Mathaayo 3

1 Mu sikhu chila uYohana Mbatizaji awichile munyikha icha Yuda akhavaihubili akhatikila, 2 "Tubuni khwa mana uvutwa wa khushanya vuli kalibu." 3 Khwa mana uyu ndyo yeachovilwe nu Mvilisi uIsaya akhatikila; 'savuti ya munu ye ikemela ukhuma khu jangwa; 'mvikhake tayali injila ya Mutwa, mnyosake amapito kakhe."' 4 Sasa uYohana afwalile amakala ka ngamia nu mkhandala kwa ngosi mungudi ya mwene. Shakulya shakhe shavele inzige nu vukhi ya mu msitu. 5 Yikhava Yelusalemu, Yuda yondi nilieneo lyondi lyelisungukha umukhoka kwa Yordani vakhahela khwakhe. 6 Vavele vibatiswa numwene mu mumkhoha kwa Yordani khuno vitubu isambi chavo. 7 Lakhini pe avawene volofu va Mafalisayo na Masadukayo viyicha khwa mwene khubatiswa, akhavachovela, "Unye va usao kwa mayokha akanya sumu ye nani yeavaaonyile ukhuyichila ilikoka lyelyiyicha? 8 Mhokilake amatunda kekipasa itoba. 9 Na msiyokhufilila nu khuchovana miongoni mwenyo, 'Tulinave uIbrahimu ngita baba vetu.' Khwa khuva ndikhavachovela uNguluvi iwesa ukhumuwinulila uIblahimu avana hata ukhuma mu makanga aka. 10 Tayali ilivakosokha meyivikhilwe mumulela kwa libikhi. Khwahiyo khila libhiki lyesilihokola amatunda amanofu ling'enywa nu khutakwa mu mwoto. 11 Ndikhavabatisa khwa makasi khwajili ya toba. Lakhini umwene ye iyicha baada yangu avele mkomi khunkho unene nane sinditakhiwa hata ukhupinda ifilato fya mwene. Umwene achaakhavabatisa khwa Umbepo Mwimikhe nu khwa mwoto. 12 Nilipetelo lyakhe lilimumavokho kakhe khusafisa kabisa uvuwanda wakhe nu khukhusanya ingana yakhe mukhisanji. Lakhini achainyanya amabapi khwa mwoto kwesikwichima. 13 Kisha uYesu akicha ukhuhuma khu Galilaya mbakha kihunkoka kwa Yoldani khubatiswa nu Yohani. 14 Lakhini Yohani alondaga ukhumbecha akhatikila, ''Unene ndilonda ukhubatiswa nu veve, nave wiyicha khwangu?" 15 UYesu akhajibula akhatikila, "Uluhusu yive ewe isaichi, khwa khuva ndyo sheyikhatubiti ukhutimisa ihaki yondi." Kisha uYohani akhamuluhusu. 16 Baada ya khubatiswa Yesu akhahuma mumakasi nu khulola" imbingu chikhafungukha khwamwene. Ndikhamuvona Umbepo va uNguluvi iwikha khwa mfano kwa njiva nu khutulila pashanya pakhe. 17 Ndikhavona, isavuli yahumile khushanya yikhatikila, "Uyu ndyo mwanavangu mkhelwa. Yendikhelwa necho nave.