1 U Yeesu aahumile mu hekalu nu khuhelela zake. Avanyasule va mweene vamuhelelye nu khumlaasa amacheengo ka hekalu. 2 Lakhini aavahikile nu khuvachovela, "Je, imkhavona amambo aka kooha? Salwesi ndikhavachovela, hakhuna likaanga lyeyalisikala pashanya palingi bila khubomolwa.'' 3 Na peataamye khu khidunda she Miseituni, avanyasule va mweene va muhelelye khwa falagha nu khuchova, "'Utuchovele, amambo aka ya kihumila pandali? Khinukhini ya khiva dalili ya khuchicha kwakho nu mwiso kwa ulimwengu?" 4 U Yeesu aavahikile nukhuvachovela, "Muvechake makini kwamba atane umuunu kuwapotosha. 5 Kwa khuva voloofu valayicha khwa litawa lyaangu. Valatikila, ''Uneene ndyo Khilisiti', nu khupotosha volofu. 6 Mlapulikha imola cha fiita. Mlaangake mtane ukhuva ni wasiwasi, khwa kuva amambo aka hayanabudi ukhuhumila; Lakhini umwisho kulava bado. 7 Khwa khuva iinyi litainuka sidi ya inyi yingi, nu vutwa sidi ya vutwa. khulaava ni njala ni fililindima mu sehemu njolofinjolofi. 8 Lakhini amambo aka kooha ni mwaanjo tu kwa vuchungu wa khwifungula. 9 Ndyoo valavahumya khwa jili ya mapumukho nu khuvavulaka. Mladadilwa ni inyi chooha khwa sababu ya litawa lyangu. 10 Nekhe volofu pevalakungudukha nu kusalitiana nu khwidadila vavene khwa veene. 11 Avavilisi volofu vavudesi vavudesi valahumila nu khuvachanga volofu. 12 Khwa sababu uvuviivi vulayongesekha, ulukheelo lwa voloofu lulaapola. 13 Lakhini yealafumilila mbakha pamwisho alakhombolwa. 14 Iyi Ienjili ya vutwa yilahubiliwa mu ulimwengu mzima kama vushuhuda khwa inyi chooha. Na ndyoo umwisho kulafikha. 15 Khwa hiyo, pemlavona ilichukiso lya wanangifu, lyelyachovilwe nu mvilisi u Danieli liyimile mahali pa vuvalache [yeisoma ne amanyake], 16 Apodee yevavele khu Yuuda vanyililake khufidunda. 17 Na yula yavele khushanya khu khituvili atane ukhiyikha paanyi khutola khinu sheshoha ukhuhuma mukati mu nyumba ya mweene, 18 na yeavele khulihala atane ukhukomokha khutola ilifwalo lya mweene. 19 Lakhini ole wavo yevavele na vaana na vala yeviyoosa mu fikono fyenifyo! 20 Mnyilikhaka kwamba ukhunyila kweenyo kutane ukhuva msikha kwa ng'aala, wala khikono sha sabato. 21 Khwa khuva khulaava ni siki ngomi ambayo sina yikela ukhuva epo tangu ukhuvumbwa khwa ulimwengu hadi lino, na wala siyilava peo khangi. 22 Ndee ifikono ifyo sifyalekha ukhufupiswa, sikhweyuli yeali iokokha. Lakhini khwa sababu ya wateule, ifikono ifyo ya fifupiswa. 23 Khangi nde muunu yeyoha alavachovela 'Mlolake, u Khilisiti avele apa! au, 'Khilisti aveele aveele ukhu, ukhufuwa amacho ako. 24 Khwa khuva a Makhilisiti ka vudesi na vavilisi va vudesi valayicha nu laasa ishaala ngomi na maajabu, khwa khusadi lya khupotosha nde yiwesekhana hata avachaakulwa. 25 Mlangake, ndivapavyele kabula ya mambo ako ukhuhumila. 26 Khwa hiyo, nde valavachovela, "Khilisiti avele khulukyikha,' msiyo khuhelela khulunyikha ukhwe. Au, 'Mlolake, avele mnyumba mkati, msiyo kufuwa amacho ako. 27 Ngita iladi sheyimulikha ukhuhumila kuvuhumo nu angasa kuvuseemo, ndyo sheyayiva ukhuyicha khwa mswamu va Adamu. 