1 U Yeesu na vanyasule va mwene vafikhe kalibu ni Yelusalemu nu khuhelela mbakha khu Betifage, khuki dunda ikhiseituni, nekhe uYeesu avaseng'e avanyasule vavili, 2 akhavachovela, "Mbitake mbakha ikhijiji shekhifwatila, na mala khamonga mukhayivona ipunda yikhungilwe pala, ni shanapunda pamonga nayo. mhudulake nukhuleta khwangu. 3 Uvone munu yeyoha akhavavucha sheshoha ukhuhusu ilyo, mwichova, `Mutwa akhayihitaji, ` nu munu uyo mala khamonga akhavaluhusu mwichake pamonga nave'' 4 Imola iyi yahumie lyali lila lyelyachovilwe ukhulutila khwa muvilisi lasima litimiswe. Avachovie, 5 Muvachovele avali Sayuni, lolake, umutwa vakho iyicha khwenyo, munyenyekefu na vele ahovile ipunda nu mwana punda mkosi, mwana punda mukeke. 6 Nekhe avanyasule vahekile nu khufanya kama uYeesu sheavalakiche. 7 Vayiletile ipunda ni shana punda nukhuvikha imienda yavo pashanya yanyene, nu Yeesu atamie pala. 8 Volofi katika mukhusanyikho vachalikhe imienda yavo munjila, na vangi vadumwe amafafya ukhuhuma mumabihi ukhuchalikha munjila. 9 Uvumati wamulongolye uYeesu na vala yevamfwatile vayovile khwa savuti, vakhachova,"Hosana khwa mwana va Davudi! Mukinikhwa yeiyicha khwalitawa lya Mutwa. Hosana khushanya saidi!" 10 U Yeesu ali afikhe khu Yelusalemu, khivuta khisima shakhenyamwikhe nu khuchova, "Uyu yuya? 11 "Uvumati wahikile, "Uyu yu Yeesu Muvilisi, ukhuhuma khu Nasaleti ya khu Galilaya." 12 Nekhe uYeesu ayinje mu hekalu lya Ngulubhi. avadakile voha khwivala yevavele vikula nu khukucha muhekalu. Halafu akalawe imesa cha vabadilisaji va hela ni fideko fya vakucha njiva. 13 Avachovie, "Yiyandikhilwe, `'Inyumba ya yikhemelwa nyumba ya manyilikhilo, `lakhini unyenye mufanyile manga ya vanyakaji." 14 Nekhe avabofu na valemafu vamuyiche khuhekalu, numwene avaponiche. 15 Lakhini umusikha avakhomi va makuhani na vaandishi pavawene ivilole fyeatendile, na pevapulikhe avana viyovailyove muhekalu nu khuchova, "Hosana khwa Mwana va Davudi," vakhamulilwe ni likoka. 16 Vamuchovie, "Upulikhe khila shekhichowa na vanu ava?" U Yeesu avachovie, "Ee! Lakhini sinamukela ukhusoma ukhuhuma mumilomo ya vana na vana avakekhe aviyong'a muna lu lumbo kamili?" 17 Nekhe uYeesu avalekhile nu kubita khwivala mu miji kwa Besaniya nu khukona ukhwe. 18 Palukhela ali ikomokha khu mujini, avele ni njala. 19 Awene umukhongo mulukilikili lwa balabala. Ukuhelelye. lakhini siapatili khinu mushanya yakhe ila amatundu. Akuchovie, "Khutanakhuva na matunda khwakho daima khangi." Mala yiyo ilibihi lya nialile. 20 Avanyasule valiwene, ewe vakanisiche nukhuchova, "Yivelevuli umubihi kunialile?" 21 U Yeesu avahikile nukhuvachovela, "Salwesi ndikhavachovela, kama muve nulufuuvo bila wasiwasi, siyamwifanya khwa mubihi tu, lakhini hata ikhidunda, ` khitolwe nu khutakwa khunyanja, `na kifanyikha. 22 Sheshoha sheyamwinyilikha khwa khusali, khuno mwifuwa mwiyanukha." 23 U Yesu peafikhe khu hekalu, avakhomi va vakuhani na vaseehe va vanu vamuyiche umusikha peavele ivulicha nu khumuvucha, "Khwa mamlaka kaya wifanya mambo aka? Na yuya yakhupelye amalaka aka?" 24 U Yeesu avahikile nu khuvachovela, "Nayune khangi ndikhavavucha liswali limonga. kama mkhanjovella nayune newe ndikhavachovela khwa mamulaka kaya ndifanya amacho aka. 25 Uluchabikho lwa Yohani- lwahumile khwii, khushanya au khwa vanu?" Vivuchiche vavene, vakhachova, vonetuchove, wahumile khushanya, `akhatuchovela, mbona simwamufuviilwi? ` 26 Lakhini vonetuchove, `wahumile khwa vanu, `tukhavayokopa umukhutano, khwa khu voha vakhamuvona u Yohani kama muvilisi." 