1 Ndipo uvutwa wa khushanya vulawananichwa na vahinja lichumi yevatolile itaala chavo nu khuheka ukhuhelela khumuyanukhila u bwana halusi. 2 Vahaano miongoni mwavo vaavele vapumbafu na vaangi vahaano vaavele welevu. 3 Avahinja avapumbafu vaatolile itaala chaavo, sivaatolili amafuta kekooha. 4 Bali avahinja welevu vapindile ifyoombo ifinya mafuta pamonga ni taala chavene. 5 Lino umsikha u bwana halusi aacheliiwe ukhufikha, vooha vakhamulikhwe ni tulo nu khukonelela. 6 Lakhini umusikha kwa mkhilokati khwavele ni lyoove, 'Mloole, u bwana halusi! Muhume khwivala mkhamuyanukhile.' 7 Nekhe avo avahiinja vaalamwikhe vooha nu khupaamba itaala chaavo. 8 Avapumbafu vala vavaachovyele vaala welevu, mtupeele sehemu ya mafuta keenyo khwa sababu itaala chatuchi chima.' 9 Lakhini vala welevu vaavahikile nu khuvachovela, khwa khuva sikakhatutosa uweewe naanye, badala yakhe mhelelake khwa yevikucha mkhikulile khiasi khwajili yeenyo.' 10 Umsikha kwevaahele hukula, Bwana halusi aafikhe, na vooha yeevavele tayali vaahele nave khu shelehe ya halusi, nu mlyango kwa dindilwe. 11 Pembele vala avaangi pia vaafikhe nu khutikila, 'Bwana bwana utudindulile.' 12 Lakhini aahikile nu khuchova, 'Salwesi ndikhavachovela, uneene sindivamanyili.' 13 Kwa hiyo mlaangake, khwa khuva simumanyili ikhino au isaa. 14 Khwa khuva ni sawa nu muunu peaalondoka ukhwafili ukhubita khu inyi yiingi. Aavakhemeelye avaseeng'wa vamweene nu khuva khabisi uvutajili wa mweene. 15 Yumonga vavo aampelye talanta chihaano, uyungi aapeelye chivili, nu yuungi aampelye yimoonga. Khila yumonga aayanwikhe khiasi ukhulingana nu vuweeso wa mweene, nu muunu yula asafilyele. 16 Mapema yula yeayanwikhe italanta chihaano aahele khuchivikhilicha, nu khusaliisa talanta chingi chihaano. 17 Mewameewa yula yeayanwikhe talanta chiviili aasalisiche chingi chivili. 18 Lakhini amseng'wa yeayanwikhe italanta yimonga aaheele akimile umlindi pa mfumbi nu khufiha isilinge ya matwa va mweene. 19 Na baada ya msikha mtali, u mutwa va vaseeng'wa avo aakomwiike nu khuvuyapa amavalilo navo. 20 Yula umseeng'wa yeayanwikhe talanta chihaano aayichile nu khuleta talanta chiingi chihaano, akhachova, 'Mutwa, waamelye talanta chihaano. Lolake, ndipatile ifaida ya talanta chiingi chihaano.' 21 U Mutwa va mweene aamchovye, 'Usengwele, mseeng'wa mnofi na mwaminifu khwa fiinu fiduusu. Yandikhakhupeela amadalaka juu ya fiinu fiingi. Wingilake mu fulaha ya mtwa vaakho. 22 Umseeng'wa yeayanwikhe talanta chivili aayichile nu khuchova, 'Mtwa, wamelye talanta chivili. Lolake, ndipatile ifaida ya talanta chingi chivili,' 23 U Mutwa va mweene aamchovye, usengwele, mseeng'wa mnofu na mwaminifu! Uvele mwaminifu kwa fiinu fidebe ya ndikhakhupela amadalaka juu ya fiinu fyolofu. Wingilake mu fulaha ya mutwa vakho.' 24 Pembele umseeng'wa yeayanwikhe talanta yimonga aayichile nu kauchova, 'Mutwa, ndimanyi khuva uveeve uli muunu mkhali wiyava mahali ambapo usikhapandili, nu khuchudula mahali ambapo usikhakusyeli. 