Mathayo 18

1 Kukwe kukwe avanyasule vakhayicha khwa Yeesu nu khumuchovela, "Yuyani yavelemukomi mu vutwa wa khushanya?'' 2 amukhemelye umwana umudebe, amuvikhilekatikati yavo, 3 khuchova, "Salwesi ndikhavachovela, musipo khuhongecha nu khuva kama mwana mudebe siyamwiwesa ukhuyingila mu vutwa wa Nguluvi. 4 ewe yeyohe yeikhiyisa kama mwana mudebe, umunu kama uyo avele mukuu mu vutwa wa Nguluvi. 5 yeyohayeakhamwanukhila umwana umudebe khwa litawa lyangu akhanjanukhila unene. 6 yeisababisa mumonga kati ya vadebe ava yevakhanifuwa, ukhuasi yiva lunofi khwa munuuyo ilikanga likuu lya khuhalulila likhungwe musingo mwa mwene, nu khudwivicha pakhina sha nyanja. 7 khwa inyi khwasababu ya musikha kwa khukwaswa! khwa khuva lasima khwamusikha ukwe ukhwicha, lakhini ole wamwene umunu yula umusikha kwiyicha khwajili ya mwene! 8 ilivokho lyakho au ilikulu lyakho likhusababise ukwase, udumulake nu kutakapatali nave. Lunofi saidi khwakho uveve ukhuyingila khuwumi uvele bila livokho au khilema, khulikho ukhutakwa mu mwoto kwa milele uvele na mavokho koha au makulu koha. 9 Kama iliho lyakho likhu kwasiche, ukholovolake nu khulitaka patali nave. Lunofi saidi khwakho uyingile khuwumi ni liho limonga, khulikho ukhutakwa khu mwoto kwa milele uvele na miho koha. 10 Mulolake kwamba musunge mukha musala yumonga va debe ava. Khwakhuva ndikhavachovela ukhuva khushanya khuna malayikha avene fikono fyoha vilola isula ya baba vangu yavele khushanya. 11 Maneno yanayoonekana kama ya msitari wa 11, "Khwa khuva umwana va Adamu ayichile khuhosa khila shekhiyakile). 12 Mwiwasa khii? Ndee umunu avele ni ng'oolo mia moja na yimonga ya nyene yikhayaka je siikhachilekha chila tisini na tisa khukhidunda nukhuhelela khulonda iyimonga yeyiyakile? 13 Na halafu akhyivona kweli ndikavachovela ikhela khulikho chila tisini na tisa chisichiyakili. 14 Khwa ewe siyo mapenzi ka Baba venyo uva khushanya ukhuva mumonga vavadebe ava ayangamile. 15 Kama umulongo vakho akhukhosiele, ubitake ukhamulase idosali yeyivelepo kati yakho nu mwene pavele mwene. Kama akhupulikhinie, wivecha umukomwise umulongovakho. 16 Lakhini kama sakhupulikhinie, umutolake umulongovo yumonga au vavili saidi pamonga nave, Khwa khuva milomo ya vashahidi vavavili au vadatu khila licho liwesa ukhuhakikiswa. 17 Na kama apusiche ukhupulikhania, ulichovelake ilikanisa ilicho ilyo kama apusie newe ukhulipulikhania ilikanisa, basi, na vechake kama munu va matayifa nu mutosa vushulu. 18 Kweli ndikhavachovela, sheshoha khila sheyamukhakhifunga pa inyi na khushanya khifungwa na sheshoha sheyamwifungula pa inyi na khushanya khifungulwa. 19 Khangi ndikhavachovela kama avanu vavili kati yenyo vachovane khwa licho lyelyoha pa inyi lyevanyilikhe ilyo u Baba vangu va khushanya akhalifanya. 20 Khwa khuva vavili au vadatu pevakhusanyikhe pamonga khwa litawa lyangu, nayune ndivele pakati na kati pavo. 21 Khangi uPetulo akhayicha nu khumuchovela uYeesu, "Mutwa, malakhalinga umulongo vangu anikhosele nayune ndimusamehake? Hata mala henekhamuhana?" 22 U Yeesu amuchovie, "Sindikhakhuchovela mala henekha muhana, lakhini hata mala sabini mala hene khamuhana. 23 Khwa sababu iyo uvutwa wa khushanya sawa numutwa fulani yealondaka ukhusayilisa ihesabu ukhuhuma khwa vatumwa vamwene. 24 Pevangile ukhusayilisa ihesabu, mutumwa yumonga akhaletwa khwa mwene ambave adayiwaka talanda elfu lichumi. 25 Khwa khuva siaveli ni njila ya khuhomba, umutwa vamwene alakiche akuchwe, umudala vamwene pamonga na vana va mwene ni khila khinu shealinasho, na mahombo kafanyike. 26 Ewe umutumwa abinila akhafuka amafukamilo, mbele ya mwene, akhachova, 'Mutwa, uvechake nu vufumilifu pamonga nani na ndikhakhuhomba khila khinu. 27 Nekhe umutwa va yula umutumwa, khwa khuva asukhumilwe sana nu lusungu, amulekhile nu khumupyanilailideni ilyo. 28 Lakhini umutumwa yula ahekile nukhumupata yumonga kati ya vatumwa vayine ya amudayaka ilideni dinali mia. Amukhwekile amubudila khumugolomela, nu khumuchovela, undipake khilashendi khakhudayi.' 29 Lakhini yula umutumwa muyine abinile nu khumusihi sana akhachova, uvechake nuvufumilifu nani, ndikhakhulipa.' 30 Lakhini umutumwa yula uva khwanjaabelile. Badala yakhe ahele nu khumutaka khumagelesa, mbakha peya ihomba khilasheakhamudayi. 31 Na pevalolile avatumwa vayavokhila shekhihumie. Vasikitikhe sana. Vayichilenu khumuchovela umutwa vavo khila khinu shekhihumie. 32 umutwa va mutumwa yulaamukhemelye, nukhumuchovela, 'Uve mutumwa muvivi, ndakhuhulumie uveve ilideni lyangulyoha khwasababu ya khunisihi sana. 33 Siyitakhiwike ukhumupyanila umutumwa muyino, kama unene shendikhakhupyanie uveve? 34 Va mwene adadile nukhumukhabisi khwavala ava pumusaji mbakha peya ihomba ikhiasi shohasheidayiwa. 35 Ewe ndio ubaba vangu va khushanya sheyaifanyila, kama khila yumonga venye siakhampyanila umulongovevamwene ukhuhuma munumbula mwenyo."