sura ya 6

1 Zingatilaka ukhulekha ukhutendo matendomatendo ka haki mbele cha vanu nekhe ukhwivonesa, ndesiewe siachawipata isawabu ukhuhuma khwa Baba yeavele khushanya. 2 Ewe basi utane ukhutova ilimalama nu khwisifu vemwene kama avanafiki shevifanya mu sinagogi nu mumitaa nekhe ukhutya avanu vavasifu. Salwesi ndikhavachovela, vamalile ukhuyanukhila isawabu yavo. 3 Lakhini uveve yawihecha, ilibokho lyakho ilyangiki litane ukhumanya shevifanya ni livokho lya khulyando, 4 nekhe ukhutya isawadi yakho yihecheswe khwa silli. Apo uBaba vakho yeilola musili yaakhakhupela isawabu yakho. 5 Na peyawinyilikha utanake, ukhuva ngita vanafiki, khwa khuva vikhela ukhuyima nukhunyilikha mu masinagogi nu mu kona cha mitaa, nekhe ukhutya avanu vavalole. Salwesi ndikhavachovela, vamalile ukhuyanukhila isawabu yavo. 6 Lakhini uveve yawinyilika yingilake mushumba. Dindake umulyango, na unyilikhe khwa Baba vakho yeavele khwa siri. Apo uBaba vakho yeilola mu sili acha akhakhupea isawabu yakho. 7 Na peyawiva winyilikha utane ukhukomokhela komokhela amacho kesikaveli ni maana kama vamataifa shevifanya khwa khuva vifikhilila kutya achavipulikichwa khwasababu ya macho kavo amolofi vevichova. 8 Khwa hiyo, utane ukhuva ngita avo, khwa khuva uBaba vakho imanya ilihitaji lyakho hata kabla usinaunyilika khwa mwene. 9 Ewe basi nyilikhake edeti: Baba vetu yeuvele khushanya, ulivalache ilitawa lyakho. 10 Uvutwa wakho wiche, amakhelwa kakho kafanyikhe painyi apa ngita khushanya ukhune. 11 Utupele ilelo umukhate kwetu kwa khila khikono. 12 Utupyanile ideni chetu, ngita nawe shetukhavapyanila avadeni vetu. 13 Na utane ukhutuleta mu majalibu, lakhini utuyepuse ukhuhuma khwa muvivi.' 14 Yingava mukhavapyanila avanu amakhosa kavo, uBaba vakho yeavele khushanya akhavapyanila unyenye. 15 Lakhini yingava siacha mukhavapyanila amakhosa kavo, wala uBaba venyo siacha akhavapyanila unyenye amakhosa kenyo. 16 Zaidi ya koha yaufungile utane ukhuvonesa isula ya husuni kama avanafiki shevifanya khwa khuva vikunja isula chavo nekhe ukhutya avanu vavakundule vafungile. Salwesi ndikhakhuchovela, vamalile ukhuyanukhilo isawabu yavo. 17 Lakhini uveve, yaufungilo bakhake amafuta mumutwe kwakho na ukhalafyake isula yakho. 18 Ewe siachayikhakhuvonesa mbele cha vanu ukhuva ufungile, lakhini tu achayiva khwa Baba vakho yeavele mu sili. Nu Baba vakho yeilola mu sili achaakhakhupela isawabu yakho. 19 Utanake ukhutunja iakiba yakho vemwene pa inyi apa, ambapo inondo ni kutu ukhuyananga, ambapo avahichi videnya mikhuhicha. 20 Badala yakhe, uyitunje iakiba yakho vemwene khushanya ambapo wala nondo wala kutu simesa ukhuyananga, na ambapo avahichi siviwesa ukhudenya nukhuhicha. 21 Khwa khuva iakiba yakho peyivele, ndyo ni numbula yakho peachayivepwe. 22 I liko ndyo taa ya muvili. Khwa hiyo, yingava ilikho lyakho lyuumi, umuvili khwoha achakwijaswa umwanga. 23 Lakhini yingawa ilikho lyakho tivele libofu, umuvili kwakho khwoha umemile ingisi totolo. Khwahiyo, yingava umwanga ambako kuvele mukati mwakho ndyo ng'isi necho, ndo ng'isi ngomi khiasi kani! 24 Sikhuneyali hata yumonga yeiwesa ukhuvatumikhila avatwa vavili, khwa khuva achaamdadila nyu nukhumukhela nyungi. Au nde siewe achaikhetoula chwa yumonga nukhutumikhila uNguluvi ni mali. 25 Khwa hiyo ndikhakhuchovela, utane ukhuva ni wasiwasi na maisha kakho khuva acha wilya khini au yaawinywa khini, au ukhuhusu umuvili kwakho yawifwale khini. Je! Amaisha siyo zaidi ya shakulya nu muvili zaidi ya mafwalo? 26 Ulolake ifideka fyefivele khuanga. Sifiyala na sifivambula nu khukhusanya nukhutunja mu khisanji, lakhini uBaba venyo va khushanya ivaakhalifilisa ifyo. Je unyenye simuvele va samani zaidi khulikho ifyene? 27 Na yeyani mumiongoni mwenyo khwa khwihangayisa iwesa ukhwiyongesa idhilaa yimonga mu vuumi wa maisha kamwene? 28 Na shekhini mwiva ni wasiwasi ukhuhusu amafwalo? Fikhilile ukhuhusu amauwa mu mahala, jinsi shekikhula. Sikifanya ikhasi na sikiwesa ukhwifwalicha. 29 Bado ndikhavachovela, hata uSulemani mu vuvalache wamwene woha siafwalichichwi monga ya aka. 30 Yingava uNgulubhi akhakafwalicha amasoli mu mahala ambako sikidumukhikono khimonga ni khilavo achakitochwa mu mwoto, je yivele khwa khiasi kani yaakhavafwaliche unyenye, unyenye vanya lufuvo ludebe? 31 Khwahiyo mutane ukhuva ni wasiwasi nukhutikila, 'Je yatwifwala khini?' au " Je yaatwinywa khini?" Je yaatwifwala khini kwanda kani?" 32 Khwa khuva avamataifa vilonda amambo aka, nu Baba venyo va khushanya amanyile khuva mwilonda ako. 33 Lakhini khwanja mulondake uvutwa wa mwene ni haki ya mwene na aka koha yakikabisiwa khwakho. 34 Khwa hiyo utane ukhuvona wasiwasi khwaajili ya khilavo, khwa khuva khilavo yikhishukhulikhila yene. Khila khikono yitosa ukhuva ni litatiso lyakhe yene.