25 Uneene ndayokwipe, ndaheele nu khufiha italanta yaakho mu vudope. Ulolake, ulinayo apa yila yeyivele yaakho.' 26 Lakhini u mtwa va mweene aahikile nu kuchova, 'uveeve mseng'wa mviivi na mzembe, waamanyile kwamba ndiyava mahali ambapo sindapandili nu khuchudula mahali pesindikusyeli. 27 Kwa hiyo ulipaswa ukhuvapele isilinge yangu avaanu va bengi, nu msikha kwa khukomokha khwangu ndaali ndiyanukha iyaangu pamonga na faida. 28 Khwa hiyo mumunyake talanta iyo mumpele yula umseng'wa u munya talanta lichumi. 29 Khila muunu yalinasho alayongelechwa zaidi-hata khwa khukinilichwa neecho. Lakhini khwa yeyoha yasiveli ni khinu hata shavele nasho ya inyakwa. 30 Mumtaake khwivala khu ng'iisi uyo umseeng'wa yeasifaya, ambako khulaava ni khivembo nu khuhalula amino.' 31 Umsikha umswamu va Adamu aalava iyiicha muvu valache wa mweene, na vamalayikha vooha pamonga nu mweene, ndyo pealataama pashanya pa khideko sha mweene ishavuvalache. 32 Iinyi chooha chililundania mbele ya mweene, nave aalavatenganisa avaanu, ngita vile umlimaaji sheiva ipalula i ng'oolo ni meene. 33 Alaachivikha ing'oolo ilivokho lya mweene ilya khulya ndo, bali imene aalaviikha ilivokho lya khung'iki. 34 Kisha u mutwa alavachovela vala yevavele ilivokho lya mweene ilya khulyando, mwiche ye mbalikhilwe nu Baba vaangu, mvuliisi uvutwa uvutayalisichwe khwa jili yeenyo tangu ukhuvikhwa umsingi kwa ulimwengu. 35 Khwa khuva ndaveele ni njala mwamelye ishakhulya; Ndaveele mkeenji mwa ng'alibise; Ndaveele khibuna, mwavwikhile imyenda; 36 Ndaveele mutamu mwanunjiche; Ndaveele mukhifungo mwayichile.' 37 Ndyo avanya haki vamuhikile nu khumchovela, 'Mutwa, pandali twakhuwene uveele ni njala, nu khukhulisa? Au kwilaapa twakhupelye amakasi? 38 Na pandali twakhufwikhile imyeenda? 39 Ni ndali twakhuweene uveele mtamu, au mukhifungo, twakhuyichele? 40 Nu mtwa aavahikile nu khuvachovela, 'Salwesi ndikhavachovela, shemwatendile apa khwa monga va valoongo vaangu vadebe, mwaanendyele uneene.' 41 Nekhe aalavachovela avo yevavele ilivokho lya mweene ilya khung'iki, 'Omheke khwangu yemhotolilwe, mhelelake khumvoto kwa milele kwekuahilwe khwajili ya setani na va malayikha va mwene, 42 khwa sababu ndavele ni njala lakhini simwamelye ishakhulya. Ndavele ni kiu simwameli amakasi; 43 Ndavele mkeenji lakhini sinwang'alibisi; ndaavele khibuna lakhini simwamelyi amafwalo; ndaavele mtamu na ndavele mukhifungo, simwanunjichi.' 44 Ndipo wao pia vaalahika nu khuchova, 'Mutwa, pandali twakhuweene uvele ni njala, au kwilapa, au ulimkenji au uvele khibuna, au uvele mtamu, au uvele mfungwa, tutane ukhukhuhudumila? 45 Kisha aalahika nu khuchova, 'Salwesi ndikhavachovela, ambasho khila shesimwamtendyeli kwa yumonga va ava avademe, simwanendyeli uneene.' 46 Ava valahelela mu asabu ya milele bali avanya haki khu vuumi wa milele.''