1 Kisha uYesu aongosichwe nu Mbepo mbakha khu jangwa nekhe ajalibiwe nu setani(ibilisi). 2 Pe avele afungile sikhu alobaini ikhilu nu munyi akhaapata injala. 3 Umjalibu akhicha nu khumchovela, "Kama uveve uli Mwana va Nguluvi, amule amakanga aka kave mikhate." 4 Lakhini Yesu akhajibu nukhumchovela, "Yiyandikhilwe, 'Munu siachaiishi khwa mkhate kwene, bali khwa khila licho lyelihuma mukhinywa sha Nguluvi."' 5 Kisha uibilisi akhamsindikha mu miiji umwimikhe nu khumuvikha sehemu ya pashanya necho palijengo lya hekalu, 6 nu khumchovela, "kama uveve uli mwana va Nguluvi, wiloche pasi, khwa mana yeyandikhilwe, 'Achavamulu avamayika vakhe viche vakhudakhe,' na, 'achavakhakhuwimya khwa mavokho kavo, nekhe usiyokhukhukungudukha ili kulu lyakho mlikanga." 7 Yesu akhamchovela, "Tena yiyandikhilwe, usiyokhumjalibu Mutwa uNguluvi vakho." 8 Kisha ibilisi akhamtekula nukhumsindikha sehemu ya pashanya necho akhamvonesa imiliki chondi cha painyi ni fahali ya icho chondi. 9 Akhamchovela, "Ya ndikhakhupela ifinu vyondi ifi ndi undiwinamile nu khuniwimikha. 10 Kisha Yesu akhamchovela, "Heke apa uhelelake ukhwe, setani! Khwa mana yiyandikhilwe yikhakhubidi ukhumwimikha uMutwa uNguluvi vako, nukhumtumikhila umwene mwene."' 11 Kisha uibilisi akhamlekha, na tukhavona avamalayika vakhayicha khumtumikhila. 12 Basi uYesu pe apulikhe khwa Yohana akhamulilive ahekile mbakha khuGalilaya. 13 Achekile khuNazaleti aahele nu khuishi Kalperanaumu, yeyivele mulubali ni Bahari ya Galilaya mumibakha ya majimbo ka Zabuloni nu Naftali. 14 Iyi yahumye ukhutimisa khila sheshachovilwe nu mvilisi uIsaya, 15 "Mu muij kwa Zabuloni nu kwa Naftali, ukhuelekela khu Bahali, mwambo ya Yoldani, Galilaya ya mataifa! 16 Vanu yevatamile mugisa vakuwene umwanga umkomi, va vala yevakhavele vatamile mu sehemu numuwili kwa mayiti, pashanya pavo umwanga kuvamulishe." 17 Tangiya umusikha ukive uYesu avangile ukhubili nukhutikila, "Tubuni, khwa mana uvutwa wa khushanya vukalibye. 18 Pe aavele ikenda mulubali mwa Bahali ya Galilaya aavawene avalongo vavili, Simoni ye akemelwaka Petro, nu Andlea kaka yakhe viteka inyafu mu bahali khwa khuva vaveli valovaji va somba. 19 Yesu akhavachevela, ''Mwiche mndifwake, achandikhavafanya khuva valovaji va vanu." 20 Bakhala vakhachilekha inyafu na nu khamufwata. 21 Nu Yesu pe aveele ibita ukhuma pala avaawene avalongo vavili avangi, Yakobo umwana va Zebedayo, nu Yohana kaka yakhe. Vaavele mumtumbwi pamonga nu baba vavo vaavele vihono inyafu chava. Akhavakhemela, 22 na bakho vakhakulekha umutumbwi nu baba vao vakhamfwata. 23 Yesu ahele kalibia Galilaya tondi akhavaavulicha mu Masinagogi kava, akhahubili injili ya vutwa nukhuponya khila aina ya matamu miongoni mwa vanu. 24 Ihabali chake chaenye isilia yondi, na vanu vakhamletela khwa mwene vala vondi yevaavele vilwala vavele nu vutamu mbalimbali na maumifu, yevavele na mapepo, na vanya machilisi na yevapolie. Yesu avaponyiche. 25 Lilundwa likomi lya vanu lyamfwatile ukhuhuma khu Galilaya nu khu Dekapoli nu khu Yelusalemu nu khu vuyahudi nu khuhuma khu mwambo ya Yordani.