27 Nekhe vamuhikile uYeesu nu khuchova, "Situmanyi" Avachovie, "Wala nayune sindikhava ehovela khwa mamulaka kaya ndifanya amambo aka. 28 Lakhini mwiwasa khi? Umunu umunya vana vavili. Ahele khwa monga nukhumuchovela, `Mwanavangu, ubitake ukhafanye ikhasi khuli hala lya misabibu 29 ilelo. `Umwana ahikile nukhuchova, `sindibita, 'Lakhini pembeele abadilise amawaso kamwene nukhuhelela. 30 Nu munu yula ahele khwa mwana uva kha vili nu khuchova khinu khikhila. Umwana uyu ahikile nukhuchova, `ndihelela, mutwa', lakhini siaheli. 31 Yuya kati ya vana vavili yeafanyile sheilonda ubaba vamwene? Vakhachova, "Uva khwanja." uYeesu avachovie, "Salwesi ndikhavachovela, avakhusanya vushulu na vamalaya viyingila mu vutwa wa Nguluvi kabula yenyo ukhuyingila. 32 Khwa khuva uYohani ayichile khwenyo khwanjila yeyinyokhile, lakhini simwamufuviilwi, lakhini avakhusanya vushulu na vamalaya vamufuviilwe. Na yunye, pemwawene ilyo litendekha, simwawesiche ukhuhongecha ili pembele mufuuwe. 33 Mupulikhaniake umufananiso ukungi. Khwavele nu munu, munu munya lieneo likomi lya alisi. Apandile imisabibu, avishe uluviko, atengenise ishombo sha khuhuchila idifayi, achengile nu munala kwa mulindaji, nu khulikodisa khwa vatunja sabibu. Nekhe ahelel khu inyi yingi. 34 Umusikha kwa khufuna isabibu pekwasikalye, avaseng'ile baasi ya vatumisi khwa valimaji va misabibu khutola isabibu yamwene. 35 Lakhini va avalimaji va sabibu vavatolile avatumisi vamwene, vamutovile yimonga, vamuvulike uyungi, nukhumutova monga khwa makanga. 36 Khwa mala yingi, Umumiliki avaseng'ile avatumisi vangi, volofi saidi ya vala ava khwanja, lakhini avakulima va misabibu vavakhitie newe. 37 Baada ya apo umutwa yula amuseng'ile khwavo umwana va mwene, akhachova, `'Vakhamuheshimu umwanangu.'` 38 Lakhini avalimaji va misabibu vali vamuwene ukhijana yula, vachovine, `'Uyu ndioo mulisi, Mwichake, tumuvulake nu tumiliki uvulisi.' 39 Ndioo vamutolile, vamutakile khwi vala ya lihala lya misabibu nu khumuvulaka. 40 Jee umumiliki va lihala lya misabibu yaiyicha akhava khita vuli avalimaji va misabibu?" 41 Vamuchovie, "Akhavayananga avanu avo avavivi khwanjila ya vukhali saidi, nu khukodisa ilihala lya misabibu khwa vakulima vangi va misabibu, avanu ambavo ya vihomba khwa jili ya sababu ya chifundile." 42 U Yeesu avachovie, "Simwasomili mu maandikhe, 'Ilikanga lye valibelile avafundi livele likanga likuu lya lutu. Ili lya humile khwa Mutwa, na likaniswa pa miho ketu?' 43 Ewe ndikhava chovela, Uvutwa wa Nguluvi witolwa ukhuhuma khwenyo nu khupewe ilitayifa lyelijali amatunda kakhe. 44 Yeyoha yeyaibina pashanya palikanga ilyo idenyekha fipandefipande. Lakhini khwa yeyoha yeyalikhamubinila, likhamuhalula." 45 Avakhomi va vakuhani na vafalisayo pevapulikhe imifananiso ya mwene, vakhavona ichovelelela khwavo. 46 Lakhini khila ya vilonda ukhukolosa amavokho pashanya pamwene, vayo khwipe umukhutano, khwa khuva avanu valolaka kama muvilisi.