28 Pepoha pekuvele umsoga, ukhwe ndyo amasinga pekilundanila. 29 Lakhini mala baada ya siki ngomi iyafikono fila, ilichuva lilasopwa ing'iisi, umwechi sikulahumya unwaanga kwa kweene, inoondwi chiladima ukhuma khushanya, nu ludali lwa kushanya lulahukunikha. 30 Nekhe ishaala ya mswamu va Adamu yilavonekha khushanya, na makabila kooha ka duniya wataomboleza. Valamvona umswamu va Adamu iyiicha mumafulukha ka khushanya khwa ludali nu vuvalache uvukhomi. 31 Alavaseng'a avamalayikha va mweene khwa savuti ngomi iya talumbeta navo valavalundania pamonga avachakulwa va mweene ukhuhuma pande chitayi cha duniya ukhuhuma mwisho kumonga kwa mbingu hadi u kuungi. 32 Mwifunyake ilisomo ukhuhumana nu mkhoongo u mtini. Mala tu ilitafya yalituta nu khuhumya amatuundu, mwimanya kwamba ikhiangasi khikalibyele. 33 Ewe pia peya mwivona amambo aka koaho, mwipaaswa ukhumanya kwamba akalibyele, kalibu ni milyaango. 34 Salwesi ndikhavachovela, ikhipelela ikhi sikhilaluta, hadi amaambo kooha aka yakivecha kahumyele. 35 Mbingu ni iinyi chilaluta, lakhini amacho kaangu kasiluluta kamwe. 36 Lakhini ukhuhusu ikhikono khila ni saa hakhuna muunu yaamanyile, hata vamalayikha va khushaanya wala umswamu, bali yu Baba mweene. 37 Ngita sheyaavele mu fikono fya Nuhu, ndyo sheyayiva ukhuyicha khwa mswamu va Adamu. 38 Khwa kuva ifikono fyenifyo kabula ya ghalika avaanu vaveele vilya nu khunywa, vikeka nu khukekwa hadi ikhikono khila ambasho u Nuhu aayingye musafina, 39 na sivaamanyili khinu sheshooha hadi ghalika peyayichile nu khusoomba vooha - ndyo sheyilaava ukhuyicha khwa mswamu va Adamu. 40 Ndyoo vaanu vavili valaava khulihala- yumonga aalatoolwa, na yumonga alalekhwa khumbele. 41 Vadala vavili valaava vihalula pamonga - yumonga aalatolwa, yumvinga alasikala. 42 Khwa hiyo, mvechake miiho khwa sababu simumanyili khikono gani ambasho ya iyiicha u Mutwa veenyo. 43 Lakhini mumanyake kwamba, siyava bwana munya nyumba asamanya nde saa yilikhu ambayo umuhichi iyiicha, aali itinacha siali akhaluhusu inyumba ya mwene ukhufamilwa. 44 Khwa hiyo, pia mwipaswa ukhuva tayali, khwa khuva umswamu va Adamu alaayicha kwa saa msiyoitalajia. 45 Yuyani ewe yaveele mwaminifu, umseng'wa yavele nu luhala, ambayo bwana va mwene ampelye amadalaka juu ya yevavele munyumba ya mweene, ili avapele ishakhulya khwa msikha u kwifaaya? 46 Abaalikhilo mtumishi uyo, ambaye bwana va mweene ya akhamkholela ikhita ewe umsikha kweiyiicha. 47 Salwesi ndikhavachovela kwamba bwana alamviikha khila khini ikhivele shamweene. 48 Lakhini ndee umtumwa umviivi ichova mu numbuta ya mweene, 'U Mutwa vangu acheliwe,' 49 nu khuvanga ukhuvatova avatumishi va mweene, nu khukala ifikaachi. 50 U Mtumwa uyo alaayicha ikhikono ambasho asikhatalajeli, ni saa ambayo asiyimanyili. 51 U Mutwa va mweene alamng'enya fipande fivili nu khumvikha mu nafasi yimonga sawa na vanafiki, ambako ya khwiva khiveembo nu khuhalula amiino.