Sura ya 20

1 Khwa khuva uvutwa wa khushanya wiwana nu mumiliki va lihala, yealamwikhe palukhela sana ili akongole avafanyakhasi vali hala lya mwene lya misabibu. 2 Baada ya khuva vayidingine na vafanyakhasi dinali yimonga khwa munyi, avaseng'ile ukhubita khulihala lya mwene lya misabibu. 3 Ahele khangi baada ya masaa kadatu dee nukhumuvavana avafanyakhasi vangi vavele vayimile bila khasi pa lieneyo lya soko. 4 Avachovie, 'Nayunye pia mubitake khulihala lya misabibu, na sheshoha shekhivele halali ndikhavapela.' Ewe vahele khufanya ikhasi . 5 Ahele khangi baada ya masa mutaanda na khangi mu masaa ka fundikhamuhana napo afanyile newe. 6 Imala yingi khangi munamo saa ya lichumi ni yimonga ahele nu khuvavona vanu vangi vayimile bila khasi. Avachovie shekhi muyimile apa bila khasi khikono khisima? 7 Vamuchovie, khwasababu hakuna munu va khutukongola. Avachovie unyenye nayunye mubitake khulihala lya misabibu.' 8 Umusikha kwa pamihe, pekwafishe umunyalihala lya misabibu amuchovie umwimili ehi va mwene, 'Uvakhemele avafanyakhasi nu khuvahomba umushahala, khwa khuvanga uvangu nu va mwiso mbakha uva khwanja. 9 Vali vayichile vala yeva kongolilwe saa ya lichumi ni limonga khila yumonga vavo ayanwikhe dinali. 10 Pevayichile avafanyakhasi avakhwanja vawasiche ukhutikila viyanukha saidi, lakhini vayanwikhe navo khila yumonga dinali yimonga khila munu. 11 Baada ya khuyanukha amahombo kavo, vamlalamishe umumiliki va lihala. 12 Vakhachova, 'Avafanyakhasi avamwisho vatumie lisaa limonga tu ukhufanya ikhasi lakhini uva ling'anise nawe, uwewe tupindile umuchiko khwa khikono khisima nu khupya na mafukhe.' 13 Lakhini umunyalihala akhahika nu khuchova khwa yumonga vavo, 'Lafiki, sinditendili licho libaya. Lakhini situkhayiding'ini nani khwa dinali yimonga? 14 Uyanukhake khila shekhivele shakho nauhelelake luvele lukhelo lwangu ukhuvapela ava avafanyakhasi yevaajiliwe pa mwisho sawa nave. 15 Je! Siyiveli haki khwangu ukhufanya khila shendilonda ni mali changu? Au iliho lyakho livivi khwa khuva unene ndivele munofi? 16 Khwa ewe uvakhwanja ivava mwisho nu vamwisho iva vakhwanja" 17 U Yeesu peali iyinukha ukhuhelela khu Yelusalemu avatolile avanyasule vamwene lichumi na vavili pamweya, ni njila akhavachovela, 18 "Lolake twihelela khu Yelusalemu, nu Mwana va Adamu isopwa mumavokho ka vakhomi va makuhani na vayandikhaji. ya Vakhamuhukhumu ukhufwa 19 na vakhamuhumia khwa vanu va matayifa ili ukhumuseda, ukhumutova nu khumupumusa. Lakhini ikhikono ishakhadatu ichulubukha." 20 Nekhe umama va vaana va Sebedayo ayichile khwa Yeesu na vana vamwene. Afumike amafukamilo pavulongolo pamweene nu khumunyilikha khinu ukhuhuma khwa mwene. 21 U Yeesu amuchovie, "Wilonda khini?" Amuchovie, "Uamulu ukhuva ava vanangu vavili vatame, yumonga ilivokho lyakho lya khulyando nu monga ilivokho lya khung'iki mu vutwa wakho." 22 Lakhini uYeesu ahikile nu khuchova, "Simanyili khila shewinyilikha. Je! wiwesa ukhukhinywela ikhikhombe ambassho sheyandinywela?" vamuchovie, "Twiwesa." 23 Avachovie, "Ikhikhombe shangu hakika mwinywela. Lakhini ukhutama mlivokho lyangu lya khulyando ni livokho lyangu lya khung'iki siyo khasi yangu ukhuvapela, lakhini khwa vala ambavo yenevaandahiliwe nu Baba vangu." 24 Avanyasule vangi lichumi vali vapulikhe ewe, vahusunikhe sana na vala ava longo vavili. 25 Lakhini uYeesu avakhemelye yumwene nu khuvachovela, "Mumanyile ukhutia avatawala va matayifa viyinaticha, na vakomi vavo vitekelesa amamlaka kavo. 26 Lakhini yitane ukhuva ewe khwenyo. Badala yakhe, yeyoha yeilonda ukhuva mkhomi mumiongoni mwenyo lasima ave mutumishi venyo. 27 Na yeilonda ukhuva va khwanja mumiongoni mwenyo lasima ave mutimishi venyo. 28 Kama uMwana va Adamu siayihili khutumikhilwa ila khutumikha nu khutola uwumi wamwene ukhuva vukhombochi khwa volofi." 29 Umusikha vihuma khu Yeliko, uvumati vukomi wa vafwatile. 30 Na vavawene avabofi vavili vatamie mulukilikili lwa balabala. Valivapulikhe khuva uYeesu iluta vayovile khwa savuti nu khuchova, ''Mutwa, Mwana va Davudi, utuvonele lusungu." 31 Lakhini uvumati wavakhenye, nu khuvachovela muchikhake. Hata ewe, avene vayovile khwa savuti saidi nu khuchova, "Mutwa, Mwana va Davudi, utuvonele lusungu." 32 Nekhe uYeesu akhayima nu khuva khemela nukhuvavucha, "Mwilonda ndivafanyile khini?" 33 Vamuchovie, "Mutwa amiho ketu kaubukhulwe." 34 Basi uYeesu, akhava akhwekilwe nu lusungu, akhavata amiho kavo malayiyo, vakhayanukha uvuweso wa khulola vakhamfwatake.