1 U Yesu aachovile navo khangi mifano, aatike, 2 "Uvutwa wa khushanya vuwanine nu mutwa yeaandahile ishelehe ya halusi ya mwana va mweene. 3 Avaseeng'ile watumishi wa mweene khuvakalibisa yevaveele vaalikhilwe ukhuyicha khu shelehe ya halusi, lakhini sivaafikhi. 4 U Mutwa avaseeng'ile watumishi vaangi, akhatikila. ''Mvachovelake vooha yevakhaalikhilwe, Mlangake, ndiandahile ishakhulya. Fahali ni ndama changu chinonile chihiyilwe, na mambo kooha kavele tayali, mwichake khu shelehe ya halusi.'' 5 Lakhini avaanu avo sivasingatieli khwa dhati mwaliko kwa mwene. Baasi vaahele mu mahala kaavo, na vangi vakomwikhe mu sehemu chavo icha byasala. 6 Avangi waliwainukia avaseng'wa va Mutwa nu khuvadhalilisha nu khuvavulaka. 7 Lakhini umutu aadadile. Aaseng'ile jeshi lya mwene avavulike vala avavulakaji nu khuteketesa ikhivuta shavyo khwa mwoto. 8 Kisha aavachovye avatumishi va mwene, "Ihalusi yivele tayali, lakhini yevakhaalikhilwe hawakustahili. 9 Khwa hiyo mhelelake khunjila malekhano ingomi, muva alikhake avaanu volofu kadili sheyiwesekhana vayichake khu shelehe ya halusi.'' 10 Vatumishi vahele mu njila ingomi nu khuvakhalibisa avaanu vevooha yevavawene, aveema na vabaya. Hivyo uvukumbi wa halusi wamemile avakeenji. 11 Lakhini u Mutwa aliayingye khuvalola avakenji, aamuweene umuunu yumonga amoaye siafwalili lifwalo lasimi lya halusi! 12 UMutwa aamuvuchiche, 'Lafiki, upatile vuli ukhufikha mukati umu bila lifwalo lya halusi?' Nu muunu uyo siahikili sheshondi. 13 Ndyo umutwa peavachovye avatumishi va mwene, "Mumukhange umuunu uyu amavokho na makulu mumu lahile khwivala khu ng'isi, ukhwe ndyo khweya khwiva ikhiveembo nu khuhalula amiino. 14 Khwa khuva volofu vikhemelwa, lakhini vaehakulwa vavele vadebe.'' 15 Nekhe ava Mafalisayo vaahekile nu khupanga jinsi ya khumkhamula u Yeesu kwa macho ka meene. 16 Ndyo vavaseng'ile avanyasule vaavo pamonga na Vahelode. Na vaamchovye u Yeesu, "mwalimu, tumanyile uveve uli muunu va salwesi na kwamba wifundusa matakwa ka Nguluvi kwa salwesi. Na siwijali amaoni ka muunu yungi na siwivonesa uvupendelelo khwa vaanu. 17 Khwa hiyo utuchovele, wahocha khini? Je, yivele sahihi ukhuhomba ikodi khwa Kaisali au nengi ng'olo?'' 18 UYesu aamanyile avuviivi wavo akhachova, '''Shekhikhi mukhanjalibu, unye vanafiki? 19 Mundaase isilinge yeyitumikha ukhulipa ikodi.'' Nekhe vamletelake idinali. 20 UYeesu aavavuchiche, ''Isula ni litawa ili fivele fya yaani?" 21 Vaamuhikile, "Fya Kayisali.'' Nekhe u Yesu akhavachovelake, "Mumpelake u Kayisali ifinu fye fivele fya mwene u Khayisali ni fya Nguluvi mumpelake u Nguluvi.'' 22 Vaali vapulikhe ewe vakanisiche. Vamlekhile aveve nukhuhelelaka. 23 Ifikono ifyo baasi ya Masadukayo vaayichile khwa Yeesu, vala yevitikila khunganya vufufulo wa vaafu. Vaamvuchiche, 24 Vaatike, "Mwalimu, u Musa aatikele ndee umuunu afwele bila khubaba mwana, umlongove amhalaake umdala uyo nu khumpela umwana khwajili ya valoongove. 25 Vavele ekhwe avaloongo mnana saba. Uva kwanja aakekile halafu aafwele bila khubaaba avaana. Amleshe umdala kwa mloongove. 26 Hangi na yumlongeve uvakhavia akhitile mewa, hangi na yuva khadatu, yikhava deeni hadi khwa yula uva mnana. 27 Baada ya khukhita ewe vooha na yumwene umdala yula aafwele. 28 Lino mu vufufukho umdala uyo yaiva mdala va yaani Khwa valoongo ava mnana? khwa sababu vooha vamkekile.'' 29 Lakhini u Yeesu aavahikile nu khuvachovela, "Mwikhosela, khwa sababu simumanyili amandikho wala uludali lwa Nguluvi. 30 Khwa khuva mu vufufukho, avaanu sivikeka wala sivikekwa. Badala yakhe avaanu viva ngita va malayikha ukhwe khushanya. 31 Lakhini ukhuhusu uvufufukho wa vaafu, simvawahili ukhusoma khila ambasho u Nguluvi aakhichovile khwenyo, akhatikila. 32 Unene ndivele Nguluvi va Ibulahimu, nu Nguluvi va Isaki, nu Nguluvi va Yakobo? Nguluvi sindili Nguluvi va vaafu, balindili Nguluvi va vuumi. 33 umsikha kusanyiko valivapulikhe iili, vaakanisiche amafundiso ka mwene. 34 Lakhini Mafalisayo vaali vapulikhe ukhuva u Yeesu avachisiche ava Masadukayo, vilundaniche vaveene pamonga. 35 Yumonga vaavo, aavele mwana sheliya, aamuvuchiche iliswali kwa khumkela. 36 "Mwali,u, amuli yilikhu iyivele ngomi khulikho chooha mu sheeliya?" 37 U Yeesu aahikile, ''Lasima umkhelake u Mutwa kwa mwoyo khwoha, khwa numbula yakho yooha, na khwa luhala lwakho lwooha. 38 Iyi ndyo amuli yeyivele ngomi na ya khwanja. 39 Niya khavili yikwanana na iyo-Lasima ukhumkhela ujilani vakho ngita she ukhikheela yuuve. 40 Isheliya choha na vavilisivitekemela iamuli ichi chivili.'' 41 Na Mafalisayo vaali vavele bado vilundaniche pamonga, u Yeesu aavavuchiche iliswali. 42 Aatike, "Je! mwihoocha khini juu ya khilisiti? umweene avele mswamu va yaani?" Navavene vamuhikile, "Mswamu va Daudi.'' 43 U Yeesu aavahikile, "Ni khwa namuna yilikhu u Daudi khi Mbepo akhaukhemela Mutwa, itikila, 44 'U Mutwa aamchove Mutwa vangu, "Utaame khu livokho lyangu lya khulyaando, hadi peyandikhavakhita avaadui vaakho vaviikho paanyi pa makulu kaakho.'''?'' 45 Ndee u Daudi akhamkhemela u Khilisiti "Mutwa,'' jinsi yilikhu yaiva mwana va mweene?" 46 Hakhuna yeawesiche ukhumuhika ilicho khangi, na hakhuna aliyethubutu khangi ukhumuvucha amaswali neaho tangu ikhikono isho nu khuyendelela.