1 Pembele aalongelye nu vumati wa vaanu na vanyasule va mwene. Akhatikila, 2 "Vandishi na Mafalisayo vitamila ikhideko sha Musa. 3 Khwa hiyo sheshooha shevakhavaamulu ukhufanya, mufanyake khuno mukhavachunguusa. Lakhini mtane ukhuyiikila amatendo kaavo, khwa sababu aaveene vitamukha amambo kesivifanya. 4 Salwesi, aveene vivopa imichiko michito ambayo yivele figumu ukhuyipinda, na kisha vakhavatwikha avaanu mumaveka kaavo. Lakhini aveene vasihekelecha hata khikhonji kuyipinda. 5 Amatendo kaavo kocha, vifanya ili valolwake na vaanu. Khwa sababu aveene vipanula amasandukha kaavo nu khuyoongelecha uvukhomi wa mapindo ka mafasi kaveene. 6 Aveene vipendelela ukhutaama amaeneyo ka khifahali khu shelehe nu mufideko fya heshima mukati mu masinagogi, 7 nu khuhungilwa khwa heshima mumaeneo ka soko, nu khukhemelwa ''Valimu'' na vananu. 8 Lakhini unyeenye simwipaswa ukhukhemelwa '''Uaalimu,'' Khwa khuva mlineve mwalimu yumonga, nu nyeenye nye vooha mli valoongo. 9 Siyo khumukhemela munu yeyoha pene duniya apa khwa baba veenyo, khwa khuva mvele nu dadi yenyo yumonga swee, nu mwene avele khushanya. 10 Wala mtane khukhemelwa 'vaalimu,' khwa khuva mlinave mwalimu yumonga swee, yaani u Khlisiti. 11 Bali yavele mukhomi miongoni mweenyo alaava mtumishi veenyo. 12 Yeyondi yeakhiyinula alayiiswa. Na yeyondi yakhiyiisa yaiyinuliwa. 13 Lakhini ole weenyo vaandishi na Mafalisayo, vanafiki! Mkhavafungila avaanu uvutwa wa khushanya. Na yuuye simwiwesa ukhuyingila, na simukhavaluhusu yeviyingila ukhu khita ewe. 14 Ole weenyo vandishi na Mafalisayo vanafiki khwa khuva mukhamila avajane. 15 Ole weenyo vaandishi na Mafalisayo,vanafiki! mwihakama mu nyanja khumwambo nu khufikha khumukhita munu yumonga afuwake kala kemwifundisa, na peivangita yuunye, mukhamukhita mala khavili mwana va jehanamu ngi shemuvele unyeenye. 16 Ole weenyo fiongosi vabofu,yeyondi yeilapa khwa hekalu, si khinu. Lakhini yeilapa khwa sahabu ya hekalu, afungilwe ni kilapo shamweene. 17 Unye fipofu vapumbafu, khilikhu khikomi khulikho ikhiingi, isaahabu au hekalu ambalyo livikhilo wakfu saahabu khwa Nguluvi? 18 Na, yeyoha yeilapa khwa masabahu, sikhinu. Bali yeilapa khwa vuseembe uvuvele khushanya khwa mwene, afungilwe ni khilapo sha mwene. 19 Unye vaanu vabofu, khilikhu khikhomi khulikho ikhingi, uvuseembe au masabahu ambako kivikha wakfu uvuseembe wewitolewa khwa Nguluvi? 20 Khwa hiyo, umwene yeilapa khumasabahu ilapa nu khwa fiinu fyoaha fyefivele pashanya pakhe. 21 Naye ilapa khu hekalu, ilapa khwa ilyo na khwa mweene yeitaama mukati mwakhe. 22 Na yeilapa khwa mbingu, ilapa khu khideko sha enji ya Nguluvi nu khwa mwene yeitaama pashanya pakhe. 23 Ole weenyo, vaandishi na Mafalisayo, vanafiki! Khwa khuva mwihomba isaka khwa binjali, mnaanaa nu mchicha, lakhini mkhakalekha amambo machito ka sheliya- salwesi, lukano, nu lufuuvo. Lakhini akadeni mwipaswa ukhuva mukafanyile, na siyo khukalekha akaangi bila khukatekelesa. 24 Unye valongochi vabofu, unyeenye mwihucha mdudu mdebe lakhini mwimila ingamia! 25 Ole weenyo, vandisi na Mafalisayo, vanafiki! Khwa khuva mwikhalafya mufikhombe mwivala nu mwivala mu sahani, lakhini mukati pamemile isuluma nu khwa bila khiasi. 26 Unye Mafalisayo vabofu, mkhalafyake kwanja mufikhombe mukati nu musahani mukati, nekhe nuvupande wa khwivala nave vuveechake vunofi. 27 Ole weenyo, vaandisi na Mafalisayo, vanafiki! Khwa khuva mwiwanana na makabuli kekabakhile ingeesi ambayo khwa khwivala kivonekha manofi, lakhini khwa mukati ka memile amacheke ka vaafu na khila khinu shekhivele khichafu. 28 Mewa mewa, na yunye khwa khwivala mwivonekana muvele ni haki mbele cha vaanu, lakhini khwa mukati mumemile uvunafiki nu vusalimu. 29 Ole weenyo, vaandisi na Mafalisayo, vanafiki! Khwa khuva mwichenga amakabuli ka vavilisi nu khukapamba amakabuli akavanya haki. 30 Unyeenye mwichova, kama sitwaishi ifikono fya va baba veetu, sitwali twishiliki pamonga na veene ukuduuda idaanda cha vavilisi. 31 Khwa hiyo wajishuhudia yuunye kwamba unyeenye mlivana va avo yevavavulike avavilisi. 32 Pia unyenye mwikamilisa ukhumemia isehemu yeyikhastahili isaambi ya baba veenyo. 33 Unye mayokha, vaana va fipilibao, khwa namna nyikhi ya mwiyepa ihukhumu ya jehanamu? 34 Khwa hiyo, lolake, ndikhavaseng'a khwenyo avavilisi, avaanu vanya hekima, na vandisi. Baasi yavo ya vakhavavulaka nu khuvasulibisa. Ni baasi yaavo ya vakhavatova mkati Msinagogi yeenyo nu khuvadaka ukhuhuma ikhivuta khimonga hadi khingi. 35 Amatokeo kaakhe juu yeenyo ya pihumila idanda chooha cha vanya haki chechiduudile pa duniyani, ukhuvangila idanda ya Habili umunya haki hadi khwa daanda ya Sakaliya umswamu va Balakia, yemwamuvulike kati ya pavuvalache na masabahu. 36 Salwesi, ndikhavachovela, amambo aka kooha ya kakhakhipata ikhipelela ikhi. 37 Yelusalemu, Yelusalemu, uveeve yukhavavulaka avavilisi nu khuvatova na makaanga vala ambavo viseng'wa khwakho! mala khalingi ndivalundaniche avana vakho pamonga ngita ing'ikhu shechilundania ifyana ng'ukhu fyakhe panyi pa mapabatilo ka nyeene, lakhini siwiyidikha! 38 Ulolake, inyumba yakho yisike vu khiva. 39 Uneene ndikhakhuchovela, ukhuvangila lino nu khuyendelela siyaukhambona, hadi payawitikila, 'Abalikhiwe umwene yeiyicha khwa litawa lya Mutwa.'''