1 umusikha uYeesu peamalile amacho ako akhaheka khu Galilaya, nu khuhelela khumipakha ya khu Yudeya khuvulongo ya lukasi ulu Yolodani. 2 vukhumi wamufwatile na vakhaponechwa ukhwe. 3 Avafalisayo vamhikile, vakhamusede, vamucho, '''Je yivele halaliumunu ukhumulekha umudala khwa sababu yeyoha?'' 4 U Yeesu akhahika nu khuchova, "Simwasomili, umwene ye avavumbile pakhwanja avavumbile umukosi nu mudala? 5 Na khangiakhachova, 'Khwa sababu iyo umukosi akhamulekha ubaba va mwene nu mama va mwenenukhuvungana nu mudala va mwene, navene vavili viva muvili kumwinga?' 6 Ewe siyo vavili khangi, bali muvili kumonga. Basi, khila shekhivunganiswe nu Nguluvi, umunu yeyoha atane ukhukavania.'' 7 Vamuchovie, "Lino shekhini u Musa alituamulu ukhutola ihatia ya khulekhana nukhumulekha?" 8 Akhavachovelake, "Khwa vunonono wenyo wa numbula uMusa avapelye uluhusaukhuvalekha avada venyo, lakhini tangu pakhwanja siyaliewe. 9 Ndavachovie, yeyohayakhamulekha umudala va mwene pakhuva khwa sababu ya vumalaya, nu khukeka yungi, isininave. Nu mukosi yakhamukekeka umudala ya lekhilwe isini.'' 10 Avanyasule vamuchovie uYeesu, "Kama ewe ndio sheyivele khwa mukosi nu mudala va mwene, silunofi ukhukeka.'' 11 uYeesu avachovie, '''Siyo khila munu iwesa ukhuyanu khila amavulicho aka, bali khwavala tu yevaluhusiwe ukhuyanukhila. 12 Khuva vavelepo avatowashi yevaholikhweukhuhuma mumaleme kava mama vavo. Na newe khuna vatowashi yevafanyilwe na vanu. Na khuna vatowasheshi yevifanyile vatowashi khwajili ya vutwa wa khushanya. Yeiwesaukhuyanukha amavulicho aka na akayanukhake.'' 13 Nekhe vamuletiele baasi ya vana avadebe ili avavikhile amavokho pashanya pavo nu khunyilikha, lakhini avanyasule va mwene vava khenye. 14 Bali u Yeesu akhachova, "Muvaluhusu avana avadebe wala mutane ukhuvabecha ukhuyicha khwangu, khwa khuva u vutwa wa khushanya wa wavanu kama vene. 15 Nu mwene akhavikha amavokho kamwene pashanya pavo, na khangi akhaheka pala. 16 Lolake munu yumonga akhayicha khwa Yeesu nukhuchova, "Mwalimu, khinu khini ikhinofishendilondekhwa ukhuanya ilindipate ukhuva nu wumi wa milele?" 17 UYeesu amuchovie, "Shekhini ukhambucha khinu khiiikhinofi? Khuna yumonga tu yavele mwema, lakhini ndewilonda ukhupata uwumi ukhamulakeisheliya cha Nguluvi.'' 18 Umunu yula akhamuvuchake, "Sheliya chi khwii?" UYeesu akhachova, "Utane, ukhuvulaka, utane u khuhicha, utane ukhuchova uvudesi, 19 ubaba vakhonu mama vakho, na umukhelake ujilani vakho kama numbula yakho.' 20 Umunu yula amuchovie, "Amambo koha ako ndikayinatie. Bado ndilondekhwa khi? " 21 Yeesu amuchovie, ''Kama wilonda ukhuva mukamilifu, ubitake ukha kuche fye ulinafyo nukhuvapela avamasikhini, wiva ni hasina khushanya. Halafu wichake ufwate.'' 22 Lakhini ukhijana yula peapulikhe kala uYeesu keamuchovie akha heka khwa lusungu, khwa sababu avele imiliki ilipwela lyolofi. 23 UYeesu avachovie avanyasule va mwene, "Salwesi ndikhavachovela, finonono khwa tajili ukhuyingila muvutwa wa khushanya. 24 Khangi nikhavachovela, lahisi ingamiya ukhuluta pa kilanga sha singano, khulikho khwa munu tajili ukhuyingila mu vutwa wa Nguluvi.'' 25 Avanyasule pevapulikhe ako,vakanisiche sana nu khuchova, ''Yuya basi yeya ikhombokha?" 26 UYeesu avalolile nu khuchova, "Khwa vanadamu ilyo siliwesekhana, lakhini khwa Nguluvi kohakiwesekhana.'' 27 Nekhe uPetulo amuhikile nu khumuchovela, "Lolake, tukalekhile koha nu khukhufwata uveve. khinukhi sheyatwipata?" 28 UYeesu avachovie, "Salwesi ndikhavachovela, umwene yeafwatile unene, mulubabo ulupya umusikha umwana va Adamu peya itama pakhideko sha enzi sha vuvalache wamwene, nayunye mwitama pashanya pa fideko lichumi nifivili fya enzi, khuvahukhumuamakabila lichumi na kavili ka Isilaheli. 29 Khila yumonga venyo yeayilekhile inyumba, kaka, mulumbu, baba, mama, vana, au lihala khwajili ya litawa lyangu, iyanu mala mia nu khuvulisi uwumi wa milele. 30 Volofi yevavele va mwisho, na yevavele va mwisho ya viva va khwanja